Maꞈtehˬ 24:31 - Akha

³¹ Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Maꞈtehˬ 24:31 ပူးပေါင်းရင်းမြစ်များ

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 67:7

Miˬyehˇ aˬ dui-ahˇ guiˬ lahˬ biꞈ laꞈ-euˬ meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ taˬ huiˬ taˬ mahˇ luꞈ-uˇ.

Jaceuq 81:3

La shuiꞈ tsehˬ ngeh hawˇ-eu la loˆ loˆ ngeh, daˇ heh baw-awˇ bawˬ-iˬ gʼeh-awˬ.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Iˇsaˬyaˇ 13:5

Miˇ kʼahˬ kʼahˬ lah ni laˆ cawˆ jiˇ-eu gʼaˇ duˬ, Sahˬpaˬ Miˬyehˇ-euˬ nui kʼahˇ mˇ byah-eu lehˇ, mˬ dzeˇ miˇ dzeˇ miˇ kʼahˬ-ahˇ neh, aˬ yawꞈ maꞈ laˇ-euˬ meh.

Iˇsaˬyaˇ 27:13

Aˇ nah kʼoeˇ nah keuˆ le ngeh, Aˬshuˇliˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ bi nyehꞈ gʼeh-awˇ jawˇ byoˆ taˬ-euˬ Iˇsaˬleˬlaˆ tsawˇ haˬ deuˬ-ahˇ kuˇ kʼoꞈ-eu daˇ heh baw laˇ tehꞈ-a. Aˬ yawꞈ maꞈ gʼoꞈ laˇ-awˇ, Sahˬpaˬ Miˬyehˇ-euˬ muiˬ-eu shawˇ-eu gawˬ jawˬ-ahˇ jaˆ-eu Yeˬluˇsaˬlehˬ meuˬ-ahˇ, Sahˬpaˬ Miˬyehˇ-ahˇ uˬ duˬ tahˬ laˇ tehꞈ-a.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 43:6

Laꞈ taˆ pyawˬ aˬ yawꞈ maꞈ-ahˇ bi pyehˬ-awˇ, laˬ oˆ pyawˬ maˬ bi gʼeu tehˬ ni ngaˇ dawˬ ngehˬ ma. Miˇ ma oeˬ coeˇ oeˬ pyawˬ jawˇ byaˆ taˬ-euˬ, ngaˬ-euˬ tsawˇ haˬ gʼoꞈ uiˬ laˇ nya ni ngaˇ ja ma.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 49:18

Doe doe-ehˇ nawˇ haw gʼeh-iˬ sheˇ. Nawˬ-euˬ tsawˇ haˬ uiˬ leˇ luꞈ meh. Aˬ yawꞈ maꞈ gʼoꞈ laˇ-eu lehˇ gʼeh luꞈ meh. Ngaˇ dehꞈ luꞈ-eu Miˬyehˇ pyeuꞈ-eu duˬ-euˬ loꞈ-ehˇ, jiˇ cehˇ gʼeh-eu zaˬ miˬ myawˬ guˇ geuꞈ-awˇ jahˇ gʼeh haw gaˇ duˇ ni, nawˬ-euˬ tsawˇ haˬ gʼaˇ duˬ nawˇ kʼahˬ sehˇ jehˆ tehꞈ-a.

Iˇsaˬyaˇ 60:4

Nawˬ-euˬ tiˬ jawˬ myaˆ nuiˆ byeh-awˇ haw-awˬ. Nawˬ-euˬ tsawˇ haˬ gʼoꞈ laˇ-eu lehˇ uiˬ leˇ luꞈ meh. Gaˇ mahˇ jawˇ-eu nawˬ li deuˬ gʼoꞈ doˆ laˇ-awˇ, nawˬ buˇ deuˬ-ahˇ aˬ cawˬ ciˬ kʼoꞈ ha laˇ tehꞈ-a.

Daˬyeˬlaˇ 7:2

Daˬyeˬlaˇ ehˇ-eu, “Mˬ-ahˇ neh oe-euˬ jaˬ lehˇ, miˇ ma oeˬ coeˇ oeˬ pyawˬ luꞈ baw gʼeh leꞈ-awˇ, iˬ ma laˆ shaˆ-ahˇ ciˬ tahˬ ciˬ tuˆ-euˬ meh.

Zaˬkaˬliˇ 14:5

Gawˬ jawˬ-ahˇ nyiˬ paˆ biˇ paˆ-euˬ gʼaˬ lawˬ kʼoeˇ caw caw-ehˇ, naw maꞈ cehˆ dzeuˇ nya tehꞈ-a. Aˇ hu Yuˇdaˆ miˇ kʼahˬ-ahˇ sahˬ paˬ Awˇziˇ uˆ lahˇ luꞈ ngeh miˇ luˆ luˆ laˇ-awˇ, naw maꞈ-euˬ aˬ poeˬ aˬ bawˇ deuˬ cehˆ-euˬ loꞈ-ehˇ, naw maꞈ kʼawꞈ ya cehˆ tehꞈ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ taˆ gʼaˬ kʼehˇ dawˬ tawˆ luꞈ sheuˬ-awˇ oe tehꞈ-a.

Zaˬkaˬliˇ 2:6

“Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 6:5

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Heu-aˬ, jaˬ lehˇ oeˬ bahˬ-ahˇ ehˇ mawꞈ-eu meh. Aˬ yawꞈ maꞈ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ jawˇ gaˇ neh oe-euˬ meh.

Zaˬkaˬliˇ 9:10

Sahˬpaˬ Miˬyehˇ ehˇ-eu, “Iˇsaˬleˬlaˆ-euˬ guiˇ laˆ lawˬ, Yeˬluˇsaˬlehˬ-euˬ guiˇ dziˬ mahˬ, dawˬ tawˆ luꞈ ngaˇ yuˇ byoˆ jiˇ-awˇ, Guiˇ deuˆ gaˇ geuꞈ-eu kaˆ myaˬ deuˬ, dawˬ tawˆ luꞈ ngaˇ laˆ cawˆ jiˇ ma. Naw maꞈ-ahˇ uˆ lahˇ-eu sahˬ paˬ, miˇ kʼahˬ tsawˇ jeuˬ-ahˇ tsaˬ leˇ-awˇ, laˆ shaˆ nyiˬ dzeˇ uˆ lahˇ gʼmˇ-awˇ, Uˇpaˬlaˇ lawˇ baˬ-ahˇ neh naˇ, mˬ dzeˇ miˇ dzeˇ dzoeˬ keuˆ tehꞈ-a.”

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Maꞈtehˬ 13:41

Tsawˇhaˬ-euˬ Zaˬmaˇ-aˬ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ pyehˬ gʼeh leꞈ-awˇ, aˬ cawˬ iˬ baˇ mˇ ni jahˇ-eu tsawˇ haˬ dawˬ tawˆ luꞈ hawˇ-eu, yaw haiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, aˬ yawꞈ-euˬ Miˇ kʼahˬ laꞈ kʼoeˇ neh bi sheuˬ doˆ uiˬ tehꞈ-a.

Maꞈtehˬ 24:22

Ehˇ kʼawꞈ, aˇ nah aˇ yamˬ kʼoeˇ Miˬyehˇ neh laˆ nymˇ taˬ-euˬ meh. Aˬ yawꞈ neh kʼoeˇ loꞈ-ehˇ maˬ laˆ nymˇ law nmˇ-aˬ, tsawˇ haˬ tiˬ gʼaˬ-iˬ maˬ dzeuˇ-iˇ nya-aˇ. Aˬ yawꞈ neh tseˇ doˆ-euˬ tsawˇ haˬ deuˬ gʼaˇ duˬ shaˇ noeˬ-awˇ, aˇ nah aˇ yamˬ kʼoeˇ nymˇ le ni aˬ yawꞈ jahˇ-euˬ meh.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 24:32

“Siˬ guˬ aˇ bawˇ-ahˇ haw-awˇ, yamˬ law toꞈ-awˬ. Laꞈ myaˆ myaˆ laˇ-awˇ baw nmˬ nmˬ doˆ laˇ naˇ, jawˇ la doˆ le meh lehˇ naw maꞈ siˬ nya meh.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yoˇhaˬ 11:52

Aˬ yawꞈ maꞈ gʼaˇ duˬ tehꞈ-ehˇ maˬ ngeuˇ ni, miˇ tsaˬ doe ni bi teh byaˆ taˬ-euˬ Miˬyehˇ-euˬ tsawˇ haˬ deuˬ tiˬ maꞈ tiˬ muˇ tehꞈ-ehˇ paˇ bi pyeuꞈ laˇ-eu gʼaˇ duˬ aˬ yawꞈ ya shiˇ dah-eu gaˇ kawˆ ngehˬ dah-eu jeˬ kʼawꞈ pyeuꞈ-eu meh.

Lormav 10:18

Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.”

1 Gawˇliˬtu 15:52

Aˇ saˬ saˬ-eu daˇ heh teˇ saˇ mahˇ laˇ ngeh, tiˬ kʼehˇ laˇ kʼehˬ myaˆ nuiˆ kʼoˆ tehˆ tiˬ tehˆ laꞈ kʼoeˇ aˬ dui paˇ laˇ jiˇ tehꞈ-a. Aˬ jeˬ miˇ neh ehˇ naˇ, daˇ heh teˇ saˇ mahˇ laˇ ngeh, shiˇ-euˬ tsawˇ haˬ deuˬ-ahˇ tiˬ jawˇ-iˬ maˬ paˇ bi shiˇ-eu gʼaˇ duˬ bi gʼoꞈ dehꞈ laˇ-awˇ, aˬ dui dawˬ tawˆ luꞈ yaw shuiꞈ paˇ laˇ jiˇ tehꞈ-a.

Eˇpeˇsu 1:10

Aˇ yamˬ tsaˬ laˇ ngeh mˇ byah-eu gʼaˇ duˬ Miˬyehˇ neh noeˬ tsehˆ-awˇ lehˬ hmˬ taˬ-euˬ gaˇ kawˆ kʼoeˇ-aˬ, yawˬ jeˬ na luꞈ-euˬ uˬ duˬ pyeuꞈ-eu Ka li-ahˇ mˬ hawˇ-eu miˇ kʼoeˇ taˆ kʼaˇ beh taˬ-euˬ jeˬ dawˬ tawˆ luꞈ bi gawꞈ bi bawˆ leˇ-eu gʼaˇ duˬ pyeuꞈ-eu meh.

Dawˬmehˬ 30:4

Nawˬ-euˬ tsawˇ haˬ tiˬ paˆ na deuˬ-aˬ, mˬ dzeˇ miˇ dzeˇ keuˆ ni kaˬ gaˇ cehˆ byaˆ taˬ-euˬ kʼawꞈ, aˬ yawꞈ paˇ sheuˬ kʼoꞈ uiˬ laꞈ tehꞈ-a.

Dawˬmehˬ 4:32

“Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.

1 Teˇsaˬloˇni 4:16

Miˬyehˇ guˇ-awˇ dawˬ biꞈ-eu teˇ saˇ maˬ ehˇ, mˬ taˆ gʼaˬ kʼehˇ yaw huiˬ gʼaˬ-euˬ teˇ saˇ maˬ ehˇ, Miˬyehˇ-euˬ daˇ heh teˇ saˇ maˬ ehˇ, ya gaˬ-awˇ, Sahˬpaˬ Yeˬsuˇ mˬ-ahˇ neh zaꞈ le tehꞈ-a. Kʼoeˇ ngeh, Ka li-ahˇ jah jah-ehˇ shiˇ-euˬ tsawˇ haˬ deuˬ aˬ hu gʼoꞈ dehꞈ laˇ tehꞈ-a.

2 Teˇsaˬloˇni 2:1

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li zaꞈ le-eu gaˇ kawˆ hawˇ-eu aˬ dui aˬ yawꞈ jawˇ gaˇ ya uiˬ leˇ-eu gaˇ kawˆ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ shaˇ-eu ma.

HeˬByehˇ 12:19

daˇ heh teˇ saˇ-ahˇ maˬ ehˇ, dawˬ ngehˬ-eu teˇ saˇ-ahˇ maˬ ehˇ, ya gaˬ ya mawˇ-euˬ meh.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 7:1

Kʼoeˇ naˇ, miˇ ma oeˬ coeˇ oeˬ pyawˬ-ahˇ mˬ taˆ gʼaˬ kʼehˇ oeˬ gʼaˬ yawꞈ luꞈ gaˇ ngaˇ ya mawˇ-euˬ ma. Miˇ tsaˬ kʼoeˇ taˆ maˬ ehˇ, iˬ ma laˆ shaˆ kʼoeˇ taˆ maˬ ehˇ, aˇ bawˇ-ahˇ maˬ ehˇ, jaˬ lehˇ maˬ bi baw ni, miˇ ma oeˬ coeˇ oeˬ pyawˬ-euˬ jaˬ lehˇ-ahˇ aˬ yawꞈ maꞈ nyehꞈ tehˬ taˬ-euˬ meh.

Panmaeq 8:2

Kʼoeˇ naˇ, Miˬyehˇ mehˬ shi yawꞈ luꞈ-eu mˬ taˆ gʼaˬ kʼehˇ shiꞈ gʼaˬ-ahˇ ngaˇ mawˇ-euˬ ma. Aˬ yawꞈ maꞈ-ahˇ daˇ heh shiꞈ hmˬ biꞈ nehˬ-euˬ meh.