Maꞈtehˬ 25:36 - Akha

³⁶ Ngaˇ mehˬ tsoeˬ maˬ ahˇ ngeh, naw maꞈ bi dm laꞈ-euˬ meh. Ngaˇ jawˇ saˇ maˬ doˆ ngeh, naw maꞈ bo saˆ laꞈ-euˬ meh. Ngaˇ paꞈ kuˆ-ahˇ uˇ ngeh, naw maꞈ haw le-euˬ meh.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Ngar nermyawvni jawr ngae, nawmaf, ngaq-anr bidm naeqlaf-awr, ngar nar ngae, nawmaf, ngaq-anr bosav naeqlaf-euq uqtaf, ngar kuv-anr urluf ngae, nawmaf, ngaq-anr hawle-euq mae.’

Maꞈtehˬ 25:36 ပူးပေါင်းရင်းမြစ်များ

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Yeˬsaˬgeˬlaˇ 18:16

Aˬ cawˬ-euˬ miˬ zaˬ-ahˇ aˬ yawꞈ maˬ bahˬ-a. Aˬ cawˬ-ahˇ nawˬ dzaˬ kʼaˆ dzaˬ-awˇ, tahˇ joe joe dzaˬ-eu jeˬ maˬ mˇ-a. Aˬ cawˬ neh kʼaˇ biꞈ daˇ laˇ-euˬ jeˬ aˬ yawꞈ biꞈ kʼoꞈ nehˬ-awˇ, mehꞈ-eu shuꞈ-eu tsawˇ haˬ deuˬ-ahˇ bi dzaˬ bi dawˇ-eu uˬ taꞈ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 34:4

Gʼaˬ maˬ ahˇ-eu yawˇ deuˬ-ahˇ maˬ bo saˆ-ehˇ, naˇ-eu yawˇ deuˬ-ahˇ jaˆ gʼaˬ maˬ laˆ saˆ-eu uˬ taꞈ, laˆ tahˬ laˆ naˇ-euˬ yawˇ deuˬ-ahˇ jaˆ gʼaˬ maˬ uꞈ nehˬ-ehˇ, gaˇ ma iˇ bahˬ-euˬ yawˇ deuˬ maˬ teh kʼoꞈ ni, byoˆ-iˇ-euˬ yawˇ deuˬ-ahˇ maˬ poˆ kʼoꞈ-ehˇ jawˇ coeˇ-eu meh. Kʼoeˇ uˬ taꞈ, yawˇ deuˬ-ahˇ naw maꞈ yehˬ bawˬ-ehˇ gʼeh-euˬ meh.

Maꞈtehˬ 25:37

“Kʼoeˇ ngeh, yaw tsaˬ yaw dawˇ tsawˇ haˬ kʼoeˇ deuˬ aˬ yawꞈ-ahˇ heu loꞈ-ehˇ ehˇ nehˬ tehꞈ-a. ‘Sahˬ paˬ-oˇ, nawˇ hawˬ mehꞈ ngeh nga maꞈ mawˇ-awˇ bi dzaˬ-euˬ aˬ myah jaˆ ta. Nawˇ iˇ cuꞈ mehꞈ ngeh nga maꞈ mawˇ-awˇ bi dawˇ-euˬ aˬ myah jaˆ ta.

Maꞈtehˬ 25:43

Ngaˇ daˬ yah pyeuꞈ ngeh, naw maꞈ maˬ ha nehˬ laꞈ-aˬ. Ngaˇ mehˬ tsoeˬ maˬ ahˇ ngeh, naw maꞈ maˬ bi dm laꞈ-aˬ. Ngaˇ jawˇ saˇ maˬ doˆ ngeh maˬ ehˇ, paꞈ kuˆ-ahˇ uˇ ngeh maˬ ehˇ, naw maꞈ maˬ haw le-aˬ.’

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.