Maꞈtehˬ 17:27 - Akha

²⁷ Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aerkhawf, khoerlof-aer janr nar-aq, aqyawfmaf sanqtif tif-eu jeq nga. Khoermirnae, nawr, lan-anr ir-awr ngaqjuif juif-ir-awq. Juifmi baebae-euq ngaqshaq khoermawr-anr nyaef-awr, khaqmae ngawqnga ngae, pyur tiq byav anr-eu gar ya’mawr taef-a. Pyur khoerbyav yur-awr, arnyaf-euq gharduq, aqyawf maf-anr jeq dovler-awq.”

Maꞈtehˬ 17:27 ပူးပေါင်းရင်းမြစ်များ

Aˇ dahˬ 1:28

Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

1 Sahˬpaˬ 17:4

Lawˇ gawˆ kʼoeˇ gawˆ-euˬ iˇ cuꞈ-ahˇ nawˇ dawˇ-awˬ. Nawˇ dzaˬ-eu dzaˇ sha nehˬ le-eu gʼaˇ duˬ, awꞈ-aꞈ-ahˇ ngaˇ dawˬ biꞈ taˬ gʼaˬ-euˬ ma.

Jaceuq 8:8

aˇjiˇmaˬehˇ, ngaˬshaˬmaˬehˇ, laˆshaˆboeˬboeˬluˆluˆmaˬehˇ, aˬyawꞈneh bi uˆlahˇ-euˬmeh.

Yawˇnaˆ 1:17

Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Yawˇnaˆ 2:10

Kʼoeˇ naˇ, Yawˇnaˆ-ahˇ lawˇ deh-ahˇ meh dzeh doˆ-eu gʼaˇ duˬ ngaˬ shaˬ kʼoeˇ mawˇ-ahˇ Sahˬpaˬ Miˬyehˇ dawˬ biꞈ-awˇ, ngaˬ shaˬ kʼoeˇ mawˇ Yawˇnaˆ-ahˇ meh dzeh doˆ-euˬ meh.

Maꞈtehˬ 17:26

Beˬtuˆluˆ ehˇ-eu, “Aˬ cawˬ miˇ kʼahˬ-ahˇ neh jawˇ le-euˬ tsaawˇ haˬ deuˬ-ahˇ taꞈ-eu meh.” Yeˬsuˇ ehˇ-eu, “Toˆ-ehˇ maˇ-iˬ, miˇ kʼahˬ zaˬ deuˬ kawˬ doˆ-eu maˬ loˬ-a lehˇ nawˇ ehˇ mawꞈ-eu nga ehˇ lawˬ.

Maꞈtehˬ 18:6

“Tsawˇ haˬ tiˬ gʼaˬ na, heu loꞈ-ehˇ gʼeh-eu tsawˇ haˬ yaw nyiˇ tiˬ gʼaˬ ngaˬ-ahˇ jah-eu nui ma byoˆ-iˇ ni jahˇ nehˬ naˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ lehˬ ma paꞈ tawꞈ-awˇ, iˬ ma laˆ shaˆ yaw naꞈ tsahˇ-ahˇ bi baꞈ puꞈ sehꞈ-eu zaˬ dzehˬ meh.

Maꞈtehˬ 18:8

“Nawˇ jah-eu nui ma byoˆ-iˇ ni, nawˬ-euˬ aˬ laꞈ neh maˬ ehˇ, aˬ kuiˇ neh maˬ ehˇ, jahˇ-euˬ ngeuˇ naˇ, deuˆ tsehˆ-awˇ biˬ dzeh-awˬ. Aˬ kuiˇ aˬ laꞈ aˇ sehˇ byah-awˇ mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ bi baꞈ puiˆ-eu naˆ maˬ tseˇ, aˬ kuiˇ aˬ laꞈ aˇ sehˇ dahˬ-iˇ-awˇ dehꞈ-eu jeˬ za-eu-aˬ muiˬ dzehˬ tehꞈ-a.

Maꞈtehˬ 5:29

Nawˬ-euˬ myaˆ nuiˆ aˇ maˇ nuiˆ baˬ da neh nawˇ iˬ baˇ ya mˇ-euˬ ngeuˇ naˇ, myaˆ nuiˆ kʼoeˇ nuiˆ kʼeuꞈ doˆ-awˇ biˬ dzeh-awˬ. Gʼawˇ mawˇ mawˇ lah-ehˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, aˇ sehˇ tiˬ sehˇ ya teˬ-iˇ-eu maˬ gaˇ dzehˬ tehꞈ-a.

Maꞈtehˬ 5:30

Nawˬ-euˬ aˬ laꞈ aˇ maˇ laꞈ baˬ da neh nawˇ iˬ baˇ ya mˇ-euˬ ngeuˇ naˇ, aˬ laꞈ kʼoeˇ laꞈ deuˆ tsehˆ-awˇ biˬ dzeh-awˬ. Gʼawˇ mawˇ mawˇ lah-ehˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, aˇ sehˇ tiˬ sehˇ dahˬ-iˇ-eu maˬ gaˇ dzehˬ tehꞈ-a.

Maˬkuˆ 9:42

“Tsawˇ haˬ tiˬ gʼaˬ na, heu loꞈ-ehˇ gʼeh-eu ngaˬ-ahˇ jah-eu zaˬ yaw nyiˇ tiˬ gʼaˬ iˬ baˇ mˇ ni sheuˬ bahˬ naˇ, aˬ yawꞈ-euˬ kawˬ lahˇ-ahˇ lo lehˬ lehˬ ma paꞈ tawꞈ-awˇ, iˬ ma laˆ shaˆ-ahˇ bi biˬ ahˇ-eu-aˬ, aˬ yawꞈ gʼaˇ duˬ muiˬ dzehˬ meh.

Maˬkuˆ 9:43

Kʼoeˇ miˇ neh, nawˬ-euˬ aˬ laꞈ tiˬ pyawˬ baˬ da neh nawˇ iˬ baˇ ya mˇ-euˬ ngeuˇ naˇ, aˬ laꞈ kʼoeˇ pyawˬ toˆ tsehˆ dzeh-awˬ. Aˬ laꞈ nyiˬ pyawˬ luꞈ tsoꞈ-awˇ, tiˬ jawˇ-iˬ maˬ miˆ-iˇ ni doꞈ luꞈ-eu shiˬ buiˇ lah ma-ahˇ bi biˬ puꞈ-eu naˆ maˬ tseˇ, aˬ laꞈ tiˬ pyawˬ tehꞈ-ehˇ tsoꞈ kʼawꞈ, mˬ taˆ miˇ kʼahˬ-ahˇ le keuˆ-awˇ ya dehꞈ-eu-aˬ, nawˬ-euˬ gʼaˇ duˬ muiˬ dzehˬ tehꞈ-a.

Luˇkaꞈ 17:2

Tsawˇ haˬ kʼoeˇ gʼaˬ neh zaˬ yaw nyiˇ heu deuˬ laꞈ kʼoeˇ tiˬ gʼaˬ na-ahˇ iˬ baˇ mˇ ni bi jahˇ-eu naˆ maˬ tseˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ paꞈ tawꞈ-awˇ, iˬ ma laˆ shaˆ-ahˇ biˬ puꞈ nehˬ naˇ, aˬ yawꞈ gʼaˇ duˬ muiˬ dzehˬ tehꞈ-a.

Yoˇhaˬ 6:61

Aˬ yawꞈ maꞈ kʼoeˇ loꞈ-ehˇ toˇ luꞈ-eu gaˇ kawˆ aˬ cawˬ Yeˬsuˇ-ahˇ maˬ ehˇ nehˬ-euˬ kʼawꞈ, Yeˬsuˇ siˬ nya-awˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ heu loꞈ-ehˇ ehˇ-eu miˇ neh, jah-eu jeˬ-ahˇ naw maꞈ byehˇ dzeh mawꞈ-eu nya loˇ.

Lormav 14:21

Shaˬ jiˇ dzaˬ-eu, jiˇ baˬ dawˇ-eu, yawˬ ha-euˬ cawˬ Ka li zaˬ tiˬ gʼaˬ na iˬ baˇ mˇ ni jahˇ-eu, heu loꞈ-ehˇ gʼeh-eu deuˬ-ahˇ yahˇ-eu muiˬ meh.

1 Gawˇliˬtu 8:13

Kʼoeˇ miˇ neh, dzaˬ-eu dawˇ-eu jeˬ baˬ da neh aˬ yuiꞈ aˬ nyiˇ Ka li zaˬ iˬ baˇ mˇ doˆ laꞈ-eu ngeuˇ lawˬ naˇ, Ka li zaˬ tiˬ gʼaˬ iˬ baˇ laꞈ kʼoeˇ maˬ bi coˬ ahˇ-eu gʼaˇ duˬ, ngaˇ shaˬ jiˇ tiˬ jawˇ-iˬ maˬ paˇ dzaˬ ma.

1 Gawˇliˬtu 8:9

Ehˇ kʼawꞈ, naw maꞈ mˇ mawꞈ-eu jeˬ mˇ nya-eu aˬ kawˬ-aˬ jaˆ-eu baˬ da neh, jah-eu gʼaˬ byehˆ byehˆ-eu tsawˇ haˬ deuˬ iˬ baˇ maˬ ya bi mˇ ni yahˇ-eu tsaˬ meh.

2 Gawˇliˬtu 6:3

Nga maꞈ Miˬyehˇ gaˇ mˇ-eu laꞈ kʼoeˇ aˬ cawˬ iˬ baˇ taˬ kʼaˇ maˬ bi za-eu gʼaˇ duˬ, aˬ cawˬ sahˬ tiꞈ tiꞈ ni gaˇ ma-ahˇ laˆ tsoeˬ-eu jeˬ nga maꞈ maˬ jahˇ.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.