Maꞈtehˬ 18:15 - Akha

¹⁵ Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Nawq-euq aqyuif aqnyir, nawq-anr mrlaeq-euq nar-aq, aqyawf jawr-eu gar ir-awr, nawnyaf taef-aer jawr ngae, aqyawf nae mrlaeq-euq jeq toeqmaeq naeq-awq. Aqyawf, nawq-euq dawq narhaq nar-aq, nawr, nawq-euq aqyuif aqnyir-anr zakhof-euq mae.

Maꞈtehˬ 18:15 ပူးပေါင်းရင်းမြစ်များ

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 11:30

Yaw tsaˬ yaw dawˇ jeˬ-euˬ aˇ siˬ-aˬ, dehꞈ-eu saˬ laˇ aˇ bawˇ pyeuꞈ-awˇ, aˬ dzawˬ aˇ gah gah-eu jeˬ-euˬ aˇ siˬ-aˬ, shiˇ-eu jeˬ pyeuꞈ-eu meh.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Maꞈtehˬ 18:14

Kʼoeˇ loꞈ-ehˇ duˇ ni, mˬ kʼoeˇ taˆ jawˇ-eu naw maꞈ-euˬ Aˬda-aˬ, tsawˇ haˬ yaw nyiˇ heu deuˬ tiˬ gʼaˬ-iˬ maˬ bi byoˆ-iˇ mawꞈ-a.

Maꞈtehˬ 18:21

Kʼoeˇ naˇ, Yeˬsuˇ jawˇ gaˇ Beˬtuˆluˆ laˇ-awˇ ehˇ-eu, “Sahˬ paˬ-oˇ, ngaˬ-euˬ mehˇ nmˇ tiˬ gʼaˬ ngaˬ-ahˇ tiˬ poˆ saˇ-iˬ tiˬ poˆ mˇ lehˬ laꞈ naˇ, aˇ myaˆ poˆ keuˆ ni ngaˇ iˬ baˇ ya pyehˬ nehˬ ta. Shiꞈ poˆ keuˆ ni loˇ.”

Maꞈtehˬ 18:35

Kʼoeˇ gaˇ duˇ ni, naw maꞈ yawˬ ha-euˬ mehˇ nmˇ-ahˇ nui ma laꞈ kʼoeˇ keuˆ ni iˬ baˇ maˬ pyehˬ nehˬ naˇ, mˬ kʼoeˇ taˆ jawˇ-eu ngaˬ Da naw maꞈ-ahˇ kʼoeˇ loꞈ-ehˇ jahˇ nehˬ laꞈ tehꞈ-a.”

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

1 Gawˇliˬtu 8:12

Naw maꞈ kʼoeˇ loꞈ-ehˇ mˇ ngeh, aˬ yuiꞈ aˬ nyiˇ Ka li zaˬ deuˬ-ahˇ mˇ lehˬ-awˇ, gʼaˬ baˬ-eu aˬ yawꞈ maꞈ-euˬ siˬ nya-eu nui ma-ahˇ laˆ naˇ nehˬ-eu laꞈ kʼoeˇ, Ka li-ahˇ mˇ lehˬ gaˇ duˇ-eu meh.

2 Gawˇliˬtu 7:12

Kʼoeˇ miˇ neh, sahˬ boꞈ kʼoeˇ taꞈ ngaˇ boꞈ-euˬ kʼawꞈ, aˬ cawˬ-ahˇ mˇ lehˬ-euˬ tsawˇ haˬ gʼaˇ duˬ boꞈ-euˬ maˬ ngeuˇ. Aˬ cawˬ mˇ lehˬ gaˇ ya daˬ-euˬ tsawˇ haˬ gʼaˇ duˬ boꞈ-euˬ kʼawꞈ maˬ ngeuˇ. Nga maꞈ gʼaˇ duˬ naw maꞈ nui ma aˇ naˆ ni keuˆ-eu gaˇ kawˆ Miˬyehˇ mehˬ shi naw maꞈ siˬ duˬ mawˇ duˬ nya ni boꞈ-euˬ ma.

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

Gawˇlawˇsehˇ 3:13

Tiˬ gʼaˬ tiˇ gʼaˬ oˇ-awˬ. Iˬ baˇ taˬ kʼaˇ za laˇ ngeh, tiˬ gʼaˬ tiˇ gʼaˬ iˬ baˇ pyehˬ-awˬ. Sahˬpaˬ Yeˬsuˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, tiˬ gʼaˬ tiˇ gʼaˬ iˬ baˇ pyehˬ-awˬ.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

2 Teˇsaˬloˇni 3:15

Ehˇ kʼawꞈ, naw maꞈ-ahˇ muiˇ-eu tsawˇ haˬ loꞈ-ehˇ maˇ diˇ-aˬ maˬ sawˇ dzeh nehˬ ni, mehˇ nmˇ tiˬ gʼaˬ loꞈ-ehˇ sawˇ-awˇ yaw kʼaˆ kʼaˆ-ehˇ mehˬ nehˬ-awˬ.

Tiˇtuˆ 3:10

Aˇ muˇ biˇ paˆ-eu lehˇ leh jeh-eu tsawˇ haˬ-ahˇ, kʼaˇ teˬ-eu nyiˬ poˆ keuˆ ni mehˬ nehˬ-awˇ, maˬ naˇ haˬ geuꞈ naˇ, byehˇ tsehˆ tsehˆ-awˬ.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.