Maꞈtehˬ 23:18 - Akha

¹⁸ ‘Tsawˇ haˬ tiˬ gʼaˬ na, lawˇ duˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ kʼawꞈ tiˬ jeˬ-iˬ maˬ ngeuˇ-a. Ehˇ kʼawꞈ, lawˇ duˬ kʼoeˇ taˆ lawˇ-euˬ jeˬ-ahˇ gʼoe-awˇ kamˬ naˇ, aˬ yawꞈ neh kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ, naw maꞈ paˇ mehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nawmaf paraer-eu, ‘Tsawrhaq tiqghaqnav lawrduq-anr ghoe-awr kamq-euq nar-aq, aqyawf nae kamqtaq-euq lof-aer maqmr khawf tiqjeq-iq maqngeur-ar. Aerkhawf, lawrduq-euq khoertav lawrnaeq-euq jeq-anr ghoe-awr kamq-euq nar-aq, aqyawf nae kamqtaq-euq lof-aer ya’mr-eu mae.’

Maꞈtehˬ 23:18 ပူးပေါင်းရင်းမြစ်များ

2 Laˬsaˬbaˬ 6:22

Tsawˇ haˬ tiˬ gʼaˬ aˬ cawˬ-ahˇ mˇ lehˬ laˆ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ lehˇ bi kamˬ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

Bawˇtsahˬ 30:2

Tsawˇ haˬ tiˬ gʼaˬ na tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, saˇ jaˇ maˬ puiˬ ni yawˬ ha neh kʼaˇ ehˇ taˬ-euˬ loꞈ-ehˇ ya mˇ byah meh.

Maꞈtehˬ 23:16

Aˬ cawˬ-ahˇ gaˇ ma mehˬ-eu myaˆ behꞈ deuˬ-oˇ, naw maꞈ ya noeˬ shaˬ dui dui tehꞈ-a. ‘Tsawˇ haˬ tiˬ gʼaˬ na, Uˬ duˬ tahˬ nymˇ nymˇ ma-ahˇ gʼoe-awˇ kamˬ naˇ, aˬ yawꞈ neh kamˬ-euˬ loꞈ-ehˇ maˬ mˇ kʼawꞈ, tiˬ jeˬ-iˬ maˬ ngeuˇ-a. Ehˇ kʼawꞈ, Uˬ duˬ tahˬ nymˇ nymˇ ma laꞈ kʼoeˇ jaˆ-eu shuiˇ-ahˇ gʼoe-awˇ kamˬ naˇ, aˬ yawꞈ neh kʼaˇ kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ naw maꞈ mehˬ-eu meh.

Maꞈtehˬ 23:17

Myaˆ behꞈ behꞈ-eu aˬ dzawˬ aˇ gah deuˬ-oˇ, aˬ geu jeˬ huiˬ dzehˬ ta. Shuiˇ huiˬ dzehˬ ta loˇ. Shuiˇ-ahˇ Miˬyehˇ gʼaˇ duˬ bi muiˬ bi shawˇ laˇ-euˬ Uˬ duˬ tahˬ nymˇ nymˇ ma huiˬ dzehˬ ta loˇ.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Maˬkuˆ 7:11

Ehˇ kʼawꞈ, naw maꞈ heu loꞈ-ehˇ mehˬ nehˬ tsoˆ nehˬ luꞈ-eu meh. Tsawˇ haˬ tiˬ gʼaˬ na yawˬ ha-euˬ aˬ da aˬ ma-ahˇ tiˬ jeˬ paˬ caw ba nehˬ nya-eu jaˆ kʼawꞈ, (‘Heu-aˬ, Miˬyehˇ-ahˇ oꞈ-eu jeˬ meh’ lehˇ dawˬ tsuiꞈ ehˇ mawꞈ-eu laꞈ kʼoeˇ), ‘Heu-aˬ, Gawˬ baˬ meh’ lehˇ ehˇ shaw naˇ,

Gaˬlaˬtiˆ 5:3

Ngaˇ tiˬ poˆ paˇ ehˇ nehˬ nyaˇ. Baˆ kʼoˆ mehˬ dzaˬ kʼaˇ yehˬ-euˬ tsawˇ haˬ-aˬ, Zahˇ dawˬ kʼoꞈ dawˬ dawˬ tawˆ luꞈ-ahˇ ya mˇ byah meh.