Maꞈtehˬ 17:12 - Akha

¹² Eˇliˇyaˆ aˬ diˇ oe keuˆ gʼaˬ-euˬ meh lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, aˬ cawˬ aˬ yawꞈ-ahˇ maˬ siˬ nya-ehˇ, kʼaˇ jahˇ mawꞈ-eu jahˇ nehˬ-euˬ meh. Kʼoeˇ loꞈ-ehˇ duˇ ni, Tsawˇhaˬ-euˬ Zaˬmaˇ-ahˇ kʼawꞈ, aˬ yawꞈ maꞈ yehˬ bawˬ sehˇ lu-ehˇ jahˇ nehˬ-eu lehˇ gʼeh-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar, nawmaf-anr aernaeq nyar, Erlirya oedzeur-euq mae. Aerkhawf, aqcawq, aqyawf-anr maq siqnya-aer, khar janrmawf-eu jeq janrnaeq-euq mae. Khoerlof-aer durni, Tsawrhaq-euq Zaqyo khawf, aqyawf maf-euq aqlaf-euq lafkhoer yadaq taef-a.”

Maꞈtehˬ 17:12 ပူးပေါင်းရင်းမြစ်များ

Maꞈtehˬ 11:2

Ka li mˇ luꞈ shaˇ luꞈ-eu gaˇ kawˆ kʼoeˇ deuˬ-ahˇ, tawˬ-ahˇ uˇ luꞈ-eu Iˇ cuꞈ shawˇ-eu Yoˇhaˬ ya gaˬ ngeh, aˬ yawꞈ-euˬ zaˬ lahˇ tiˬ paˆ na deuˬ-ahˇ aˬ yawꞈ jawˇ gaˇ kʼehˇ gʼeh-euˬ meh.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 17:11

Yeˬsuˇ ehˇ-eu, “Aˬ diˇ aˬ maˇ Eˇliˇyaˆ jeˬ huˬ oe-awˇ, yawˬ jeˬ na luꞈ lehˬ hmˬ laˆ saˆ dah le tehꞈ-a.

Maꞈtehˬ 17:13

Kʼoeˇ ngeh, aˬ yawꞈ Iˇ cuꞈ shawˇ-eu Yoˇhaˬ gaˇ kawˆ ehˇ luꞈ-eu meh lehˇ, zaˬ lahˇ deuˬ gʼoˆ shaw-euˬ meh.

Maꞈtehˬ 17:22

Zaˬ lahˇ deuˬ Gaˬliˬlehˇ miˇ kʼahˬ-ahˇ uiˬ laˇ-awˇ jawˇ ngeh,Yeˬsuˇ ehˇ-eu, “Tsawˇhaˬ-euˬ Zaˬmaˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-eu aˇ yamˬ keuˆ laˇ-euˬ meh.

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Maꞈtehˬ 21:32

Aˬ jeˬ miˇ neh ehˇ naˇ, Yoˇhaˬ naw maꞈ jawˇ gaˇ oe-awˇ, yaw tsaˬ yaw dawˇ gaˇ ma mehˬ nehˬ le-euˬ kʼawꞈ, naw maꞈ aˬ yawꞈ-ahˇ maˬ jah-a. Ehˇ kʼawꞈ, kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, aˬ yawꞈ-ahˇ jah-euˬ meh. Aˬ yawꞈ maꞈ kʼoeˇ loꞈ-ehˇ jah gaˇ naw maꞈ ya mawˇ kʼawꞈ, naw maꞈ nui ma maˬ paˇ-ehˇ, aˬ yawꞈ-ahˇ maˬ jah-a.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Luˇkaꞈ 7:33

Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh.

Yoˇhaˬ 1:11

Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 4:10

naw maꞈ neh laꞈ yaꞈ kʼoeˇ taˆ taꞈ sehꞈ nehˬ-awˇ, Miˬyehˇ neh bi gʼoꞈ dehꞈ laˇ-euˬ Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ baoˬ baˬ da neh , nymˬ-mˇ naw maꞈ mehˬ shi yawꞈ luꞈ-eu tsawˇ haˬ heu gʼaˬ muiˬ laˇ-euˬ meh lehˇ naw maꞈ dawˬ tawˆ luꞈ siˬ duˬ-eu uˬ taꞈ, Iˇsaˬleˬlaˇ tsawˇ haˬ dawˬ tawˆ luꞈ siˬ duˬ-eu tsaˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.