Maꞈtehˬ 2:14 - Akha

¹⁴ Kʼoeˇ naˇ, Yoˇsehˆ tuˇ-awˇ, aˬ nyaꞈ ma zaˬ-ahˇ sheuˬ-awˇ, uˬ ciꞈ sehˇ gʼahˇ Iˇjiˇtuˆ miˇ kʼahˬ-ahˇ cehˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Khoerngae, Yorsaev tur-awr, uqcif saerghanr ma-aer aqlizaq hawr-eu aqyawf-euq aqma sheuq-awr, Irjirtuv-anr caevjawr-ir-euq mae.

Maꞈtehˬ 2:14 ပူးပေါင်းရင်းမြစ်များ

Maꞈtehˬ 1:24

Kʼoeˇ naˇ, Yoˇsehˆ uˬ noeˬ noeˬ laˇ-awˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ neh aˬ yawꞈ-ahˇ ehˇ nehˬ-euˬ loꞈ-ehˇ, Maˬliˇ-ahˇ sheuˬ dahˬ dzaˬ-euˬ meh.

Maꞈtehˬ 2:13

Aˬ yawꞈ maꞈ gʼoꞈ-iˇ dzeuˇ ngeh, Yoˇsehˆ yuꞈ maˆ maˆ-eu laꞈ kʼoeˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ doˆ le-awˇ, heu loꞈ-ehˇ ehˇ-eu meh. “Aˬ li zaˬ nahˬ heu gʼaˬ-ahˇ sehꞈ-eu lehˇ Heˬloˆ poˆ tehꞈ-a. Kʼoeˇ miˇ neh tuˇ-awˇ, aˬ nyaꞈ ma zaˬ-ahˇ sheuˬ-awˇ, Iˇjiˇtuˆ miˇ kʼahˬ-ahˇ cehˆ-awˬ. Ngaˇ nawˬ-ahˇ maˬ ngehˬ cawˬ le kʼoeˇ keuˆ ni, kʼoeˇ gaˇ jawˇ-awˬ.”

Maꞈtehˬ 2:15

Heˬloˆ shiˇ ngeh keuˆ ni, aˬ yawꞈ pehˬ kʼoeˇ gaˇ jawˇ-euˬ meh. SahˬpaˬMiˬyehˇ neh aˬ yawꞈ gʼaˇ duˬ ngehˬ dah-eu tsawˇ haˬ-ahˇ gʼoe-awˇ ehˇ taˬ-euˬ dawˬ pyeuꞈ-eu, “Ngaˬ li-ahˇ Iˇjiˇtuˆ miˇ kʼahˬ laꞈ kʼoeˇ neh kuˇ doˆ-euˬ ma” lehˇ ehˇ-eu dawˬ kʼoeˇ dawˬ byah laˇ-eu gʼaˇ duˬ, kʼoeˇ loꞈ-ehˇ pyeuꞈ laˇ-euˬ meh.

Luˇkaꞈ 8:24

Aˬ yawꞈ maꞈ Yeˬsuˇ-ahˇ laˆ noeˬ-iˇ-awˇ, “Saˬ laˬ-oˇ, saˬ laˬ-oˇ, nga maꞈ ya shiˇ jiˇ-eu keuˆ le-euˬ miˇ-a” lehˇ ehˇ nehˬ-euˬ meh. Kʼoeˇ ngeh, aˬ yawꞈ noeˬ laˇ-awˇ, jaˬ lehˇ hawˇ-eu iˇ luˆ dzeh gaˇ dehˬ ngeh, naˬ leˇ jiˇ-awˇ, ciˬ cuˇ ni pyeuꞈ-iˇ-euˬ meh.

Gʼaˬkʼehˇ 26:21

Ngaˇ kʼoeˇ loꞈ-ehˇ mehˬ-euˬ baˬ da neh, Uˬ duˬ tahˬ nymˇ nymˇ ma laꞈ kʼoeˇ Yuˇdaˆ tsawˇ haˬ deuˬ ngaˬ-ahˇ nyehꞈ-awˇ sehꞈ-eu lehˇ leh jeh-euˬ meh.