Maꞈtehˬ 25:2 - Akha

² Aˬ buˇ zaˬ guˬ kʼoeˇ deuˬ-aˬ, yaw laiꞈ ngaˬ gʼaˬ hawˇ-eu noeˬ dahˇ doe-eu ngaˬ gʼaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf maf-aq, yawlaf ngaq ghaq hawr-eu yawganr ngaq ghaq mae.

Maꞈtehˬ 25:2 ပူးပေါင်းရင်းမြစ်များ

Yeˬlaˬmiˇ 24:2

Kʼaˆ puˬ yaw beh puˬ-aˬ, yaw naꞈ-ehˇ myah laˇ-euˬ siˬ guˬ aˇ siˬ yaw loˆ deuˬ pyaˆ ahˇ taˬ-euˬ meh. Kʼaˆ puˬ yawˬ puˬ yawˬ-aˬ, maˬ dzaˬ nya-eu maˬ muiˬ-eu siˬ guˬ aˇ siˬ pyaˆ ahˇ taˬ-euˬ meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 25:3

Yaw laiꞈ kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-euˬ kʼawꞈ, tsiˇ aˇ dzehˬ maˬ yuˇ gʼeh-a.

Maꞈtehˬ 25:4

Noeˬ dahˇ doe-eu kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-awˇ, tsiˇ maˇ tsaꞈ kʼawꞈ ciˬ gʼeh-euˬ meh.

Maꞈtehˬ 25:9

Noeˬ dahˇ doe-eu kʼoeˇ ngaˬ gʼaˬ ehˇ-eu, ‘Nga maꞈ gʼaˇ duˬ maˬ ngeuˇ naˇ maˬ loꞈ leˇ-eu paˬ. Tsiˇ ahˬ gaˇ iˇ-awˇ zeuˇ laˬ-iˇ-awˬ.’

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.