Maꞈtehˬ 20:15 - Akha

¹⁵ Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Ngaq-euq pyur ngar janrmawf-eu lof-aer maqjanr nya-ar lor? Ngar yawmuiq mirnae, nawr myavnav nav-eu le laq?’

Maꞈtehˬ 20:15 ပူးပေါင်းရင်းမြစ်များ

Doˆ-iˇ 33:19

Sahˬpaˬ Miˬyehˇ ehˇ-eu, “Ngaˬ-euˬ yaw muiˬ yaw jaˬ jeˬ dawˬ tawˆ luꞈ nawˬ-euˬ dawˬ peh bi oe tsehˆ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ nawˬ-euˬ mehˬ shi ngaˇ kuˇ ma. Ngaˇ-aˬ, Sahˬpaˬ Miˬyehˇ pyeuꞈ-awˇ, ngaˇ caw ba mawꞈ-eu deuˬ-ahˇ ngaˇ caw ba-awˇ, ngaˇ gʼawˬ shaˬ gaˬ mawꞈ-eu deuˬ-ahˇ ngaˇ gʼawˬ shaˬ gaˬ ma.

Dawqdaq 23:6

Tsawˇ tsiˇ-euˬ hawˬ jeh-ahˇ hawˬ jawˬ taˬ jawˬ leˇ. Aˬ yawꞈ neh shaˇ dahˇ taˬ-euˬ dzaˇ yaw kuiˇ-ahˇ nui kʼahˇ taˬ jaˆ.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Yeˬlaˬmiˇ 18:6

“Iˇsaˬleˬlaˆ tsawˇ haˬ deuˬ-oˇ, oeˬ lahˬ tehˆ-eu tsawˇ haˬ oeˬ lahˬ tehˆ-eu shaˬ jehˆ yuˇ-awˇ, yawˬ ha kʼaˇ tehˆ mawꞈ-eu jeˬ tehˆ nya-eu loꞈ-ehˇ, naw maꞈ-ahˇ ngaˬ neh noeˬ-euˬ loꞈ-ehˇ maˬ jahˇ nya ta loˇ. Oeˬ lahˬ tehˆ-eu shaˬ jehˆ kʼoeˇ oeˬ lahˬ tehˆ-eu gʼaˬ-euˬ aˬ laꞈ laꞈ kʼoeˇ jaˆ-eu loꞈ-ehˇ, naw maꞈ kʼawꞈ ngaˬ-euˬ aˬ laꞈ laꞈ kʼoeˇ jaˆ-eu ma.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Maꞈtehˬ 20:14

Nymˬ-mˇ naw maꞈ-euˬ gʼaˬ gaˇ poeˬ yuˇ-awˇ gʼoꞈ-iˇ-awˬ. Mˇ saˬ saˬ le-euˬ tsawˇ haˬ heu deuˬ-ahˇ kʼawꞈ, naw maꞈ-ahˇ biꞈ-euˬ myaˆ ni ngaˇ biꞈ mawꞈ-eu nui ma ahˇ-eu ma.

Maꞈtehˬ 6:23

Ehˇ kʼawꞈ, nawˬ-euˬ myaˆ nuiˆ maˬ muiˬ naˇ, nawˬ-euˬ gʼawˇ mawˇ mawˇ lah-ehˇ zahˇ tsui ni jaˆ tehꞈ-a. Kʼoeˇ miˇ neh, nawˬ-euˬ laꞈ kʼoeˇ ahˇ-eu yaw shehꞈ kʼoeˇ zahˇ tsui ni gʼeh naˇ, yaw zahˇ kʼoeˇ aˇ naˆ ni doeˇ nmˇ.

Maˬkuˆ 7:22

aˬ cawˬ-euˬ miˬ zaˬ yo zaˬ-ahˇ bahˬ-eu, aˬ cawˬ-euˬ myawˬ-ahˇ mehˇ juiˇ juiˇ-eu, yaw haiˬ jeˬ mˇ-eu, jaˬ myawꞈ myawꞈ-eu, smˇ kʼaˆ kʼaˆ-eu, myaˆ naˆ-eu, ja bu ja doeˇ-eu, nui ma huiˬ-eu mahˇ-eu, aˬ dzawˬ aˇ gah gah-eu, heu loꞈ-ehˇ gʼeh-eu deuˬ meh.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 2:1

Dzeuˇ laˇ ngeh naw maꞈ Miˬyehˇ-euˬ dawˬ-ahˇ maˬ naˇ haˬ-ehˇ iˬ baˇ mˇ-euˬ miˇ neh, guiˬ lahˬ saꞈ laˇ paw shiˇ-euˬ gaˇ duˇ-eu meh.

Eˇpeˇsu 2:5

Kʼoeˇ miˇ neh, aˬ dui Miˬyehˇ-euˬ ehˇ dawˬ maˬ naˇ haˬ-ehˇ guiˬ lahˬ saꞈ laˇ paw shiˇ luꞈ ngeh, aˬ yawꞈ aˬ dui-ahˇ Ka li nehˬ-ehˇ bi dehꞈ laꞈ-euˬ meh. Naw maꞈ ka kʼoꞈ-eu jeˬ za-euˬ kʼoeˇ-aˬ, Miˬyehˇ gʼawˬ shaˬ gaˬ-eu guiˬ lahˬ baˬ da neh meh.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 28:54

Naw maꞈ laꞈ kʼoeˇ aˬ cawˬ naˆ maˬ tseˇ ya dzaˬ ya dawˇ-awˇ, nahˇ tsaˇ maˬ lawꞈ ni shaˬ jiˇ nahˬ yu ni jawˇ-eu tsawˇ haˬ deuˬ kʼawꞈ, muiˇ-eu deuˬ neh meuˬ-ahˇ jawˬ lahˇ taˬ-euˬ miˇ neh, dzaˬ-eu maˬ jaˆ-ehˇ li laˇ taˬ-awˇ, yawˬ ha-euˬ zaˬ deuˬ-euˬ shaˬ jiˇ ya dzaˬ gaˇ keuˆ tehꞈ-a. Aˬ yawꞈ kʼoeˇ loꞈ-ehˇ dzaˬ ngeh, aˬ yawꞈ-euˬ mehˇ nmˇ-ahˇ maˬ ehˇ, aˬ yawꞈ gaˬ-eu aˬ yawꞈ-euˬ miˬ zaˬ-ahˇ maˬ ehˇ, dzeˇ luꞈ-eu aˬ yawꞈ-euˬ zaˬ deuˬ-ahˇ maˬ ehˇ, maˬ bi dzaˬ mawꞈ gaˇ keuˆ ni tsawˇ tsiˇ tsiˇ tehꞈ-a.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

Yaˬkoˆ 5:9

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tiˬ gʼaˬ tiˇ gʼaˬ iˬ baˇ taˬ-eu dawˬ maˬ ngehˬ ni yahˇ-awˬ. Yaˇ kʼaˬ daˇ le-eu gʼaˬ, laˇ gʼoˆ dawˬ peh oe keuˆ-awˇ yawꞈ luꞈ meh.