Maꞈtehˬ 25:29 - Akha

²⁹ Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, paˇ bi jaˆ dzehˬ laˇ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aqjeq mirnae aernar-aq, kharjav-eu tsawrhaq-anr par biflanq naeq-awr, aqyawfmaf javkuflar taef-a. Maqjav-eu tsawrhaq-anr-aq, aqyawf kharjav-eu jeq khawf yabi yurdovjir taef-a.

Maꞈtehˬ 25:29 ပူးပေါင်းရင်းမြစ်များ

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Hawˇseˬ 2:9

Kʼoeˇ baˬ da neh, yamˬ law tsaˬ ngeh, ngaˬ-euˬ cehˇ ngaˇ yuˇ kʼoꞈ jiˇ-awˇ, aˬ gaꞈ dzaˇ uiˇ yuˇ kʼoꞈ jiˇ ma. Aˬ yawꞈ gʼawˇ mawˇ bi dm gʼoeˬ-euˬ, yawˇ caꞈ hm hawˇ-eu saˬ paˇ deuˬ, ngaˇ yuˇ kʼoꞈ jiˇ-awˇ bi shaˬ ma.

Maꞈtehˬ 13:12

Jaˆ-eu tsawˇ haˬ deuˬ bi jaˆ dzehˬ laˇ ni paˇ biꞈ lahˬ nehˬ tehꞈ-a. Ehˇ kʼawꞈ, maˬ jaˆ-eu tsawˇ haˬ deuˬ-ahˇ-aˬ, kʼaˇ jaˆ-eu dawˬ tawˆ luꞈ yuˇ jiˇ nehˬ tehꞈ-a.

Maꞈtehˬ 21:41

Aˬ yawꞈ maꞈ ehˇ-eu, “Haiˬ-eu tsawˇ haˬ kʼoeˇ deuˬ-ahˇ aˬ yawꞈ sehꞈ-eu yaw duˬ baw tehꞈ-a. Kʼoeˇ naˇ, aˇ yamˬ tsaˬ laˇ ngeh yaw sahˇ gʼaˬ-ahˇ oꞈ-eu shaˬ bymˇ biꞈ kʼoꞈ-eu siˬ nya-eu aˬ gaꞈ yaˇ kmˇ mˇ paˆ paˆ-eu tsawˇ haˬ yawˬ deuˬ yawˬ-ahˇ, aˬ gaꞈ yaˇ kmˇ paˇ bi mˇ paˆ tehꞈ-a.”

Maꞈtehˬ 25:28

Tsawˇ haˬ teu gʼaˬ jawˇ gaˇ jaˆ-eu pyuˇ teu deuˬ yuˇ-awˇ, tiˬ muiˇ byaˆ ahˇ-eu gʼaˬ-ahˇ biꞈ-awˬ.

Maˬkuˆ 4:25

Jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, maˬ jaˆ kʼaˇ jaˆ-eu dawˬ tawˆ luꞈ yuˇ jiˇ nehˬ tehꞈ-a.”

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Yoˇhaˬ 11:48

Aˬ yawꞈ-ahˇ kʼoeˇ loꞈ-ehˇ tehꞈ-ehˇ mˇ mˇ-ehˇ bi jawˇ naˇ, tsawˇ haˬ yawˬ gʼaˬ na luꞈ aˬ yawꞈ-ahˇ jah leˇ jiˇ-eu ngaˇ. Kʼoeˇ loꞈ-ehˇ pyeuꞈ laˇ naˇ, Loˇmaˆ tsawˇ haˬ deuˬ oe-awˇ, aˬ dui-euˬ Uˬ duˬ tahˬ nymˇ nymˇ ma hawˇ-eu aˬ dui-euˬ tsawˇ jeuˬ-ahˇ laˆ cawˆ le-eu ngaˇ.”

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.