Maꞈtehˬ 19:21 - Akha

²¹ Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Maꞈtehˬ 19:21 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Jaceuq 37:37

Tsawˇshawˇtiˬgʼaˬ-ahˇnoeˬtaˬ-awˇ, tsawˇmuiˬtiˬgʼaˬ-ahˇhaw taˬ-awˬ. tsaˬleˇdzoeˇleˇ-eu tsawˇhaˬdeuˬ, zaˬoeˬsahˇgaˇya mawˇtehꞈ-a.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 19:20

Zaˬ guˬ kʼoeˇ gʼaˬ ehˇ-eu, “Zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ caw teh luꞈ-eu ma. Ngaˇ aˬ geu jeˬ paˇ ya mˇ ta siˬ.”

Maꞈtehˬ 19:22

Dawˬ kʼoeˇ dawˬ-ahˇ ya gaˬ ngeh, zaˬ guˬ kʼoeˇ gʼaˬ nui ma cawˆ dui dui-awˇ gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maꞈtehˬ 4:19

“Ngaˬ-euˬ mehˬ nah caw teh laˇ-awˬ. Ngaˇ naw nyaꞈ nmˇ-ahˇ tsawˇ haˬ poˆ-eu tsawˇ haˬ bi geuꞈ ma” lehˇ ehˇ nehˬ-euˬ meh.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Maꞈtehˬ 8:22

Yeˬsuˇ ehˇ-eu, “Ngaˬ-euˬ mehˬ nah caw teh laˇ-awˬ. Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ.”

Maꞈtehˬ 9:9

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ mehˬ hu paw iˇ luꞈ ngeh, kawˬ taꞈ-eu tsawˇ haˬ pyeuꞈ-eu Maꞈtehˬ lehˇ myahˇ-euˬ gʼaˬ, kawˬ taꞈ-eu nymˇ-ahˇ nuiˇ luꞈ gaˇ aˬ yawꞈ ya mawˇ-euˬ meh. “Ngaˬ-euˬ mehˬ nah caw teh laˇ-awˇ ngaˬ-euˬ zaˬ lahˇ geuꞈ laˇ-awˬ” lehˇ Yeˬsuˇ ehˇ ngeh, Maꞈtehˬ tsawˬ tuˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Maˬkuˆ 10:21

Yeˬsuˇ aˬ yawꞈ-ahˇ gʼawˬ shaˬ haw gaˬ-awˇ ehˇ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ, shaˬ zaˬ zahˬ zaˬ deuˬ-ahˇ biꞈ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ kʼoꞈ laˇ-awˇ, ngaˬ-euˬ meh nah caw teh laˇ-awˬ.”

Maˬkuˆ 2:14

Aˬ yawꞈ mehˬ hu paw cah gʼeh luꞈ geh, Aˬlaˬpehˇ-euˬ aˬ li Leˬbiˇ lehˇ myahˇ-euˬ kawˬ taꞈ-eu tsawˇ haˬ tiˬ gʼaˬ, saˇ naˇ laꞈ kʼoeˇ nuiˇ luꞈ gaˇ mawˇ-euˬ meh. “Ngaˬ-euˬ mehˬ nah caw teh laˇ-awˬ” lehˇ Yeˬsuˇ ehˇ ngeh, Leˬbiˇ tsawˬ tuˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Maˬkuˆ 8:34

Kʼoeˇ ngeh, Yeˬsuˇ-aˬ, tsawˇ haˬ aˇ maꞈ hawˇ-eu aˬ yawꞈ-euˬ zaˬ lahˇ deuˬ-ahˇ aˬ yawꞈ jawˇ gaˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-awˇ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 14:33

Kʼoeˇ loꞈ-ehˇ duˇ ni, naw maꞈ aˬ geu gʼaˬ maˬ kaˬ, yawˬ ha kʼaˇ jaˆ-eu jeˬ dawˬ tawˆ luꞈ-ahˇ maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-aˇ.

Luˇkaꞈ 16:9

“Ngaˇ naw maꞈ-ahˇ ehˇ nehˬ nyaˇ. Miˇ tsaˬ pyuˇ shuiˇ myawˬ gahˬ-ahˇ gʼoe-awˇ, aˬ cawˬ-ahˇ cawˬ cawˬ taꞈ-awˬ. Kʼoeˇ loꞈ-ehˇ jahˇ naˇ, pyuˇ shuiˇ myawˬ gahˬ kʼoeˇ deuˬ byoˆ-iˇ jiˇ ngeh, mˬ maˬ maˬ byaˆ zaˇ ziˇ ziꞈ-eu jawˇ duˬ laꞈ kʼoeˇ, naw maꞈ-ahˇ ha geuꞈ nehˬ laꞈ tehꞈ-a.

Luˇkaꞈ 18:22

Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Luˇkaꞈ 5:27

Kʼoeˇ naˇ, Yeˬsuˇ doˆ-iˇ-awˇ, Leˬbiˇ lehˇ myahˇ-euˬ kawˬ taꞈ-eu tsawˇ haˬ tiˬ gʼaˬ kawˬ taꞈ-eu saˇ naˇ-ahˇ nuiˇ luꞈ gaˇ ya mawˇ-euˬ meh. Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ mehˬ nah caw teh laˇ-awˬ.”

Luˇkaꞈ 6:40

Dzaw zaˬ-aˬ, mehˬ zaˬ naˆ maˬ tseˇ huiˬ dzehˬ mahˇ dzehˬ ta loˇ. Ehˇ kʼawꞈ, dawˬ tawˆ luꞈ dzaw luiˆ jiˇ-euˬ dzaw zaˬ tiˬ gʼaˬ-aˬ, yawˬ ha-ahˇ mehˬ-euˬ saˬ laˬ gʼaˬ naˆ ni huiˬ keuˆ leˇ nya-eu meh.

Luˇkaꞈ 9:23

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kahˇ ya byehˇ dzeh-awˇ, yawˬ nah na luꞈ yawˬ ha-euˬ laꞈ yaꞈ baꞈ-awˇ ngaˬ-euˬ mehˬ nah ya laˇ meh.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Gʼaˬkʼehˇ 2:45

Aˬ yawꞈ maꞈ yawˬ ha-euˬ myawˬ gahˬ ahˬ dzeh-awˇ, za-euˬ pyuˇ kʼoeˇ aˬ yawꞈ gʼaˬ yawꞈ kʼaˇ loˬ-eu loꞈ-ehˇ biˇ geuꞈ-euˬ meh.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.