Maꞈtehˬ 16:20 - Akha

²⁰ Kʼoeˇ naˇ, aˬ yawꞈ Meˬsiˇya pyeuꞈ-eu gaˇ kawˆ aˬ cawˬ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, zaˬ lahˇ deuˬ-ahˇ Yeˬsuˇ dawˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoerngae, Yeqsur-aq, Kali mae laer tiqghaq-anr-iq maqbi ja’naeq-eu gharduq, Yeqsur, aqyawf-euq zaqlanr deuq-anr dawq bif-euq mae.

Maꞈtehˬ 16:20 ပူးပေါင်းရင်းမြစ်များ

Maꞈtehˬ 1:16

Yaˬkoˆ-euˬ aˬ li Yoˇsehˆ meh. Ka li lehˇ myahˇ-euˬ Yeˬsuˇ-euˬ zaˬ baw aˬ ma Maˬliˇ-aˬ, Yoˇsehˆ-euˬ nymˇ dahˬ meh.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬkuˆ 8:30

Kʼoeˇ naˇ, aˬ yawꞈ maꞈ-ahˇ Yeˬsuˇ dawˬ biꞈ-awˇ ehˇ-eu, “Ngaˬ-euˬ gaˇ kawˆ tiˬ gʼaˬ-ahˇ-iˬ taˬ ja nehˬ de.”

Maˬkuˆ 9:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ geh, Yeˬsuˇ aˬ yawꞈ maꞈ-ahˇ dawˬ biꞈ-awˇ ehˇ-eu, “Tsawˇ haˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh kʼaˇ ya mawˇ-euˬ jeˬ, tiˬ gʼaˬ-ahˇ-iˬ taˬ ja nehˬ.”

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Luˇkaꞈ 9:21

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ dzawˇ mehˬ nehˬ-eu gʼaˇ duˬ, aˬ yawꞈ maꞈ-ahˇ Yeˬsuˇ dawˬ yaw kʼaˆ kʼaˆ-ehˇ biꞈ-euˬ meh.

Luˇkaꞈ 9:36

Kʼoeˇ loꞈ-ehˇ ngehˬ doˆ laˇ ngeh, Yeˬsuˇ tiˬ gʼaˬ tehꞈ-ehˇ jawˇ luꞈ gaˇ aˬ ha smˇ gʼaˬ ya mawˇ-euˬ meh. Kʼoeˇ naˇ, aˬ yawꞈ maꞈ neh ya mawˇ-euˬ gaˇ kawˆ kʼoeˇ, aˇ nah aˇ yamˬ kʼoeˇ yamˬ laꞈ kʼoeˇ aˬ cawˬ tiˬ gʼaˬ-ahˇ-iˬ maˬ ehˇ nehˬ ni, ciˬ cuˇ ni jawˇ-euˬ meh.

Yoˇhaˬ 1:41

Aˬ yawꞈ-euˬ mehˇ nmˇ Siˇmoˬ-ahˇ aˬ yawꞈ yaw kawˇ-ehˇ poˆ mawˇ-awˇ, “Nga nyaꞈ Meˬsiˇyaˆ-ahˇ ya mawˇ gʼaˬ-euˬ ma” lehˇ ehˇ nehˬ-euˬ meh. (ʼMeˬsiˇyaˆʼ hawˇ-eu ʼKa liʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ tiˬ kawˆ meh.)

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Yoˇhaˬ 11:27

Maˬta ehˇ-eu, “Sahˬpaˬ-oˇ, ngaˇ jah ma. Nawˇ-aˬ, miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ-euˬ Zaˬmaˇ Meˬsiˇya meh lehˇ ngaˇ jah ma.”

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Gʼaˬkʼehˇ 2:36

“Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

1 Yoˇhaˬ 2:22

Toˆ-ehˇ ngeuˇ naˇ, jaˬ myawꞈ myawꞈ-eu aˬ suˇ gʼaˬ-a. Yeˬsuˇ-ahˇ Ka li maˬ ngeuˇ-a lehˇ pyehˇ-eu gʼaˬ-aˬ, jaˬ myawꞈ myawꞈ-eu gʼaˬ meh. Kʼoeˇ loꞈ-ehˇ pyehˇ-eu tsawˇ haˬ-aˬ, Aˬda Miˬyehˇ-ahˇ maˬ ehˇ, Zaˬmaˇ-ahˇ maˬ ehˇ, byehˇ dzeh-euˬ tsawˇ haˬ meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.