Maꞈtehˬ 25:10 - Akha

¹⁰ Kʼoeˇ ngeh, aˬ buˇ zaˬ guˬ yaw laiꞈ kʼoeˇ deuˬ tsiˇ zeuˇ-eu lehˇ doˆ-iˇ-euˬ meh. Aˬ yawꞈ maꞈ iˇ dzeuˇ ngeh, miˬ zaˬ sheuˬ le-eu gʼaˬ oe keuˆ-euˬ meh. Lehˬ hmˬ dah taˬ-euˬ aˬ buˇ zaˬ guˬ kʼoeˇ ngaˬ gʼaˬ-aˬ, aˬ yawꞈ nehˬ-ehˇ oeˇ mˇ baˇ-eu bawˬ-iˬ gʼeh gaˇ uˇ leˇ-euˬ meh. Kʼoeˇ naˇ, laˇ gʼoˆ piˬ tehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawfmaf zeur-ir luf ngae, yoshuif oekeuv-euq mae. Laeqhmqdan taq-euq khoerdeuq-aq, aqyawf naeq-aer oermr bar-eu yawbui-anr urler-euq mae. Khoernar-aq, larghov piqtaeq-euq mae.

Maꞈtehˬ 25:10 ပူးပေါင်းရင်းမြစ်များ

Aˇ dahˬ 7:16

Noˇaˬ-ahˇ Miˬyehˇ dawˬ biꞈ taˬ-euˬ loꞈ-ehˇ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˬ yawꞈ jeˬ yawꞈ aˬ poeˇ aˬ ma aˇ gu baw baw-ehˇ, Noˇaˬ nehˬ-ehˇ saˇ baoˬ laꞈ kʼoeˇ uˇ leˇ jiˇ-euˬ meh. Kʼoeˇ ngeh, Sahˬpaˬ Miˬyehˇ saˇ baoˬ laˇ gʼoˆ piˬ tehˬ-euˬ meh.

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Maꞈtehˬ 24:42

“Naw maꞈ-euˬ Sahˬpaˬ aˬ geu ngeh nah oe-eu naw maꞈ maˬ siˬ nya-eu miˇ neh, yaw beuˇ beuˇ-ehˇ jawˇ-awˬ.

Maꞈtehˬ 24:43

Smˇ kʼoeˬ kʼoeˬ laˇ-eu aˇ yamˬ-ahˇ nymˇ sahˇ gʼaˬ siˬ nya law nmˇ-aˬ, smˇ kʼoeˬ-ahˇ iˇ kahˇ laꞈ kʼoeˇ maˬ bi uˇ keuˆ laˇ ni, yaw beuˇ beuˇ-ehˇ jawˇ-awˇ loꞈ kʼmˬ taˬ-eu yaw duˬ baw tehꞈ-a lehˇ naw maꞈ siˬ nya meh.

Maꞈtehˬ 24:44

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

Maꞈtehˬ 25:6

“‘Miˬ zaˬ sheuˬ le-eu gʼaˬ oe keuˆ-euˬ meh. Ha laˬ laˇ-awˬ’ lehˇ guˇ doˆ laˇ ngeh, sehˇ gʼahˇ ceh laˇ-euˬ meh.

Maꞈtehˬ 7:21

“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Luˇkaꞈ 12:35

Naw maꞈ joꞈ paꞈ deuˇ geuˆ ni paꞈ-awˇ, tsiˇ kʼmˬ doꞈ taˬ-awˬ.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 19:7

Aˬyawꞈ huiˬ dui mahˇ dui dui gaˇ, laˬ kʼaˬ cehˇ-awˇ ja ceuˬ kaˇ-euˇ. Aˬ jeˬ miˇ neh ehˇ naˇ, Yawˇ zaˬ oeˇ mˇ baˇ-eu gʼeh-awˇ, zaˬ miˬ lehˬ hmˬ dah taˬ-euˬ meh.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.