Maꞈtehˬ 20:25 - Akha

²⁵ Kʼoeˇ miˇ neh, aˬ yawꞈ maꞈ dawˬ tawˆ luꞈ-ahˇ Yeˬsuˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Aˬ cawˬ tsawˇ jeuˬ-euˬ sahˬ paˬ sahˬ ma deuˬ-aˬ, miˇ kʼahˬ zaˬ deuˬ kʼoeˇ taˆ zuiˆ-eu baoˬ jaˆ-awˇ, aˬ yuiꞈ aˬ tsu geuꞈ-awˇ uˆ lahˇ-eu deuˬ kʼawꞈ, yawˬ ha kʼaˇ noeˬ-euˬ loꞈ-ehˇ uˆ lahˇ-eu baoˬ tiˬ byah ni jaˆ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Yeqsur, aqyawf maf-anr kurlaf-awr heulof-aer aernaeq-euq mae, “Aqcawq tsawrjeuq tsawrca-euq sanqpaq deuq-aq, mirkhanqzaq-anr zuivghaq-awr, aqyuif geuf-eu deuq, aqyawf maf-euq khoertav aryaq yawkhav-aer zmq-eu mae laer nawmaf siqnya-eu mae.

Maꞈtehˬ 20:25 ပူးပေါင်းရင်းမြစ်များ

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Daˬyeˬlaˇ 5:19

Aˬ yawꞈ huiˬ dui mahˇ dui dui-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ-ahˇ guˆ-awˇ yaw dzuˬ dzuˬ-eu meh. Aˬ yawꞈ sehꞈ mawꞈ-eu gʼaˬ-ahˇ sehꞈ-awˇ, aˬ yawꞈ bi dehꞈ mawꞈ-eu gʼaˬ-ahˇ maˬ sehꞈ ni bi dehꞈ-euˬ meh. Aˬ yawꞈ ciˬ huiˬ mawꞈ-eu gʼaˬ-ahˇ ciˬ huiˬ-awˇ, aˬ yawꞈ dehˬ awˆ mawꞈ-eu gʼaˬ-ahˇ dehˬ awˆ nehˬ-euˬ meh.

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Maꞈtehˬ 20:24

Kʼoeˇ loꞈ-ehˇ ehˇ gaˇ zaˬ lahˇ nui deuˬ tseˇ gʼaˬ ya gaˬ ngeh, aˬ nyaꞈ nmˇ-ahˇ nui ma pehˇ-eu meh.

Maˬkuˆ 10:42

Kʼoeˇ miˇ neh, aˬ yawꞈ maꞈ dawˬ tawˆ luꞈ-ahˇ Yeˬsuˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Aˬ cawˬ tsawˇ jeuˬ-euˬ sahˬ paˬ sahˬ ma deuˬ-aˬ, miˇ kʼahˬ zaˬ deuˬ kʼoeˇ taˆ zuiˆ-eu baoˬ jaˆ-awˇ, aˬ yuiꞈ aˬ tsu geuꞈ-awˇ uˆ lahˇ-eu deuˬ kʼawꞈ, yawˬ ha kʼaˇ noeˬ-euˬ loꞈ-ehˇ uˆ lah nya-eu baoˬ tiˬ byah jaˆ meh.

1 Beˬtuˆluˆ 5:3

Miˬyehˇ neh nawˬ-ahˇ a nehˬ-awˇ bi bo saˆ-euˬ yawˇ yawˇ maꞈ kʼoeˇ taˆ zuiˆ gʼaˬ-eu taˬ leh jeh. Yawˇ yawˇ maꞈ nawˬ-ahˇ haw-awˇ dzaw geuꞈ paꞈ-ehˇ mˇ mehˬ shaˇ mehˬ mehˬ-awˬ.