Maꞈtehˬ 24:28 - Akha

²⁸ “Tsawˇ shiˇ kʼaˇ ga gaˇ kʼaˬ dzeˇ jeˬ shiˇ uiˬ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Shirtaq-euq mawrdo aqgar ga nar-aq, jeqshir khaqdzer khawf khoergar uiqler taef-a.

Maꞈtehˬ 24:28 ပူးပေါင်းရင်းမြစ်များ

Yeˬlaˬmiˇ 16:16

Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Yeˬsaˬgeˬlaˇ 39:17

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, ngaˬ neh lawˇ-euˬ shehˇ-euˬ jeˬ-ahˇ dzaˬ laˇ-awˬ lehˇ, yawˬ paw na luꞈ jawˇ-eu aˇ jiˇ hawˇ-eu jeˬ zaˬ deuˬ kuˇ uiˬ jiˇ-awˬ. Kʼoeˇ-aˬ, Iˇsaˬleˬlaˆ gawˬ jawˬ deuˬ kʼoeˇ taˆ huiˬ dui dui-eu bawˬ-iˬ tiˬ hmˬ pyeuꞈ-awˇ, aˬ yawꞈ maꞈ shaˬ jiˇ dzaˬ-awˇ shiˬ ya dawˇ dehˆ tehꞈ-a.

Haˬbaˬkuˆ 1:8

“Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.

Luˇkaꞈ 17:37

Zaˬ lahˇ deuˬ Yeˬsuˇ-ahˇ naˇ haˬ-eu, “Sahˬpaˬ-oˇ, kʼoeˇ loꞈ-ehˇ aˬ geu gaˇ pyeuꞈ laˇ ta.” Yeˬsuˇ ehˇ-eu, “Shiˇ taˬ-euˬ gʼawˇ mawˇ kʼaˇ ga gaˇ, jeˬ shiˇ kʼaˬ dzeˇ uiˬ tehꞈ-a.”

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.