Maꞈtehˬ 16:4 - Akha

⁴ Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Zawr cawv-awr banq-awr muv-eu heuzir-aq, bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq khoer maqngeur nar-aq, aqyawf maf-anr nuijeq maqbi mawr.” Khoernar-aq, Yeqsur, aqyawf maf-anr nae ghawq-awr dov-ir-euq mae.

Maꞈtehˬ 16:4 ပူးပေါင်းရင်းမြစ်များ

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

Iˇsaˬyaˇ 57:3

Ehˇ kʼawꞈ, jaˬ nehꞈ hawˇ-eu meh maˬ laˇ-euˬ zaˬ-ahˇ duˇ-awˇ, aˬ cawˬ miˬ zaˬ gʼawˇ-eu deuˬ-euˬ zaˬ-ahˇ duˇ-eu, iˬ baˇ mˇ-eu naw maꞈ heu gaˇ laˇ sheˇ.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Yawˇnaˆ 1:1

Aˬmiˇtehˇ-euˬ aˬ li Yawˇnaˆ jawˇ gaˇ, Sahˬpaˬ Miˬyehˇ-euˬ dawˬ heu loꞈ-ehˇ keuˆ le-euˬ meh.

Yawˇnaˆ 1:17

Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Maꞈtehˬ 16:5

Zaˬ lahˇ deuˬ lah nui baˬ tsehˆ doˆ ngeh, dzaˬ-eu gʼaˇ duˬ kaˬ muˇ maˬ yuˇ gʼeh ni ngehˇ-euˬ meh.

Maˬkuˆ 8:12

Ehˇ kʼawꞈ, Yeˬsuˇ saꞈ saꞈ ma gʼawˇ ka-awˇ ehˇ-eu, “Heu ziˇ-euˬ tsawˇ haˬ deuˬ aˬ jeˬ miˇ neh zahˬ leˇ paˬ-ehˇ gʼeh jeˬ-ahˇ mawˇ mawꞈ-eu maˬ siˬ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu ziˇ-ahˇ dehꞈ luꞈ-eu tsawˇ haˬ deuˬ-ahˇ zahˬ leˇ paˬ-ehˇ gʼeh-eu jeˬ maˬ bi mawˇ lehˇ ngaˇ ehˇ-eu ma.”

Maˬkuˆ 8:38

Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”