Maꞈtehˬ 24:32 - Akha

³² “Siˬ guˬ aˇ bawˇ-ahˇ haw-awˇ, yamˬ law toꞈ-awˬ. Laꞈ myaˆ myaˆ laˇ-awˇ baw nmˬ nmˬ doˆ laˇ naˇ, jawˇ la doˆ le meh lehˇ naw maꞈ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² “Nawmaf, siqguq arbawr-anr haw-awr dzawgeuf-awq. Arbawr khoer, lafmyav-anr bawnmq nmqlar-awr, pafcoev coevlar-euq nar-aq, jawrla yamq dovle shaw-iq ngar-a laer nawmaf siqnya-eu mae.

Maꞈtehˬ 24:32 ပူးပေါင်းရင်းမြစ်များ

Dawˬ caˇ 2:13

Siˬ guˬ aˇ siˬ awꞈ yamˬ keuˆ laˇ-awˇ, jaˬ lehˇ baw ngeh aˬ gaꞈ aˇ yehˆ saw dui dui nya. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maꞈtehˬ 24:33

Kʼoeˇ loꞈ-ehˇ duˇ ni, gaˇ kawˆ kʼoeˇ deuˬ dawˬ tawˆ luꞈ-ahˇ naw maꞈ ya mawˇ ngeh, aˇ yamˬ peh le luꞈ-awˇ , laˇ gʼoˆ dawˬ peh tah tehˬ le taˬ-euˬ gaˇ kawˆ naw maꞈ siˬ nya-awˬ.