Maꞈtehˬ 17:15 - Akha

¹⁵ “Sahˬ paˬ-oˇ, ngaˬ li-ahˇ gʼawˬ shaˬ tiˬ poˆ gaˬ nehˬ laꞈ-awˬ. Aˬ yawꞈ mawˇ bawˬ coˬ dui dui-eu baˬ da neh, tiˬ kʼehˬ maˬ taˬ ni miˬ dzaˬ hawˇ-eu iˇ cuꞈ-ahˇ coˬ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Sanqpaq-or! Ngaqli-anr ghawqshaq gaqnaeq laf-awq. Aqyawf mawrbawq coq-awr, shaq duidui luf-eu mae. Aqyawf ghawqmya pov miqdzaq-anr coqpuiv-awr, ghawqmya pov ircuf-anr coqpuf-eu mae.

Maꞈtehˬ 17:15 ပူးပေါင်းရင်းမြစ်များ

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Maꞈtehˬ 15:22

Miˇ kʼahˬ kʼoeˇ kʼahˬ-ahˇ jawˇ-eu Kaˬnaˬ tsawˇ jeuˬ zaˬ miˬ zaˬ tiˬ gʼaˬ aˬ yawꞈ jawˇ gaˇ laˇ-awˇ, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ sheˇ. Ngaˬ buˇ-ahˇ nehꞈ uˇ leˇ taˬ-awˇ, uˇ gawˇ laˇ paˬ-ehˇ shaˬ dui dui luꞈ meh” lehˇ guˇ-awˇ ehˇ-eu meh.

Maꞈtehˬ 17:16

Nawˬ-euˬ zaˬ lahˇ deuˬ jawˇ gaˇ sheu ha laˇ kʼawꞈ, aˬ yawꞈ maꞈ maˬ laˆ taˬ nehˬ nya-a.”

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Luˇkaꞈ 6:18

Nehꞈ yaw jawꞈ uˇ-eu baˬ da neh shaˬ luꞈ-eu tsawˇ haˬ deuˬ-ahˇ, aˬ yawꞈ laˆ taˬ nehˬ-euˬ meh.

Yoˇhaˬ 18:2

Yeˬsuˇ-ahˇ ahˬ dzaˬ-euˬ Yuˇdaˆ kʼoeˇ gʼaˬ kʼawꞈ, yaˇ kmˇ kʼoeˇ kmˇ jaˆ-eu jawˇ duˬ siˬ nya-eu meh. Aˬ jeˬ miˇ neh ehˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ yaˇ kmˇ kʼoeˇ kmˇ laꞈ kʼoeˇ gʼawˬ mya poˆ mawˇ dzoeˇ haw-euˬ meh.