Maꞈtehˬ 20:13 - Akha

¹³ “Tsawˇ haˬ kʼoeˇ deuˬ laꞈ kʼoeˇ tiˬ gʼaˬ-ahˇ, aˬ gaꞈ yaˇ kmˇ yaw sahˇ gʼaˬ heu loꞈ-ehˇ ehˇ kʼoꞈ nehˬ-euˬ meh. ‘Naw maꞈ-ahˇ ngaˇ mehˇ shuiˇ shuiˇ-euˬ maˬ ngeuˇ. Tiˬ nah-euˬ gʼaˬ gaˇ poeˬ pyuˇ maˇ byaˆ tiˬ byaˆ sawˇ-awˇ mˇ-eu gʼaˇ duˬ naw maꞈ nui ma tsaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yarsanr ghaq, aqyawf maf-euq lafkhoer-euq tiq ghaq-anr heulof-aer aernaeq-euq mae, ‘Cawq-or! Ngar, nawq-anr maqtsaq-eu jeq maq janrnaeq-aq. Ngar, nawq-anr pyur marbyav tiq byav bif ma laer jatsaq taq-euq maqngeur-a lor?

Maꞈtehˬ 20:13 ပူးပေါင်းရင်းမြစ်များ

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Yawˇbaˆ 35:2

“Yawˇbaˆ-oˇ Miˬyehˇ mehˬ shi iˬ baˇ maˬ ahˇ lehˇ nawˇ ehˇ-eu maˬ tsaˬ-a.

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Maꞈtehˬ 20:14

Nymˬ-mˇ naw maꞈ-euˬ gʼaˬ gaˇ poeˬ yuˇ-awˇ gʼoꞈ-iˇ-awˬ. Mˇ saˬ saˬ le-euˬ tsawˇ haˬ heu deuˬ-ahˇ kʼawꞈ, naw maꞈ-ahˇ biꞈ-euˬ myaˆ ni ngaˇ biꞈ mawꞈ-eu nui ma ahˇ-eu ma.

Maꞈtehˬ 20:2

Tiˬ nah mˇ-euˬ gʼaˬ gaˇ poeˬ pyuˇ maˇ byaˆ tiˬ byaˆ biꞈ ma lehˇ ja tsaˬ-awˇ, aˬ gaꞈ yaˇ kmˇ laꞈ kʼoeˇ gaˇ bi mˇ-iˇ-euˬ meh.

Maꞈtehˬ 22:12

‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maꞈtehˬ 26:50

Yeˬsuˇ aˬ yawꞈ-ahˇ ehˇ nehˬ-eu, “Cawˬ-oˇ, nawˇ mˇ luꞈ-eu jeˬ yaw kawˇ-ehˇ mˇ-awˬ.” Kʼoeˇ naˇ, aˬ yawꞈ maꞈ oe-awˇ, Yeˬsuˇ-ahˇ nyehꞈ-awˇ, deuˇ geuˆ ni dawꞈ cuꞈ taˬ-euˬ meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.