Maꞈtehˬ 18:33 - Akha

³³ Ngaˬ neh nawˬ-ahˇ gʼawˬ shaˬ gaˬ nehˬ-euˬ loꞈ-ehˇ, nawˬ-euˬ cawˬ zaˬ kʼaˆ kʼoeˇ gʼaˬ-ahˇ nawˇ gʼawˬ shaˬ gaˬ nehˬ-eu maˬ tsaˬ-a loˇ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Ngar, nawq-anr ghawqshaq gaqnaeq-euq lof-aer, nawr khawf nawq-euq gar mrcawq-anr ghawqshaq gaqnaeq paq-aer ghae-eu maqngeur-a lor?’

Maꞈtehˬ 18:33 ပူးပေါင်းရင်းမြစ်များ

Maꞈtehˬ 18:32

Kʼoeˇ ngeh jawˇ, zaˬ kʼaˆ kʼoeˇ gʼaˬ-ahˇ sahˬ paˬ kuˇ-awˇ, heu loꞈ-ehˇ ehˇ nehˬ-euˬ meh. ‘Doeˇ dui dui-eu zaˬ kʼaˆ-oˇ, gʼawˬ shaˬ gaˬ nehˬ laꞈ lehˇ nawˇ shaˇ-eu miˇ neh, nawˇ ngaˬ-ahˇ kʼoeˇ myaˆ myaˆ-ehˇ daˆ-eu dziˇ dzoˆ kʼoeˇ deuˬ dawˬ tawˆ luꞈ, ngaˇ byehˇ nehˬ jiˇ-euˬ maˬ ngeuˇ-a loˇ.

Maꞈtehˬ 18:34

Sahˬ paˬ kʼoeˇ gʼaˬ aˬ yawꞈ-ahˇ nui ma pehˇ dui dui laˇ-awˇ, dziˇ dzoˆ maˬ tsoeˬ tsehˆ jiˇ kʼoeˇ keuˆ ni bi kʼehˬ bi kʼaˆ-eu gʼaˇ duˬ, tawˬ-ahˇ bi nyehꞈ uˇ-euˬ meh.

Maꞈtehˬ 5:7

“Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Eˇpeˇsu 4:32

Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Gawˇlawˇsehˇ 3:13

Tiˬ gʼaˬ tiˇ gʼaˬ oˇ-awˬ. Iˬ baˇ taˬ kʼaˇ za laˇ ngeh, tiˬ gʼaˬ tiˇ gʼaˬ iˬ baˇ pyehˬ-awˬ. Sahˬpaˬ Yeˬsuˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, tiˬ gʼaˬ tiˇ gʼaˬ iˬ baˇ pyehˬ-awˬ.