Maꞈtehˬ 20:18 - Akha

¹⁸ “Naˇ haˬ sheˇ. Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Kʼoeˇ gaˇ, Tsawˇhaˬ-euˬ Zaˬmaˇ-ahˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-euˬ aˬ laꞈ laꞈ kʼoeˇ aˬ cawˬ a nehˬ-awˇ, aˬ yawꞈ ya shiˇ ni aˬ cawˬ yaˇ kʼaˬ daˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ “Hawsher-eq, aqduimaf, Yeqlursaqlaeq-anr leluf-eu ma. Tsawrhaq-euq Zaqyo-aq, pirma aqyuif deuq hawr-eu zanr maeq-eu deuq-euq aqlaf-euq lafkhoer ya’anr-ir-awr, aqyawf yashirni aqyawfmaf yarkhaqdar taef-a.

Maꞈtehˬ 20:18 ပူးပေါင်းရင်းမြစ်များ

Maꞈtehˬ 10:4

Kaˬnaˬniˇ aˇ muˇ -ahˇ taꞈ-eu Siˇmoˬ hawˇ-eu, aˇ nah Yeˬsuˇ-ahˇ ahˬ dzaˬ-euˬ gʼaˬ pyeuꞈ-eu YuˇdaˆIˇsaˬgaˬliˬoˆ heu deuˬ meh.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:2

“Nyiˬ nah dzeuˇ naˇ, Baˬsaˬkaˬ Bawˬ-iˬ gʼeh-eu aˇ yamˬ keuˆ le-euˬ naw maꞈ siˬ nya meh. Kʼoeˇ ngeh, Tsawˇhaˬ-euˬ Zaˬmaˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ tehꞈ-a.”

Maꞈtehˬ 26:66

Naw maꞈ-ahˇ aˬ joˆ-ehˇ noeˬ-eu nya.” Aˬ yawꞈ maꞈ ehˇ-eu, “Aˬ yawꞈ lehˬ dui dui-awˇ, shiˇ-eu geuˇ meh.”

Maꞈtehˬ 27:1

Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Luˇkaꞈ 22:71

Kʼoeˇ ngeh jawˇ, aˬ yawꞈ maꞈ ehˇ-eu, “A dui maꞈ saˇ kiˇ yawˬ-awˇ yawˬ maˬ paˇ loˬ meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ dawˬ aˬ dui gaˬ duˬ-euˬ ma.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.