Maꞈtehˬ 2:19 - Akha

¹⁹ Heˬloˆ shiˇ dzeuˇ ngeh jawˇ, Iˇjiˇtuˆ miˇ kʼahˬ-ahˇ Yoˇsehˆ yuꞈ maˆ maˆ-eu laꞈ kʼoeˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ ehˇ-eu,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 2:19 ပူးပေါင်းရင်းမြစ်များ

Jaceuq 139:7

Nawˬ-ahˇ buˬ-iˇ ni ngaˇ aˬ gaˇ cehˆ nya nmˇ. Nawˇ maˬ bi mawˇ ni aˬ geu paw cehˆ zaꞈ nya nmˇ.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Yeˬlaˬmiˇ 30:10

“Ngaˬ-euˬ tsawˇ haˬ deuˬ-oˇ, taˬ guˆ. Iˇsaˬleˬlaˆ tsawˇ haˬ deuˬ-oˇ, nui ma taˬ baˬ. Naw maꞈ-ahˇ nyehꞈ daˆ gʼeh-awˇ bi jawˇ-euˬ, gaˇ mahˇ kaˬ gaˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ ka kʼoꞈ doˆ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. naw maꞈ kʼahˬ lahˇ kʼaˇ maˬ za-ehˇ, noeˬ guˆ kʼaˇ maˬ za ni ya dehꞈ tehꞈ-a.

Yeˬsaˬgeˬlaˇ 11:16

“Nymˬ-mˇ poˆ jawˇ, nawˬ nehˬ-ehˇ tiˬ kawˆ loꞈ-ehˇ bi nyehꞈ daˆ laꞈ-euˬ tsawˇ haˬ deuˬ-ahˇ, ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ gaˇ mahˇ kaˬ-eu tsawˇ jeuˬ deuˬ jawˇ gaˇ biˇ jawˇ laˇ-awˇ, aˬ cawˬ miˇ kʼahˬ doe ni bi jawˇ byaˆ-euˬ gʼaˬ ngaˇ ma. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ kʼaˇ jawˇ luꞈ-eu miˇ kʼahˬ laꞈ kʼoeˇ aˬ yawꞈ maꞈ nehˬ-ehˇ ngaˇ jawˇ ma.

Daˬyeˬlaˇ 11:45

Iˬ ma laˆ shaˆ hawˇ-eu Uˬ duˬ tahˬ nymˇ nymˇ ma tsoˆ taˬ-euˬ gawˬ jawˬ yaw kaˬ-ahˇ, sahˬ paˬ-euˬ sehˬ gʼawˆ gʼawˆ ma deuˬ aˬ yawꞈ gʼawˆ tehꞈ-a. Ehˇ kʼawꞈ, aˬ yawꞈ-ahˇ ngehˬ gʼeh nehˬ-eu gʼaˬ maˬ jawˇ-ehˇ pyeuꞈ-iˇ-awˇ, ya shiˇ tehꞈ-a.”

Daˬyeˬlaˇ 8:25

Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 2:20

“Tuˇ-awˬ. Aˬ nyaꞈ ma zaˬ seuˬ-awˇ Iˇsaˬleˬlaˆ miˇ kʼahˬ-ahˇ gʼoꞈ leˇ-awˬ. Aˬ li-ahˇ sehꞈ-eu lehˇ leh jeh-eu tsawˇ haˬ deuˬ shiˇ jiˇ-euˬ meh.”

Maꞈtehˬ 2:22

Ehˇ kʼawꞈ, Heˬloˆ-euˬ dah zaˇ aˬ yawꞈ-euˬ aˬ li Aˬgeˬlaˇ gʼaˬ Yuˇdaˆ miˇ kʼahˬ-euˬ sahˬ paˬ geuꞈ luꞈ-eu Yoˇsehˆ ya gaˬ ngeh, kʼoeˇ gaˇ maˬ gʼoꞈ leˇ peuˬ-a. Yuꞈ maˆ maˆ-eu laꞈ kʼoeˇ aˬ yawꞈ-ahˇ tiˬ poˆ paˇ mehˬ gahˇ nehˬ-euˬ loꞈ-ehˇ, Gaˬliˬlehˇ miˇ kʼahˬ-ahˇ le-euˬ meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.