Maꞈtehˬ 21:35 - Akha

³⁵ Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aqgaf yarkmr-anr mr-eu deuq kuirlaf zaqkhav khoerdeuq-anr nyaef-awr, tiq ghaq-anr diq-awr, tiq ghaq-anr saef-awr, tiq ghaq-anr-aq, khaqlo nae biq-euq mae.

Maꞈtehˬ 21:35 ပူးပေါင်းရင်းမြစ်များ

1 Sahˬpaˬ 18:13

Sahˬpaˬ Miˬyehˇ gʼaˇ duˬ ngehˬ dah-eu deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ tiˬ yaˇ gʼaˬ-ahˇ ngaˇ sheuˬ doˆ-awˇ, ngaˬ tseˇ gʼaˬ byah-eu aˇ muˇ nyiˬ muˇ muˇ nehˬ-awˇ, lo kʼahˬ-ahˇ sheuˬ zaꞈ taˬ-euˬ laꞈ kʼoeˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ gaˇ kawˆ nawˇ maˬ ya gaˬ-aˬ loˇ.

1 Sahˬpaˬ 18:4

Sahˬpaˬ Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ-euˬ tsawˇ haˬ tiˬ yaˇ gʼaˬ-ahˇ Awˇbaˬdiˇ sheuˬ-awˇ, ngaˬ tseˇ gʼaˬ byah-eu aˇ muˇ nyiˬ muˇ biˇ-awˇ, lo kʼahˬ-ahˇ sheuˬ zaꞈ taˬ-awˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ meh.)

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

1 Sahˬpaˬ 22:24

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ ngaˇ jawˇ gaˇ neh aˬ myah paˇ doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 26:8

Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 21:36

Aˬ gaꞈ yaˇ kmˇ-euˬ yaw sahˇ kʼoeˇ gʼaˬ, yaw beh poˆ myaˆ maˬ tseˇ zaˬ kʼaˆ paˇ kʼehˇ gʼeh-euˬ meh. Kʼoeˇ ngeh poˆ kʼawꞈ, aˬ yawꞈ maꞈ neh yaw beh poˆ loꞈ-ehˇ paˇ bi jahˇ-euˬ meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Panmaeq 6:9

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ ngaˬ hmˬ tiˬ hmˬ-ahˇ ngawˬ paˆ-euˬ meh. Kʼoeˇ ngeh, Miˬyehˇ-euˬ dawˬ kawˬ mehˬ-awˇ saˇ jaˇ ziꞈ-eu laꞈ kʼoeˇ saˇ kiˇ kamˬ-euˬ miˇ neh bi sehꞈ-euˬ tsawˇ haˬ deuˬ-euˬ saꞈ laˇ kʼoeˇ deuˬ, lawˇ duˬ-euˬ uˬ moˆ jawˇ luꞈ gaˇ ngaˇ ya mawˇ-euˬ ma.