Maꞈtehˬ 22:18 - Akha

¹⁸ Ehˇ kʼawꞈ, aˬ yawꞈ maꞈ yaw doeˇ jahˇ mawꞈ-eu nui ma laꞈ gʼoꞈ ahˇ gaˇ Yeˬsuˇ siˬ nya-awˇ ehˇ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, aˬ jeˬ miˇ neh naw maꞈ ngaˬ-ahˇ lahˇ ju kʼmˇ paꞈ-eu lehˇ leh jeh te.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Yeqsur, aqyawfmaf yawcawv jeq anr-eu gar siqnya-awr heulof-aer aer-eu mae, “Yawmuiq janrgeuf-eu tsawrhaq deuq-or! Aqjeq mirnae ngaq-anr tsermr haw-eu le?

Maꞈtehˬ 22:18 ပူးပေါင်းရင်းမြစ်များ

Maꞈtehˬ 12:15

Aˬ cawˬ aˬ yawꞈ-ahˇ sehꞈ-eu lehˇ bawˬ kʼoeˬ luꞈ-eu gaˇ kawˆ Yeˬsuˇ ya siˬ ngeh, jawˇ duˬ kʼoeˇ tsahˇ-ahˇ neh yahˇ doˆ-euˬ meh. Tsawˇ haˬ gʼawˬ mya ni aˬ yawꞈ-euˬ mehˬ nah caw teh-awˇ, naˇ-eu tsawˇ haˬ dawˬ tawˆ luꞈ-ahˇ aˬ yawꞈ laˆ taˬ nehˬ-euˬ meh.

Maꞈtehˬ 19:3

Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Aˬ jeˬ gaˇ kawˆ baˬ da neh maˬ kaˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ-ahˇ kʼoꞈ naˇ, Zahˇ dawˬ kʼoꞈ dawˬ-ahˇ tsaˬ meh loˇ.”

Maꞈtehˬ 22:17

Teu miˇ neh, nawˇ aˬ joˆ-ehˇ noeˬ-eu gaˇ kawˆ nga maꞈ-ahˇ tiˬ poˆ ehˇ nehˬ laꞈ sheˇ. Loˇmaˆ sahˬ paˬ-ahˇ kawˬ doˆ nehˬ-eu kʼoeˇ, aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ.”

Maꞈtehˬ 22:19

Kawˬ taꞈ gaˇ biꞈ-eu pyuˇ maˇ byaˆ tiˬ byaˆ hehˇ laꞈ haw sheˇ.” Kʼoeˇ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ tiˬ byaˆ biꞈ nehˬ-euˬ meh.

Maˬkuˆ 12:5

Yaˇ kmˇ-euˬ yaw sahˇ kʼoeˇ gʼaˬ zaˬ kaˆ tiˬ gʼaˬ paˇ kʼehˇ gʼeh ngeh, aˬ yawꞈ maꞈ neh bi sehꞈ-euˬ meh. Zaˬ kʼaˆ nui deuˬ gʼawˬ mya gʼaˬ-ahˇ kʼawꞈ, diˬ-eu deuˬ-ahˇ diˬ-awˇ, sehꞈ-eu deuˬ-ahˇ sehꞈ-euˬ meh.

Maˬkuˆ 2:8

Aˬ yawꞈ maꞈ kʼoeˇ loꞈ-ehˇ shaˇ noeˬ luꞈ-eu gaˇ kawˆ Yeˬsuˇ tiˬ poˆ tehꞈ-ehˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ-euˬ nui ma laꞈ kʼoeˇ aˬ jeˬ miˇ neh teu loꞈ-ehˇ noeˬ luꞈ te. Kuiˇ shiˇ laꞈ shiˇ shiˇ-eu tsawˇ haˬ heu gʼaˬ-ahˇ aˬ joˆ-ehˇ ehˇ nehˬ-eu awˬ dzehˬ ta.

Luˇkaꞈ 10:25

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ tuˇ laˇ-awˇ, aˬ yawꞈ-ahˇ lawˬ haw mawꞈ-eu miˇ neh, heu loꞈ-ehˇ ehˬ-eu meh. “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ jeˬ ya mˇ ta.”

Luˇkaꞈ 20:23

Ehˇ kʼawꞈ, aˬ yawꞈ maꞈ tsawˇ gahˇ gahˇ gaˇ Yeˬsuˇ haw siˬ-awˇ, heu loꞈ-ehˇ ehˇ nehˬ-euˬ meh.

Luˇkaꞈ 5:22

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ aˬ jeˬ miˇ neh teu loꞈ-ehˇ shaˇ noeˬ luꞈ te.

Luˇkaꞈ 9:47

Aˬ yawꞈ maꞈ-euˬ nui noeˬ Yeˬsuˇ haw mawˇ-euˬ miˇ neh, zaˬ yaw nyiˇ tiˬ gʼaˬ-ahˇ aˬ yawꞈ-euˬ dawˬ peh sheuˬ taˬ-awˇ,

Yoˇhaˬ 2:25

Aˬ yawꞈ maꞈ-euˬ gaˇ kawˆ aˬ yawꞈ-ahˇ ja mehˬ-eu maˬ loˬ-a. Aˬ jeˬ miˇ meh ehˇ naˇ, tsawˇ haˬ-euˬ nui ma-ahˇ aˬ yawꞈ siˬ nya-eu meh.

Yoˇhaˬ 8:6

Aˬ yawꞈ maꞈ Yeˬsuˇ-ahˇ lahˇ ju kʼmˇ paꞈ-awˇ, yaˇ kʼaˬ ja mawꞈ-eu miˇ neh, kʼoeˇ loꞈ-ehˇ ehˇ-eu meh. Ehˇ kʼawꞈ, Yeˬsuˇ awˆ kʼoꞈ taˬ-awˇ, laꞈ noeˇ neh miˇ tsaˬ-ahˇ kawˆ boꞈ kawˆ boꞈ-ehˇ jawˇ-eu meh.

Gʼaˬkʼehˇ 5:9

Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.