Maꞈtehˬ 25:4 - Akha

⁴ Noeˬ dahˇ doe-eu kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-awˇ, tsiˇ maˇ tsaꞈ kʼawꞈ ciˬ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, yawganr deuq-aq, tsirkhmq ciq-awr, tsir danq-eu martsaf khawf ciqghae-euq mae.

Maꞈtehˬ 25:4 ပူးပေါင်းရင်းမြစ်များ

Jaceuq 45:7

yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 25:2

Aˬ buˇ zaˬ guˬ kʼoeˇ deuˬ-aˬ, yaw laiꞈ ngaˬ gʼaˬ hawˇ-eu noeˬ dahˇ doe-eu ngaˬ gʼaˬ meh.

Maꞈtehˬ 25:3

Yaw laiꞈ kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-euˬ kʼawꞈ, tsiˇ aˇ dzehˬ maˬ yuˇ gʼeh-a.

Maꞈtehˬ 25:5

Miˬ zaˬ sheuˬ le-eu kʼaˬ dzeˇ zaˬ kʼoeˇ gʼaˬ yaw kawˇ-ehˇ maˬ oe keuˆ-eu miˇ neh, aˬ buˇ zaˬ guˬ kʼoeˇ deuˬ yuꞈ yoeˇ ngeuˇ laˇ-awˇ, yuꞈ kʼaˆ-euˬ meh.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

Yuˇdaˆ 1:19

Tsawˇ haˬ kʼoeˇ deuˬ-aˬ, aˇ maꞈ aˇ muˇ laˆ paˆ-eu jeˬ mˇ-eu, shiˬ shaˬ jiˇ nui noeˬ nui loˆ mˇ-eu, yawˬ ha laꞈ kʼoeˇ Yaw sahˇ Miˬyehˇ maˬ jawˇ-eu, kʼoeˇ loꞈ-ehˇ gʼeh-eu tsawˇ haˬ pyeuꞈ-eu meh.