Maꞈtehˬ 24:35 - Akha

³⁵ Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Mqmir byov-ir taef-a. Aerkhawf, ngaq-euq dawq tiqjawr-iq maqbyov-ir-ar.

Maꞈtehˬ 24:35 ပူးပေါင်းရင်းမြစ်များ

Jaceuq 102:26

Mˬ miˇ byoˆ-iˇ jiˇ kʼawꞈ, nawˇ maˬ byoˆ-iˇ nya-a. Kʼoeˇ deuˬ dawˬ tawˆ luꞈ mehˬ tsoeˬ loꞈ-ehˇ peuˬ-iˇ tehꞈ-a. Saˬ paˇ paˇ cehˇ loꞈ-ehˇ biˬ dzeh-awˇ, bi piˬ bi byoˆ-iˇ jiˇ tehꞈ-a.

Jaceuq 119:89

Sahˬpaˬ Miˬyehˇ-oˇ, nawˬ-euˬ dawˬ tiˬ jawˇ-iˬ maˬ byoˆ-iˇ-ehˇ, mˬ maˬ maˬ byaˆ zaˇ ziˇ mˬ kʼoeˇ taˆ jaˆ tehꞈ-a.

Jaceuq 19:7

SahˬpaˬMiˬyehˇ-euˬ Zahˇdawˬ-aˬ, byah dui dui-eu Zahˇdawˬpyeuꞈ-awˇ, nui ma-ahˇgʼaˬbi ahˇ-eu meh. SahˬpaˬMiˬyehˇbiꞈ-euˬdawˬ-aˬ, jah coeˇdui dui-eu dawˬpyeuꞈ-awˇ, maˬsiˬmaˬnya-eu tsawˇhaˬ-ahˇ, zaˬsiˬtsawˇgahˇbiꞈlahˬ-eu meh.

Jaceuq 89:34

Dzaˬ taˬ-euˬ dawˬ ma saˇ jaˇ-ahˇ maˬ puiˬ-ehˇ, kʼaˇ dzaˬ taˬ-euˬ tiˬ jeˬ-iˬ maˬ yuˇ kʼoꞈ.

Dawqdaq 30:5

Miˬyehˇ neh saˇ jaˇ kʼaˇ dzaˬ taˬ-euˬ yawˬ jeˬ na luꞈ ziꞈ-eu meh. Aˬ yawꞈ-ahˇ kʼaˇ gʼoe-eu tsawˇ haˬ deuˬ-ahˇ aˬ yawꞈ yaw muiˬ paˬ-ehˇ haw piˇ-eu meh.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Iˇsaˬyaˇ 40:8

Ngeuˇ meh. Yaˇ moꞈ nyoeˬ-iˇ-awˇ aˇ yehˆ juˬ-iˇ-eu meh. Ehˇ kʼawꞈ, aˬ dui Miˬyehˇ-euˬ dawˬ, mˬ maˬ maˬ byaˆ zaˇ ziˇ gmˬ meh.”

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Daˬyeˬlaˇ 4:28

Kʼaˇ ehˇ taˬ-euˬ jeˬ dawˬ tawˆ luꞈ, sahˬ paˬ Neˬbuˬkaˬneˬzaˬ kʼoeˇ taˆ keuˆ le-euˬ meh.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Maˬkuˆ 13:31

Mˬ hawˇ-eu miˇ maˬ jaˆ coeˇ-ehˇ byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Luˇkaꞈ 21:33

Mˬ hawˇ-eu miˇ maˬ jaˆ coeˇ-ehˇ byoˆ-iˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

1 Beˬtuˆluˆ 1:25

Ehˇ kʼawꞈ, Sahˬpaˬ Miˬyehˇ-euˬ dawˬ, mˬ maˬ maˬ byaˆ zaˇ ziˇ ziꞈ meh.” Sahˬpaˬ Miˬyehˇ-euˬ dawˬ lehˇ ehˇ-eu kʼoeˇ-aˬ, naw maꞈ-ahˇ mehˬ laˇ-euˬ Laˬ kʼaˬ cehˇ-eu Guiˬ lahˬ dawˬ-ahˇ ehˇ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 6:14

Mˬ-aˬ, sahˬ boꞈ paˇ yoˆ lehˬ yoˆ kʼoꞈ-eu loꞈ-ehˇ byoˆ-iˇ-awˇ, gawˬ jawˬ yawˬ jawˬ na luꞈ hawˇ-eu iˇ jaw lahˇ yawˬ lahˇ na luꞈ, jawˇ duˬ bi jiˆ paˇ jiˇ-euˬ meh.