Maꞈtehˬ 21:26 - Akha26 ‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.” အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq26 Aerkhawf, aqduimaf, ‘Tsawrhaq nae bimr-euq mae’ laer aernar-aq khawf, tsawrhaq armaf mafma deuq-anr guv mir-a nawq. Aqjeq mirnae aernar-aq, tsawrhaq dawqtawvluf, Yorhaq-aq, Miqyaer gharduq ngaeqdan-eu tsawrhaq mae laer sawxtaq-euq mae.” အခန်းကိုကြည့်ပါ။ |
Maꞈtehˬ 21:26
17 ပူးပေါင်းရင်းမြစ်များ
Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh, maˇ maˇ ni Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ naw maꞈ haw-iˇ-euˬ meh. Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ huiˬ dzehˬ-eu gʼaˬ-ahˇ naw maꞈ ya mawˇ-euˬ meh.
Yoˇhaˬ iˇ cuꞈ shawˇ-eu kʼoeˇ, aˬ gaˇ-euˬ baoˬ za-awˇ shawˇ ta. Miˬyehˇ neh bi shawˇ taˬ loˇ. Tsawˇ haˬ neh bi shawˇ taˬ loˇ.” Kʼoeˇ ngeh, aˬ yawꞈ maꞈ yaw kaˬ heu loꞈ-ehˇ ja-eu meh. “Aˬ dui maꞈ aˬ joˆ-ehˇ ehˇ paˬ nga. ‘Miˬyehˇ neh bi shawˇ-euˬ meh’ lehˇ ehˇ naˇ, ‘Toˆ-ehˇ maˇ-iˬ, naw maꞈ aˬ jeˬ miˇ neh Yoˇhaˬ-ahˇ maˬ jah te’ lehˇ aˬ yawꞈ ehˇ laˇ tehꞈ-a.
Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.
Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.
Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.
Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.
ကြော်ငြာတွေ