Maꞈtehˬ 19:26 - Akha

²⁶ Yeˬsuˇ aˬ yawꞈ maꞈ-ahˇ haw tsoˆ-awˇ ehˇ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Yeqsur, aqyawf maf-anr haw-awr nae aernaeq-eu, “Heu-aq, tsawrhaqzaq janrnya-eu jeq maqngeur-a. Aerkhawf, Miqyaer-aq, yawqjeq navluf janrnya-eu mae.”

Maꞈtehˬ 19:26 ပူးပေါင်းရင်းမြစ်များ

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

1 Sahˬpaˬ 17:16

Eˇliˇyaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ biꞈ taˬ-euˬ loꞈ-ehˇ, kʼmˬ maˬ-ahˇ ahˇ-eu cehˇ meu jiˇ-euˬ maˬ baw-ehˇ, ciˬ cuˇ-ahˇ dahˬ-eu tsiˇ dzaˬ jiˇ-euˬ maˬ baw-a.

Yawˇbaˆ 42:2

“Sahˬpaˬ Miˬyehˇ-oˇ, nawˇ baoˬ dawˬ tawˆ luꞈ jaˆ-awˇ, kʼaˇ mˇ mawꞈ-eu jeˬ mˇ nya meh lehˇ ngaˇ siˬ nya ma.

Jaceuq 3:8

Ka kʼoꞈ-eu jeˬ doˆle duˬ-aˬ, SahˬpaˬMiˬyehˇ jawˇgaˇneh meh. Nawˬ-euˬtsawˇhaˬdawˬtawˆkʼoeˇtaˆ, Nawˬ-euˬguiˬlahˬ keuˆle luꞈ-uˇ.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 32:27

“Ngaˇ-aˬ, miˇ tsaˬ zaˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ maˬ mˇ nya-eu tiˬ jeˬ-iˬ maˬ jaˆ.

Zaˬkaˬliˇ 8:6

“Kʼoeˇ loꞈ-ehˇ maˬ paˇ pyeuꞈ laˇ nya-aˇ lehˇ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ noeˬ tehꞈ-a. Ehˇ kʼawꞈ, ngaˬ-euˬ gʼaˇ duˬ maˬ pyeuꞈ laˇ nya-eu jeˬ maˬ jaˆ.

Bawˇtsahˬ 11:23

Sahˬpaˬ Miˬyehˇ ehˇ-eu, “Ngaˬ-euˬ baoˬ neh maˬ mˇ pyeuꞈ nya-eu jeˬ jaˆ ta loˇ. Maˬ pyeuꞈ laˇ nya nga loˇ lehˇ nymˬ-mˇ naw maꞈ ya mawˇ tehꞈ-a.”

Maꞈtehˬ 19:25

Dawˬ kʼoeˇ dawˬ-ahˇ zaˬ lahˇ deuˬ ya gaˬ ngeh, zahˬ dui dui leˇ-awˇ ehˇ-eu, “Toˆ-ehˇ ngeuˇ naˇ, ka kʼoꞈ-eu jeˬ-ahˇ za nya-eu tsawˇ haˬ aˬ suˇ gʼaˬ jawˇ nmˇ.”

Maꞈtehˬ 19:27

Kʼoeˇ ngeh, Beˬtuˆluˆ ehˇ-eu, “Haw sheˇ. Nga maꞈ kʼaˇ jaˆ-eu yawˬ jeˬ na luꞈ byehˇ dzeh yaꞈ jiˇ-awˇ, nawˬ-euˬ mehˬ nah caw teh laˇ-euˬ maˬ ngeuˇ nga loˇ. Nga maꞈ aˬ jeˬ za nmˇ.”

Maˬkuˆ 10:27

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ nehˬ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ jahˇ nya meh. Miˬyehˇ maˬ jahˇ nya-eu tiˬ jeˬ-iˬ maˬ baw-a.”

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Luˇkaꞈ 18:27

Yeˬsuˇ ehˇ-eu, “Tsawˇ haˬ zaˬ maˬ jahˇ nya-eu jeˬ-ahˇ Miˬyehˇ jahˇ nya meh.”

HeˬByehˇ 6:6

Kʼoeˇ sawˇ miˇ tsa, jah-eu jeˬ-ahˇ aˬ yawꞈ maꞈ byehˇ dzeh-euˬ meh. Iˬ baˇ noeˬ poˆ-eu tsahˇ-ahˇ aˬ yawꞈ maꞈ-ahˇ paˇ bi gʼoꞈ poˆ laˇ-eu gʼaˇ duˬ maˬ paˇ awˬ meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-euˬ Zaˬmaˇ-ahˇ laꞈ yaꞈ kʼoeˇ taˆ paˇ taꞈ tehˬ poˆ-awˇ, miˇ kʼahˬ zaˬ mehˬ shi paˇ bi shaꞈ dawˇ poˆ-eu jeˬ mˇ luꞈ-eu meh.

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”