Maꞈtehˬ 25:43 - Akha

⁴³ Ngaˇ daˬ yah pyeuꞈ ngeh, naw maꞈ maˬ ha nehˬ laꞈ-aˬ. Ngaˇ mehˬ tsoeˬ maˬ ahˇ ngeh, naw maꞈ maˬ bi dm laꞈ-aˬ. Ngaˇ jawˇ saˇ maˬ doˆ ngeh maˬ ehˇ, paꞈ kuˆ-ahˇ uˇ ngeh maˬ ehˇ, naw maꞈ maˬ haw le-aˬ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Ngar maqsiq maqsux-eu tsawrhaq pyeuf-awr shaq ngae, nawmaf, ngaq-anr maq hageuf-aer, ngar nermyawvni jawr ngae, nawmaf, ngaq-anr maqbi dm naeqlaf-aq. Ngar nar ngae maqaer, kuv-anr ur ngae maqaer, nawmaf maq hawle naeqlaf-aq.’

Maꞈtehˬ 25:43 ပူးပေါင်းရင်းမြစ်များ

Yawˇbaˆ 31:19

Tsawˇ haˬ tiˬ gʼaˬ na shaˬ dui dui-awˇ, mehˬ tsoeˬ maˬ zeuˇ dm nya gaˇ ngaˇ ya mawˇ ngeh,

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Yeˬsaˬgeˬlaˇ 22:29

Smˇ muiˬ smˇ baw deuˬ mehˇ shuiˇ shuiˇ-awˇ, tahˇ joe joe-eu meh. Shaˬ zaˬ zahˬ zaˬ kʼoeˇ taˆ kʼaˆ dzaˬ-awˇ, aˬ cawˬ tsawˇ jeuˬ-euˬ uˬ duˬ-ahˇ dzaˬ-eu meh.

Maꞈtehˬ 25:36

Ngaˇ mehˬ tsoeˬ maˬ ahˇ ngeh, naw maꞈ bi dm laꞈ-euˬ meh. Ngaˇ jawˇ saˇ maˬ doˆ ngeh, naw maꞈ bo saˆ laꞈ-euˬ meh. Ngaˇ paꞈ kuˆ-ahˇ uˇ ngeh, naw maꞈ haw le-euˬ meh.’

Maꞈtehˬ 25:42

Ngaˇ hawˬ mehꞈ ngeh, naw maꞈ maˬ bi dzaˬ laꞈ-aˬ. Ngaˇ iˇ cuꞈ mehꞈ ngeh, naw maꞈ maˬ bi dawˇ laꞈ-aˬ.

Maꞈtehˬ 25:44

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ ehˇ tehꞈ-a. ‘Sahˬ paˬ-oˇ, hawˬ mehꞈ-eu, iˇ cuꞈ mehꞈ-eu, daˬ yah pyeuꞈ-eu, mehˬ tsoeˬ maˬ ahˇ-eu, jawˇ saˇ maˬ doˆ-eu, paꞈ kuˆ-ahˇ uˇ-eu, heu loꞈ-ehˇ gʼeh-eu deuˬ-ahˇ nawˇ ya daˬ luꞈ gaˇ nga maꞈ mawˇ-awˇ, nawˬ-ahˇ maˬ caw ba ni byehˇ-euˬ aˬ myah jaˆ ta.’

Gʼaˬkʼehˇ 15:36

Aˇ nah aˇ yamˬ ui cuiˆ myahˇ laˇ ngeh, Baˬnaˬbaˇ-ahˇ Pawˇluˆ ehˇ nehˬ-eu, “Aˇ nyaꞈ neh Sahˬpaˬ Miˬyehˇ-euˬ dawˬ kawˬ kʼaˇ mehˬ yaꞈ-euˬ meuˬ yawˬ meuˬ na luꞈ-ahˇ dawˬ deh gʼoꞈ gʼa-iˇ-awˇ, jah-eu tsawˇ haˬ pyeuꞈ-eu aˬ yuiꞈ aˬ nyiˇ kʼoeˇ deuˬ aˬ joˆ-ehˇ jawˇ luꞈ nga lehˇ haw-iˇ kaˇ-euˇ.”

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

Yaˇ kʼaˬ daˇ 19:15

Meuˬ kʼoeˇ meuˬ-ahˇ uˬ ciꞈ yaꞈ-eu gʼaˇ duˬ aˬ yawꞈ maꞈ le-euˬ meh. Meuˬ laꞈ kʼoeˇ aˬ yawꞈ maꞈ le uˇ-awˇ, pu kaˬ-ahˇ nuiˇ luꞈ kʼawꞈ, “Ngaˬ-eu nymˇ-ahˇ yaꞈ laˇ-awˬ” lehˇ, tsawˇ haˬ tiˬ gʼaˬ-iˬ maˬ ehˇ-a.