Maꞈtehˬ 17:17 - Akha

¹⁷ Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr ya’or-eu la siq? Aqyawf-anr, ngar jawr-eu gar sheuqlaf-awq.”

Maꞈtehˬ 17:17 ပူးပေါင်းရင်းမြစ်များ

Jaceuq 95:10

Oeˬ tseˇ kʼoꞈ byah ni kʼoeˇ ziˇ-euˬ tsawˇ haˬ kʼoeˇ deuˬ-ahˇ, ngaˇ nui daˆ daˆ-euˬ ma. Aˬ yawꞈ maꞈ aˇ naˆ ni saˇ jaˇ maˬ ziꞈ-eu tsawˇ haˬ nga. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a lehˇ ngaˇ ehˇ-euˬ ma.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 16:28

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ ngaˬ-euˬ ehˇ dawˬ-ahˇ maˬ naˇ haˬ ni aˇ myah keuˆ ni jawˇ-eu lehˇ gʼeh ta.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 6:9

Yaw doeˇ doeˇ-eu tsawˇ haˬ-oˇ, aˇ myah keuˆ ni yuꞈ-eu gʼeh te. Yuꞈ zaˇ-ahˇ neh aˬ myah tuˇ laˇ-eu gʼeh te.

Iˇsaˬyaˇ 19:14

Aˬ yawꞈ maꞈ oˇ lo maˇ la-ehˇ pyeuꞈ iˇ ni, Sahˬpaˬ Miˬyehˇ jahˇ nehˬ-euˬ miˇ neh, jiˇ baˬ yehꞈ-eu tsawˇ haˬ tiˬ gʼaˬ, yawˬ ha-euˬ uˬ pehꞈ kʼoeˇ taˆ coˬ daˆ-eu loꞈ-ehˇ, Iˇjiˇtuˆ miˇ kʼahˬ kuiˇ toꞈ maˬ ciˬ tsaˬ nya-a.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Bawˇtsahˬ 14:27

“Tsawˇ haˬ yaw haiˬ heu deuˬ aˇ myah keuˆ ni ngaˬ-ahˇ iˬ baˇ taˬ-eu gʼeh ta. Aˬ yawꞈ maꞈ iˬ baˇ taˬ-eu laꞈ kʼoeˇ toˇ luꞈ-eu dawˬ deuˬ-ahˇ ngaˇ gaˬ dehˆ-euˬ ma.

Maꞈtehˬ 13:58

Aˬ yawꞈ maꞈ nui jah maˬ ahˇ-eu miˇ neh, zahˬ leˇ paˬ-ehˇ gʼeh-eu gʼawˬ mya jeˬ, kʼoeˇ gaˇ aˬ yawꞈ maˬ mˇ mehˬ nehˬ-a.

Maꞈtehˬ 16:8

Aˬ yawꞈ maꞈ kʼoeˇ loꞈ-ehˇ ja luꞈ-eu Yeˬsuˇ siˬ nya-awˇ, heu loꞈ-ehˇ ehˇ-eu meh. “Jah-eu gʼaˬ baˬ dui dui-eu tsawˇ haˬ deuˬ-oˇ, aˬ jeˬ miˇ neh kaˬ muˇ maˬ ahˇ-eu gaˇ kawˆ ja ja-ehˇ jawˇ te.

Maꞈtehˬ 17:16

Nawˬ-euˬ zaˬ lahˇ deuˬ jawˇ gaˇ sheu ha laˇ kʼawꞈ, aˬ yawꞈ maꞈ maˬ laˆ taˬ nehˬ nya-a.”

Maꞈtehˬ 17:18

Nehꞈ kʼoeˇ mawˇ-ahˇ Yeˬsuˇ dehˬ ngeh, aˬ li kʼoeˇ li-euˬ gʼawˇ mawˇ laꞈ kʼoeˇ neh doˆ-iˇ-awˇ, aˬ li kʼoeˇ li tiˬ poˆ tehꞈ-ehˇ taˬ leˇ-euˬ meh.

Maꞈtehˬ 6:30

Iˬ nah dehꞈ luꞈ kʼawꞈ, ni shawˬ miˬ dzaˬ-ahˇ bi jehˆ puiˆ jiˇ-eu bawˇ tsahˬ jaˆ guˬ jaˆ gaˆ-ahˇ Miˬyehˇ kʼoeˇ naˆ ni bi dm bi gʼaˬ-eu ngeuˇ naˇ, naw maꞈ-ahˇ kʼoeˇ naˆ maˬ tseˇ maˬ bi dm maˬ bi gʼaˬ-aˇ loˇ. Aˬ jeˬ miˇ neh jah-eu gʼaˬ byehˆ byehˆ te.

Maꞈtehˬ 8:26

Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 9:19

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Luˇkaꞈ 9:41

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Yoˇhaˬ 20:27

Kʼoeˇ ngeh, Toˇmaˆ-ahˇ aˬ yawꞈ ehˇ nehˬ-eu, “Nawˬ-euˬ laꞈ noeˇ neh toeˬ haw-awˇ ngaˬ-euˬ aˬ laꞈ-ahˇ haw duˬ laˇ sheˇ. Kʼoeˇ naˇ, nawˬ-euˬ aˬ laꞈ cawˬ ja-awˇ, ngaˬ-euˬ byaˇ gʼaˇ-ahˇ sawˆ haw-awˇ, poˆ poˆ laˆ laˆ-ehˇ maˬ paˇ noeˬ ni jah-awˬ.”

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

2 Gawˇliˬtu 11:1

Ngaˇ aˬ dzawˬ aˇ gah-euˬ dawˬ ui cuiˆ ngehˬ gaˇ naw maꞈ bi oˇ mawꞈ miˇ-a. Tiˬ poˆ oˇ nehˬ laꞈ-awˬ de.

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.