Maꞈtehˬ 22:31 - Akha

³¹ Shiˇ-euˬ tsawˇ haˬ deuˬ gʼoꞈ dehꞈ laˇ-eu gaˇ kawˆ-ahˇ taꞈ leˇ-awˇ, Miˬyehˇ neh naw maꞈ-ahˇ ehˇ taˬ-euˬ dawˬ, naw maꞈ tiˬ jawˇ-iˬ maˬ gui haw-aˬ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Shir-euq tsawrhaq ghofdaef lar-eu garkawv-anr tafler-awr nae, Miqyaer, nawmaf-anr aertaq-euq dawq-anr maq guihaw-aq lor?

Maꞈtehˬ 22:31 ပူးပေါင်းရင်းမြစ်များ

Maꞈtehˬ 12:3

Yeˬsuˇ ehˇ-eu, “Daˬbiˇ hawˇ-eu aˬ yawꞈ-euˬ mehˬ nah caw teh-eu tsawˇ haˬ deuˬ hawˬ mehꞈ laˇ ngeh, Daˬbiˇ aˬ joˆ-ehˇ jahˇ-euˬ gaˇ kawˆ naw maꞈ maˬ ya gui haw-aˬ loˇ.

Maꞈtehˬ 12:7

‘Jeˬ zaˬ lawˇ nehˬ laꞈ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu nui ma-ahˇ ngaˇ geuꞈ mawꞈ-eu ma’ lehˇ, Jaˇliꞈ laꞈ kʼoeˇ ehˇ taˬ-euˬ meh. Dawˬ tsuiꞈ kʼoeˇ naw maꞈ gʼoˆ shaw nya law nmˇ-aˬ, maˬ bahˬ maˬ muˆ-eu tsawˇ haˬ-ahˇ naw maꞈ iˬ baˇ maˬ taˬ-aˇ.

Maꞈtehˬ 21:16

Kʼoeˇ miˇ neh, aˬ yawꞈ maꞈ Yeˬsuˇ-ahˇ ehˇ-eu, “Zaˬ teu deuˬ aˬ jeˬ guˇ luꞈ-eu nawˬ-ahˇ maˬ gaˬ laˇ nya loˇ.” Yeˬsuˇ ehˇ-eu, “Ngaˇ gaˬ luꞈ ma. ‘Zaˬ yaw nyiˇ deuˬ hawˇ-eu zaˬ nahˬ deuˬ tiˬ byah tiˬ loꞈ ja ceuˬ nya laˇ ni, nawˇ mehˬ nehˬ tsoˆ nehˬ-euˬ meh’ lehˇ ehˇ taˬ-euˬ jaˇ liꞈ dawˬ kawˬ-ahˇ naw maꞈ tiˬ poˆ-iˬ maˬ gui haw-aˬ loˇ.”

Maꞈtehˬ 21:42

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ naw maꞈ tiˬ jawˇ-iˬ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh. SahˬpaˬMiˬyehˇ neh jahˇ-euˬ kʼoeˇ, aˇ naˆ ni zahˬ leˇ duˬ jaˆ nga.’

Maꞈtehˬ 22:30

Shiˇ-euˬ tsawˇ haˬ dawˬ tawˆ luꞈ gʼoꞈ dehꞈ laˇ ngeh nah, mˬ taˆ gʼaˬ kʼehˇ loꞈ-ehˇ pyeuꞈ-awˇ, sheuˬ dahˬ dzaˬ-eu maˬ paˇ baw meh.

Maꞈtehˬ 22:32

‘Ngaˇ-aˬ, Aˬbyaˬhaˬ-euˬ Miˬyehˇ, Iˇtsaˆ-euˬ Miˬyehˇ, Yaˬkoˆ-euˬ Miˬyehˇ ma’ lehˇ, aˬ yawꞈ ehˇ-eu meh. Aˬ yawꞈ-aˬ, dehꞈ luꞈ-eu tsawˇ haˬ deuˬ-euˬ Miˬyehˇ meh. Shiˇ-euˬ tsawˇ haˬ deuˬ-euˬ Miˬyehˇ maˬ ngeuˇ-a.”

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”