Maꞈtehˬ 18:17 - Akha

¹⁷ Aˬ yawꞈ maꞈ-euˬ ehˇ dawˬ-ahˇ kʼawꞈ aˬ yawꞈ maˬ naˇ haˬ naˇ, gaˇ kawˆ kʼoeˇ dawˬ tawˆ luꞈ Ka li zaˬ aˇ muˇ-ahˇ dzawˇ nehˬ-awˬ. Yaw li uˬ duˬ, Ka li zaˬ aˇ muˇ neh mehˬ nehˬ-euˬ gaˇ kʼawꞈ aˬ yawꞈ maˬ geuꞈ naˇ, lawˇ ciꞈ zaˬ deuˬ hawˇ-eu kawˬ taꞈ-eu tsawˇ haˬ deuˬ-ahˇ sawˇ dzeh-eu loꞈ-ehˇ, aˬ yawꞈ-ahˇ kʼawꞈ sawˇ dzeh nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqyawf khoerdeuq-euq dawq khawf maq narhaq nar-aq, baqmaf baqmur-anr aernaeq-ir-awq. Baqmaf baqmur-euq dawq khawf maq narhaq nar-aq, aqyawf-anr aqcawq tsawrjeuq tsawrca hawr-eu jeq taf-eu tsawrhaq lof-aer sawx-awq.

Maꞈtehˬ 18:17 ပူးပေါင်းရင်းမြစ်များ

Eˇzaˬlaˬ 6:21

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ-ahˇ jawˇ-eu aˬ cawˬ tsawˇ jeuˬ tawˬ luꞈ-eu lawˇ ciꞈ zaˬ-euˬ zahˇ sahˇ kʼoꞈ-ahˇ byehˇ dzeh-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ maˬ ehˇ, Baˬsaˬkaˬ bawˬ-iˬ-ahˇ lawˇ-euˬ shaˬ jiˇ dzaˬ-euˬ meh.

Yeˬsaˬgeˬlaˇ 11:12

Ngaˇ Sahˬpaˬ Miˬyehˇ pyeuꞈ-eu gaˇ kawˆ hawˇ-eu, dawˬ peh jawˇ-eu tsawˇ jeuˬ deuˬ-euˬ zahˇ sahˇ kʼoꞈ-ahˇ naw maꞈ caw teh-eu jeˬ-aˬ, ngaˬ-euˬ zahˇ sahˇ kʼoꞈ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ gaˇ duˇ-eu gaˇ kawˆ, naw maꞈ ya siˬ duˬ tehꞈ-a.”

Maꞈtehˬ 10:3

Piˇluˇpuˆ hawˇ-eu Baˬtawˇlaˬmehˇ, Toˇmaˆ hawˇ-eu kawˬ taꞈ-eu tsawˇ haˬ pyeuꞈ-eu Maꞈtehˬ, Aˬlaˬpehˇ-euˬ aˬ li Yaˬkoˆ hawˇ-eu Taˬdehˇ,

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Maꞈtehˬ 5:46

Naw maꞈ-ahˇ gaˬ-eu tsawˇ haˬ deuˬ-ahˇ tehꞈ-ehˇ naw maꞈ gaˬ naˇ, naw maꞈ aˬ jeˬ aˇ poeˬ paˇ baw ta. Kawˬ taꞈ-eu tsawˇ haˬ deuˬ kʼawꞈ kʼoeˇ loꞈ-ehˇ gaˬ-eu maˬ ngeuˇ-a loˇ.

Maꞈtehˬ 6:7

“Naw maꞈ guiˬ lahˬ shaˇ ngeh, lawˇ ciꞈ zaˬ deuˬ guiˬ lahˬ shaˇ-eu loꞈ-ehˇ, gaˇ dahˇ maˬ tsoeˬ-eu dawˬ gʼawˬ mya ni taˬ ngehˬ. Aˬ yawꞈ maꞈ guiˬ lahˬ gʼawˬ myahˇ ni shaˇ-eu baˬ da neh, Miˬyehˇ-ahˇ gaˬ leˇ tehꞈ-a lehˇ noeˬ-eu meh.

Luˇkaꞈ 15:1

Tiˬ nah-aˬ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ tsawˇ haˬ deuˬ, Yeˬsuˇ dawˬ mehˬ mehˬ gaˇ naˇ haˬ-eu lehˇ, aˬ yawꞈ-euˬ dawˬ peh jiˆ uˇ laˇ luꞈ-eu meh.

Luˇkaꞈ 18:11

“Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

1 Gawˇliˬtu 5:9

Ngaˇ naw maꞈ-ahˇ boꞈ nehˬ-euˬ sahˬ boꞈ kʼoeˇ taꞈ laꞈ kʼoeˇ, maˬ mˇ kʼmˬ-eu jeˬ mˇ-eu tsawˇ haˬ deuˬ-ahˇ cawˬ taˬ cawˬ lehˇ ehˇ taˬ-euˬ ma.

1 Gawˇliˬtu 6:1

Naw maꞈ laꞈ kʼoeˇ Ka li zaˬ cawˬ cawˬ ja dzaˬ-eu jeˬ doˆ laˇ naˇ, Miˬyehˇ-euˬ tsawˇ haˬ deuˬ neh maˬ bi laˆ tsaˬ geuꞈ ni, aˬ jeˬ miˇ neh lawˇ ciꞈ zaˬ pyeuꞈ-eu yaˇ kʼaˬ daˇ-eu deuˬ mehˬ shi bi keuˆ leˇ te.

2 Teˇsaˬloˇni 3:6

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ Ka li-euˬ tsawˇ myahˇ uˬ moˆ, nga maꞈ naw maꞈ-ahˇ heu loꞈ-ehˇ dawˬ biꞈ-eu ma. Aˬ yuiꞈ aˬ nyiˇ Ka li zaˬ deuˬ laꞈ kʼoeˇ, maˬ mˇ maˬ shaˇ nahˇ-eu deuˬ hawˇ-eu nga maꞈ neh mehˬ-euˬ tsoˆ-euˬ dawˬ-ahˇ maˬ caw teh-eu deuˬ nehˬ-ehˇ cawˬ taˬ cawˬ.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.