Maꞈtehˬ 18:28 - Akha

²⁸ “Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ “Aerkhawf, kuirlaf zaqkhav khoerghaq dov-ir-awr, aqyawf-anr pyur 100 byav dav-eu aqyawf-euq gar mrcawq tiq ghaq-anr pov-ir-euq mae. Aqyawf, aqyawf-euq gar mrcawq khoerghaq-anr gheutaeq-awr, kuqbyanq-anr tsuvtaeq taq-awr nae aer-eu, ‘Nawr, ngaq-anr dav-eu dzirdzov tsoeqkhof laf-awq.’

Maꞈtehˬ 18:28 ပူးပေါင်းရင်းမြစ်များ

Neˬhaˬmiˇ 10:31

Jawˇ nah hawˇ-eu zahˇ sahˇ kʼoꞈ-ahˇ taꞈ leˇ-awˇ ya lah ya daw-eu aˇ nah deuˬ-ahˇ, aˬ cawˬ tsawˇ jeuˬ deuˬ nga maꞈ-ahˇ cehˇ hawˇ-eu aˬ nah aˬ dzeˇ ahˬ laˇ kʼawꞈ, nga maꞈ maˬ zeuˇ geuꞈ. Shiꞈ kʼoꞈ tiˬ kʼoꞈ-ahˇ, nga maꞈ-euˬ deh yaˇ deuˬ-ahˇ maˬ mˇ dzaˬ ni bi naˬ-awˇ, za paˬ-ehˇ gʼeh-eu dziˇ dzoˆ deuˬ kʼawꞈ maˬ yuˇ kʼoꞈ ni byehˇ ma.

Neˬhaˬmiˇ 5:7

Gaˇ kawˆ kʼoeˇ-ahˇ ngaˬ-euˬ nui ma laꞈ kʼoeˇ saˇ sawˇ haw-awˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ ngaˇ iˬ baˇ taˬ-awˇ, “Naw maꞈ, yawˬ ha tsawˇ jeuˬ kʼoeˇ taˆ kʼaˆ dzaˬ nga” lehˇ ehˇ nehˬ-euˬ ma. Gaˇ kawˆ kʼoeˇ hmˬ-ahˇ taꞈ leˇ-awˇ, tsawˇ haˬ dawˬ tawˆ luꞈ-ahˇ ngaˇ kuˇ uiˬ-eu laꞈ kʼoeˇ,

Dawqdaq 28:3

Yaw shaˬ zaˬ-ahˇ kʼehˬ-eu sahˬ paˬ sahˬ ma-aˬ, sahˬ lahˬ gʼawˬ daˇ-ahˇ laˆ cawˆ-eu uˬ yehˇ bahˬ ma-ahˇ duˇ-eu meh.

Iˇsaˬyaˇ 58:3

Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Maꞈtehˬ 18:27

Kʼoeˇ ngeh, sahˬ paˬ gʼawˬ shaˬ haw gaˬ-awˇ, dziˇ dzoˆ byehˇ nehˬ-awˇ bi gʼoꞈ-iˇ-euˬ meh.

Maꞈtehˬ 18:29

Aˬ yawꞈ-euˬ cawˬ zaˬ kʼaˆ kʼoeˇ gʼaˬ pawˬ tsuiꞈ pawˬ dmˬ dmˬ-awˇ, ‘Ngaˬ-ahˇ gʼawˬ shaˬ gaˬ-awˇ tiˬ kʼehˬ dawˬ neh laꞈ siˬ. Ngaˇ nawˬ-ahˇ dziˇ dzoˆ tsoeˬ tsehˆ nehˬ ma’ lehˇ shaˇ-eu meh.

Maꞈtehˬ 20:2

Tiˬ nah mˇ-euˬ gʼaˬ gaˇ poeˬ pyuˇ maˇ byaˆ tiˬ byaˆ biꞈ ma lehˇ ja tsaˬ-awˇ, aˬ gaꞈ yaˇ kmˇ laꞈ kʼoeˇ gaˇ bi mˇ-iˇ-euˬ meh.

Maˬkuˆ 14:5

Ahˬ law nmˇ-aˬ, kʼaˇ teˬ-eu pyuˇ mehˇ byaˆ smˬ yaˇ byaˆ za tehꞈ-a tawˇ. Pyuˇ kʼoeˇ yuˇ-awˇ shaˬ zaˬ zahˬ zaˬ-ahˇ biˇ nehˬ law nmˇ-aˬ, aˇ naˆ ni gaˇ dahˇ tsoeˬ nmˇ” lehˇ, aˬ yawꞈ maꞈ yaw kaˬ ja ja-ehˇ zaˬ miˬ zaˬ kʼoeˇ gʼaˬ-ahˇ yaw kʼaˆ-ehˇ ehˇ doeˇ-eu meh.

Maˬkuˆ 6:37

Yeˬsuˇ ehˇ-eu, “Naw maꞈ aˬ yawꞈ maꞈ-ahˇ tiˬ jeˬ paˬ bi dzaˬ-awˬ.” Aˬ yawꞈ maꞈ ehˇ-eu, “Tsawˇ haˬ heu deuˬ-ahˇ bi dzaˬ-eu gʼaˇ duˬ, pyuˇ mehˇ byaˆ nyiˬ yaˇ byaˆ poeˬ kaˬ muˇ zeuˇ laˬ-iˇ-awˬ loˇ.”

Luˇkaꞈ 10:35

Yawˬ nah yawˬ aˬ yawꞈ pyuˇ maˇ byaˆ nyiˬ byaˆ yuˇ doˆ-awˇ, daˬ yah yaꞈ-eu nymˇ kʼoeˇ nymˇ-ahˇ haw-eu gʼaˬ-ahˇ biꞈ-awˇ, heu loꞈ-ehˇ ehˇ nehˬ yaꞈ-euˬ meh. ‘Tsawˇ haˬ heu gʼaˬ-ahˇ yaw muiˬ paˬ-ehˇ tiˬ poˆ bo saˆ nehˬ laꞈ sheˇ. Heu myaˆ maˬ tseˇ zmˬ jiˇ naˇ, ngaˇ paˇ gʼoꞈ le ngeh nawˬ-ahˇ tsoeˬ kʼoꞈ nehˬ ma.’

Luˇkaꞈ 7:41

Yeˬsuˇ ehˇ-eu, “Pyuˇ paˇ nehˬ-eu tsawˇ haˬ tiˬ gʼaˬ-ahˇ dziˇ dzoˆ daˆ-eu tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, ngaˬ yaˇ byaˆ daˆ-awˇ, tiˬ gʼaˬ-aˬ, ngaˬ tseˇ byaˆ daˆ-eu meh.

Yoˇhaˬ 6:7

Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”

Dawˬmehˬ 15:2

Naw maꞈ heu loꞈ-ehˇ ya jahˇ meh. Yawˬ ha-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ pyuˇ paˇ daˆ nehˬ taˬ-euˬ tsawˇ haˬ yawˬ gʼaˬ na luꞈ, dziˇ dzoˆ ya byehˇ nehˬ meh. Paˇ daˆ nehˬ-euˬ pyuˇ kʼoeˇ maˬ ya shaˇ kʼoꞈ-a. Aˬ jeˬ miˇ neh ehˇ naˇ, dziˇ dzoˆ kʼoeˇ ya byehˇ meh lehˇ Sahˬpaˬ Miˬyehˇ neh daˇ tsehˆ taˬ-euˬ meh.