Maꞈtehˬ 20:31 - Akha

³¹ Tsawˇ haˬ aˇ maꞈ maꞈ ma kʼoeˇ deuˬ aˬ yawꞈ nyaꞈ-ahˇ dehˬ-awˇ, ciˬ cuˇ ni jawˇ-awˬ lehˇ ehˇ nehˬ-euˬ meh. Ehˇ kʼawꞈ, aˬ yawꞈ nyaꞈ maˬ naˇ haˬ-ehˇ, “Daˬbiˇ-euˬ Zaˬmaˇ-oˇ, nga nyaꞈ-ahˇ gʼawˬ shaˬ gaˬ nehˬ laꞈ-awˬ” lehˇ, yaw beh poˆ naˇ maˬ tseˇ guˇ kʼaˆ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Tsawrhaq armaf mafma deuq, aqyawf nyaf-anr, ciqcurni jawr-awq laer daeq-euq mae. Aerkhawf, aqyawfnyaf ngaeq-aer aernar-aq ngaeq-aer gur-eu, “Daqbir-euq Zaqyo, Sanqpaq-or! Nga’nyaf-anr ghawqshaq gaqnaeq laf-awq.”

Maꞈtehˬ 20:31 ပူးပေါင်းရင်းမြစ်များ

Maꞈtehˬ 15:23

Ehˇ kʼawꞈ, Yeˬsuˇ dawˬ tiˬ dawˬ-iˬ maˬ ngehˬ cawˬ nehˬ-a. Kʼoeˇ ngeh, aˬ yawꞈ-euˬ zaˬ lahˇ deuˬ aˬ yawꞈ jawˬ gaˇ laˇ-awˇ ehˇ-eu, “Tsawˇ haˬ teu gʼaˬ-ahˇ tiˬ poˆ teh dzeh sheˇ. Aˬ yawꞈ aˬ dui maꞈ-euˬ mehˬ nah caw teh caw teh-ehˇ, maˬ naˬ leˇ ni toˆ-ehˇ guˇ guˇ-ehˇ cah luꞈ-eu meh.”

Maꞈtehˬ 19:13

Kʼoeˇ naˇ, Yeˬsuˇ neh aˬ laꞈ baꞈ daˆ-awˇ guiˬ lahˬ bi biꞈ-eu gʼaˇ duˬ, zaˬ yaw nyiˇ tiˬ deuˬ-ahˇ Yeˬsuˇ jawˇ gaˇ sheuˬ laꞈ-euˬ meh. Zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maꞈtehˬ 20:30

Gaˇ ma gaˇ dzeˇ nuiˇ luꞈ-eu myaˆ behꞈ nyiˬ gʼaˬ, Yeˬsuˇ iˇ luꞈ-eu teˇ saˇ gaˬ-awˇ, “Daˬbiˇ-euˬ Zaˬmaˇ-oˇ, nga nyaꞈ-ahˇ gʼawˬ shaˬ gaˬ nehˬ laꞈ-awˬ” lehˇ guˇ-eu meh.

Maꞈtehˬ 20:32

Yeˬsuˇ naˬ leˇ-awˇ, aˬ yawꞈ nyaꞈ-ahˇ kuˇ-awˇ ehˇ nehˬ-eu, “Naw nyaꞈ gʼaˇ duˬ ngaˇ aˬ jeˬ bi jahˇ nehˬ mawꞈ-eu nya.”

Maꞈtehˬ 9:27

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ, mehˬ hu paw iˇ luꞈ ngeh, myaˆ behꞈ nyiˬ gʼaˬ aˬ yawꞈ-euˬ mehˬ nah caw teh gʼeh-awˇ, “Daˬbiˇ-euˬ Zaˬmaˇ-oˇ, nga nyaꞈ-ahˇ gʼawˬ shaˬ gaˬ nehˬ laꞈ-awˬ” lehˇ guˇ-eu meh.

Luˇkaꞈ 18:39

Mehˬ hu paw cah luꞈ-eu deuˬ aˬ yawꞈ-ahˇ, “Ciˬ cuˇ ni jawˇ-awˬ” lehˇ dehˬ kʼawꞈ, aˬ yawꞈ maˬ naˇ haˬ ni, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ” lehˇ, yaw beh poˆ naˆ maˬ tseˇ paˇ guˇ kʼaˆ laˇ-euˬ meh.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.

1 Teˇsaˬloˇni 5:17

Maˬ tsehˆ leˇ ni guiˬ lahˬ shaˇ-awˬ.