Maꞈtehˬ 22:16 - Akha

¹⁶ Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Maꞈtehˬ 22:16 ပူးပေါင်းရင်းမြစ်များ

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Jaceuq 5:9

Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Dawqdaq 29:5

Yawˬ ha-euˬ cawˬ-ahˇ ja poeˬ nehˬ-eu tsawˇ haˬ-aˬ, yawˬ haˇ yawˬ ha lahˇ ju kʼmˇ gaˇ duˇ-eu meh.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.

Maˬlaˬkiˇ 2:9

Kʼoeˇ miˇ neh, Iˇsaˬleˬlaˆ tsawˇ haˬ deuˬ naw maꞈ-ahˇ bye-awˇ taˬ nyiˇ ni ngaˇ naw maꞈ-ahˇ jahˇ poˆ nehˬ ma. Aˬ jeˬ miˇ neh ehˇ naˇ, naw maꞈ ngaˇ nui ma tsaˬ-eu jeˬ maˬ mˇ ni, ngaˬ-euˬ tsawˇ haˬ deuˬ-ahˇ naw maꞈ mehˬ ngeh tsoˆ ngeh myaˆ pyawˬ huiˬ nyiˇ tseˇ-eu meh.”

Maꞈtehˬ 22:24

“Saˬ laˬ-oˇ, Moˇseˬ neh ehˇ taˬ-euˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ ehˇ taˬ-euˬ meh.

Maꞈtehˬ 22:26

Kʼoeˇ gʼaˬ kʼawꞈ, zaˬ maˬ jawˇ le mi naˆ-ehˇ paˇ shiˇ-euˬ meh. Mehˇ nmˇ tiˬ gʼaˬ saˇ-iˬ tiˬ gʼaˬ, shiꞈ gʼaˬ-ahˇ keuˆ ni kʼoeˇ loꞈ-ehˇ shiˇ jiˇ-euˬ meh.

Maꞈtehˬ 26:18

Aˬ yawꞈ ehˇ-eu, “Meuˬ-ahˇ jawˇ-eu tsawˇ haˬ tiˬ gʼaˬ jawˇ gaˇ iˇ-awˇ, ‘Saˬ laˬ nyaˇ-eu nawˬ-euˬ nymˇ-ahˇ Baˬsaˬkaˬ Bawˬ-iˬ gʼeh mawꞈ nya jeˇ’ lehˇ ehˇ nehˬ-iˇ-awˬ.”

Maꞈtehˬ 26:49

Yuˇdaˆ-aˬ, Yeˬsuˇ jawˇ gaˇ dawˇ coe ni iˇ-awˇ, “Saˬ laˬ-oˇ, nawˬ-ahˇ nui saˇ oꞈ luꞈ-uˇ” lehˇ ehˇ-awˇ, mehˬ cuˇ cuˇ nehˬ-euˬ meh.

Maˬkuˆ 10:17

Yeˬsuˇ gaˇ ma doˆ-iˇ-eu lehˇ luˆ-iˇ ngeh, tsawˇ haˬ tiˬ gʼaˬ cehˆ gʼeh laꞈ-awˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ ehˇ-eu, “Muiˬ-eu saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ geu jeˬ ya mˇ ta.”

Maˬkuˆ 12:13

Kʼoeˇ naˇ, Yuˇdaˆ tsawˇ haˬ aˬ yuiꞈ aˬ tsu kʼoeˇ deˬ neh, Paˬliˬsehˇ deuˬ hawˇ-eu Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ-ahˇ kʼehˇ gʼeh-awˇ, Yeˬsuˇ dawˬ bi ngehˬ bahˬ ni, dawˬ lahˇ ju bi kʼmˇ-iˇ-euˬ meh.

Maˬkuˆ 12:14

Aˬ yawꞈ maꞈ Yeˬsuˇ jawˇ gaˇ oe-awˇ ehˇ-eu, “Saˬ laˬ-oˇ, nawˇ-aˬ, tsawˇ haˬ zaˬ deuˬ noeˬ doeˇ laˇ gaˇ maˬ guˆ ni dawˇ coe ni ngehˬ-eu tmˇ-eu tsawˇ haˬ meh lehˇ nga maꞈ siˬ nya ma. Nawˇ tsawˇ haˬ-euˬ myaˆ pyawˬ naˇ mehˇ-ahˇ maˬ haw ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ dawˇ coe ni mehˬ-eu meh. Loˇmaˆ Sahˬ pahˬ-ahˇ kawˬ doˆ nehˬ-eu aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ lehˇ tiˬ poˆ ehˇ nehˬ laꞈ sheˇ.

Maˬkuˆ 3:6

Kʼoeˇ ngeh, Paˬliˬsehˇ deuˬ uˬ duˬ tahˬ nymˇ laꞈ kʼoeˇ neh doˆ-iˇ-awˇ, Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ nehˬ-ehˇ tahˬ dzoeˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ dzaˬ-euˬ meh.

Maˬkuˆ 8:15

Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Luˇkaꞈ 20:21

Aˬ yawꞈ maꞈ Yeˬsuˇ-ahˇ ehˇ-eu, “Saˬ laˬ-oˇ, nawˇ dawˇ coe ni ngehˬ-awˇ tmˇ-awˇ, dawˇ coe ni mehˬ-eu tsoˆ-eu tsawˇ haˬ meh lehˇ nga maꞈ siˬ nya ma. Nawˇ tsawˇ haˬ zaˬ-euˬ myaˆ pyawˬ-ahˇ maˬ haw ni, Miˬyehˇ-euˬ nui kʼahˇ dawˇ coe ni mehˬ-eu meh.

Luˇkaꞈ 7:40

Yeˬsuˇ Paˬliˬsehˇ kʼoeˇ gʼaˬ-ahˇ ehˇ nehˬ-eu, “Siˇmoˬ-oˇ, ngaˇ nawˬ-ahˇ tiˬ jeˬ ehˇ nehˬ mawꞈ nya.” Aˬ yawꞈ ehˇ-eu, “Ehˇ-awˬ saˬ laˬ-oˇ.”

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 7:18

Yawˬ ha-euˬ nui noeˬ ngehˬ-eu tmˇ-eu tsawˇ haˬ-aˬ, yawˬ ha yaw shehꞈ kʼahˬ sehˇ za ni mˇ-eu tehꞈ-a. Ehˇ kʼawꞈ, yawˬ ha-ahˇ kʼehˇ gʼeh leꞈ-euˬ Miˬyehˇ-euˬ yaw shehꞈ kʼahˬ sehˇ bi doˆ laˇ mawꞈ-eu gʼaˬ-aˬ, yaw sui yaw dawˇ jeˬ ahˇ-awˇ, yaw lehˬ tiˬ pawꞈ-iˬ maˬ ahˇ-a.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Gaˬlaˬtiˆ 1:10

Tsawˇ haˬ zaˬ ngaˬ-ahˇ nui ma tsaˬ ni ngaˇ mˇ luꞈ-eu nga loˇ. Maˬ ngeuˇ. Miˬyehˇ nui ma tsaˬ-eu jeˬ-ahˇ ngaˇ mawꞈ-eu ma. Tsawˇ haˬ zaˬ nui kʼahˇ shiˇ-eu jeˬ-ahˇ ngaˇ leh jeh luꞈ-eu nga loˇ. Kʼoeˇ loꞈ-ehˇ mˇ naˇ, ngaˇ Ka li-euˬ zaˬ kʼaˆ maˬ paˇ ngeuˇ-aˇ.

Gaˬlaˬtiˆ 2:6

Aˬ yuiꞈ aˬ tsu bi geuꞈ taˬ-euˬ tsawˇ haˬ kʼoeˇ deuˬ kʼawꞈ, ngaˬ-euˬ gʼaˇ duˬ tehꞈ law nmˇ-aˬ teu naˆ naˆ-ehˇ beu gaˇ meh lehˇ maˬ noeˬ nya. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ-ahˇ laꞈ nyiˇ paw tehꞈ-ehˇ haw-awˇ daˇ-eu maˬ ngeuˇ-a. Ngaˇ ehˇ-eu aˬ yuiꞈ aˬ tsu kʼoeˇ deuˬ-aˬ, ngaˬ-ahˇ nui noeˬ nui duˇ yaw shuiꞈ tiˬ jeˬ-iˬ maˬ biꞈ lahˬ laꞈ-aˬ.

Dawˬmehˬ 33:9

Aˬ da aˬ ma-ahˇ naˆ maˬ tseˇ, nawˬ-ahˇ yawꞈ maꞈ saˇ jaˇ ziꞈ-awˇ, mehˇ nmˇ hawˇ-eu zaˬ-ahˇ maˬ tseˇ, nawˬ-ahˇ nui ma taꞈ dzehˬ-eu meh. Nawˬ-euˬ dawˬ ma saˇ jaˇ laꞈ kʼoeˇ, maˬ poˆ maˬ paˇ ni ziꞈ-eu meh.

1 Teˇsaˬloˇni 2:4

Miˬyehˇ neh bi ngehˬ bi tmˇ laꞈ-euˬ jeˬ-ahˇ tehꞈ-ehˇ nga maꞈ ngehˬ-eu tmˇ-eu ma. Aˬ jeˬ miˇ neh ehˇ naˇ, nga maꞈ Laˬ kʼaˬ cehˇ-eu Guiˬ lahˬ dawˬ mehˬ geuˇ meh lehˇ, Miˬyehˇ neh daˇ tsehˆ taˬ-euˬ jeˬ pyeuꞈ-eu meh. Tsawˇ haˬ zaˬ nui kʼahˇ shiˇ ni nga maꞈ mˇ luꞈ-eu maˬ ngeuˇ. Nga maꞈ-euˬ nui ma-ahˇ lawˬ haw-eu gʼaˬ pyeuꞈ-eu Miˬyehˇ nui kʼahˇ shiˇ ni mˇ luꞈ-eu ma.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.