Maꞈtehˬ 20:34 - Akha

³⁴ Aˬ yawꞈ nyaꞈ-ahˇ Yeˬsuˇ gʼawˬ shaˬ haw gaˬ-awˇ, myaˆ nuiˆ-ahˇ toeˬ ciˆ nehˬ ngeh, aˬ yawꞈ nyaꞈ-euˬ myaˆ nuiˆ tiˬ poˆ tehꞈ-ehˇ mawˇ laˇ-awˇ, aˬ yawꞈ-euˬ mehˬ nah caw teh gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Yeqsur ghawqshaq gaq-awr, aqyawf nyaf-euq myavnuiv-anr toeqciv ngae, aqyawf nyaf-euq myavnuiv tiqpov taef-aer mawrnya lar-awr, Yeqsur-euq maeqnan cantae ghae-euq mae.

Maꞈtehˬ 20:34 ပူးပေါင်းရင်းမြစ်များ

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 145:8

Sahˬpaˬ Miˬyehˇ-aˬ, gʼoeˇ-eu gaˬ-eu jeˬ byah-awˇ, gʼawˬ shaˬ gaˬ nya-eu uˬ taꞈ, yaw awˇ laꞈ-ehˇ nui ma maˬ pehˇ-ehˇ, gʼoeˇ-eu gaˬ-eu jeˬ maˬ tsehˆ leˇ-a.

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 15:32

Yeˬsuˇ aˬ yawꞈ-euˬ zaˬ lahˇ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu deuˬ-ahˇ ngaˇ gʼawˬ shaˬ gaˬ miˇ-a. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, aˬ yawꞈ maꞈ dzaˬ-eu tiˬ jeˬ-iˬ maˬ paˇ jaˆ meh. Aˬ yawꞈ maꞈ-ahˇ tiˬ jeˬ-iˬ maˬ dzaˬ-ehˇ maˬ bi gʼoꞈ-iˇ mawꞈ nya. Gaˇ pehˇ-ahˇ gʼaˬ juˬ dui dui-iˇ gaˇ kʼahˬ laˇ nya.”

Maꞈtehˬ 20:33

Aˬ yawꞈ nyaꞈ ehˇ-eu, “Sahˬpaˬ-oˇ, nga nyaꞈ-euˬ myaˆ nuiˆ mawˇ laˇ ni bi jahˇ nehˬ mawꞈ miˇ-a.”

Maꞈtehˬ 21:1

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Yeˬluˇsaˬlehˬ meuˬ dawˬ peh cah keuˆ laꞈ-awˇ, Saˬloˬ gawˬ jawˬ-ahˇ jaˆ-eu Behˬpaˇgeˬ pu-ahˇ laˇ keuˆ luꞈ ngeh, zaˬ lahˇ nyiˬ gʼaˬ-ahˇ Yeˬsuˇ kʼehˇ-awˇ, mehˬ hu paw bi le-euˬ meh.

Maꞈtehˬ 8:15

Aˬ yawꞈ-euˬ aˬ laꞈ-ahˇ Yeˬsuˇ toeˬ ciˆ ngeh, pyaˬ-eu taˬ leˇ-awˇ, tuˇ laˇ-awˇ, Yeˬsuˇ gʼaˇ duˬ dzaˬ dzaˬ dawˇ dawˇ laˆ dawˆ nehˬ-euˬ meh.

Maꞈtehˬ 9:29

Kʼoeˇ naˇ, aˬ yawꞈ nyaꞈ-euˬ myaˆ nuiˆ-ahˇ Yeˬsuˇ toeˬ ciˆ-awˇ, “Naw nyaꞈ jah-eu loꞈ-ehˇ pyeuꞈ laˇ luꞈ-uˇ” lehˇ ehˇ nehˬ-euˬ meh.

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 7:33

Tsawˇ haˬ kʼoeˇ gʼaˬ-ahˇ tehꞈ-ehˇ Yeˬsuˇ sheuˬ ceuˆ gʼeh-awˇ, naˬ bawˇ-ahˇ laꞈ noeˇ cawˬ ahˇ nehˬ-euˬ meh. Kʼoeˇ naˇ, duˬ kʼaˬ kʼa-awˇ mehˬ laˇ-ahˇ toeˬ lehꞈ nehˬ-euˬ meh.

Luˇkaꞈ 18:43

Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, Yeˬsuˇ-euˬ mehˬ nah caw teh gʼeh-euˬ meh. Tsawˇ haˬ dawˬ tawˆ luꞈ kʼoeˇ gaˇ ya mawˇ ngeh, Miˬyehˇ-ahˇ ja ceuˬ-euˬ meh.

Luˇkaꞈ 22:51

Ehˇ kʼawꞈ, “Gʼaˬ-aˇ. Taˬ paˇ jahˇ” lehˇ Yeˬsuˇ ehˇ-awˇ, na paꞈ-ahˇ toeˬ ciˆ-awˇ laˆ taˬ nehˬ-euˬ meh.

Luˇkaꞈ 7:13

Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.