Maꞈtehˬ 18:22 - Akha

²² Yeˬsuˇ ehˇ-eu, “Shiꞈ poˆ keuˆ ni tehꞈ-ehˇ maˬ ngeuˇ-a. Shiꞈ tseˇ poˆ shiꞈ dmˇ keuˆ ni meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur, aqyawf-anr heulof-aer aerkhof naeq-euq mae, “Shif pov keuvni taef-aer maqngeur-eu, shif shif-aer 70 pov keuvni ya pyaeqnaeq-eu mae.

Maꞈtehˬ 18:22 ပူးပေါင်းရင်းမြစ်များ

Aˇ dahˬ 4:24

Gaˬiˇnaˆ-ahˇ sehꞈ-eu tsawˇ haˬ-ahˇ shiꞈ poˆ keuˆ ni ya jahˇ kʼoꞈ nehˬ gaˇ keuˆ naˇ, ngaˬ-ahˇ sehꞈ laˇ-eu tsawˇ haˬ-ahˇ-aˬ, shiꞈ tseˇ shiꞈ poˆ keuˆ ni paˇ ya jahˇ kʼoꞈ nehˬ tehꞈ-a.”

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Maꞈtehˬ 18:23

Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, heu loꞈ-ehˇ meh. Tiˬ poˆ-aˬ, sahˬ paˬ tiˬ gʼaˬ aˬ yawꞈ-euˬ zaˬ kʼaˆ deuˬ nehˬ-ehˇ dziˇ dzoˆ sawˇ tsaˬ-eu lehˇ noeˬ tsehˆ-euˬ meh.

Maˬkuˆ 11:25

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

Eˇpeˇsu 4:31

Aˬ cawˬ-ahˇ nui ma naˇ-eu jeˬ maˬ ehˇ, nui ma nymˇ-eu jeˬ maˬ ehˇ, nui ma pehˇ-eu jeˬ maˬ ehˇ, byehˇ dzeh jiˇ-awˬ. Aˬ cawˬ-ahˇ guˇ guˇ-ehˇ ceh-awˇ yaˬ kʼehˇ yaˬ-eu jeˬ hawˇ-eu, aˬ cawˬ-ahˇ bye-eu jeˬ taˬ paˇ mˇ.

Gawˇlawˇsehˇ 3:13

Tiˬ gʼaˬ tiˇ gʼaˬ oˇ-awˬ. Iˬ baˇ taˬ kʼaˇ za laˇ ngeh, tiˬ gʼaˬ tiˇ gʼaˬ iˬ baˇ pyehˬ-awˬ. Sahˬpaˬ Yeˬsuˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, tiˬ gʼaˬ tiˇ gʼaˬ iˬ baˇ pyehˬ-awˬ.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.