Maꞈtehˬ 23:32 - Akha

³² Toˆ-ehˇ ngeuˇ naˇ, naw maꞈ-euˬ aˬ poeˬ aˬ bawˇ deuˬ neh mˇ bahˬ yaꞈ-euˬ jeˬ-ahˇ, naw maꞈ mˇ saˬ mˇ li li-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nawmaf-euq aqpoeq deuq nae mrbanq yaf-euq jeq-anr nawmaf mrsaq mrli li-awq.

Maꞈtehˬ 23:32 ပူးပေါင်းရင်းမြစ်များ

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Yeˬsaˬgeˬlaˇ 20:4

“Tsawˇ haˬ zaˬ-oˇ, nawˇ aˬ yawꞈ maꞈ-ahˇ yaˇ kʼaˬ daˇ-eu lehˇ noeˬ tsehˆ gʼaˬ maˬ loˇ. Noeˬ tsehˆ gʼaˬ-euˬ ngeuˇ naˇ, daˇ nehˬ-awˬ. Aˬ yawꞈ maꞈ-euˬ aˬ da deuˬ neh mˇ-euˬ jawꞈ dui dui-eu jeˬ aˬ yawꞈ maꞈ-ahˇ ja noeˬ nehˬ-awˬ.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Maꞈtehˬ 23:31

Kʼoeˇ miˇ neh, naw maꞈ-aˬ, Miˬyehˇ gʼaˇ duˬ ngehˬ dah-eu deuˬ-ahˇ sehꞈ-euˬ tsawˇ haˬ deuˬ-euˬ zaˬ deuˬ uˆ deuˬ ma lehˇ, yawˬ haˇ yawˬ ha saˇ kiˇ kamˬ gaˇ duˇ-eu meh.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.