Maꞈtehˬ 16:14 - Akha

¹⁴ Aˬ yawꞈ maꞈ ehˇ-eu, “Tiˬ paˆ na deuˬ Iˇ cuꞈ shawˇ-eu Yoˇhaˬ nga lehˇ ehˇ-awˇ, tiˬ paˆ na deuˬ Eˇliˇyaˆ nga lehˇ ehˇ-eu meh. Tiˬ paˆ na deuˬ-aˬ, Yeˬlaˬmiˇ maˬ ngeuˇ naˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawfmaf aerkhof naeq-eu, “Tiqpavnav deuq-aq, Bartirsaq mrnaeq-eu Yorhaq nga laer aer-awr, tiqpavnav deuq-aq, Erlirya nga laer aer-eu mae. Tiqpavnav deuq-aq, Yeqlaqmir maqngeur nar-aq, Miqyaer gharduq ngaeqdan-eu tiqghaqnav ngar-a laer khawf aer-eu mae.”

Maꞈtehˬ 16:14 ပူးပေါင်းရင်းမြစ်များ

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Maꞈtehˬ 14:2

aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ ehˇ nehˬ-eu, “Tsawˇ haˬ kʼoeˇ gʼaˬ maˇ maˇ ni Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ. Kʼoeˇ miˇ neh, zahˬ leˇ paˬ-ehˇ gʼeh-eu jeˬ mˇ nya-eu baoˬ ahˇ-eu ngaˇ.”

Maꞈtehˬ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maˬ toe. Ngaˇ aˬ suˇ gʼaˬ nga lehˇ ehˇ nmˇ.”

Maꞈtehˬ 17:10

Kʼoeˇ naˇ, zaˬ lahˇ deuˬ Yeˬsuˇ-ahˇ naˇ haˬ-eu, “Eˇliˇyaˆ jeˬ huˬ oe meh lehˇ, Zahˇ dawˬ kʼoꞈ dawˬ mehˬ-eu saˬ laˬ deuˬ aˬ jeˬ miˇ neh ehˇ ta.”

Maꞈtehˬ 3:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇ cuꞈ shawˇ-eu Yoˇhaˬ lehˇ myahˇ-euˬ gʼaˬ, Yuˇdaˆ miˇ kʼahˬ kʼaˇ shuiꞈ deh yaˇ bawˇ tsahˬ bawˇ dahˇ laꞈ kʼoeˇ, heu loꞈ-ehˇ dawˬ mehˬ mehˬ le-euˬ meh.

Maˬkuˆ 6:15

Tiˬ paˆ na deuˬ-aˬ, aˬ yawꞈ-ahˇ Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, “Aˇ hu ba Miˬyehˇ gʼaˇ duˬ ngehˬ dah-euˬ tsawˇ haˬ deuˬ-ahˇ duˇ-eu Miˬyehˇ gʼaˇ duˬ ngehˬ dah-eu tsawˇ haˬ ngaˇ” lehˇ ehˇ-eu meh.

Maˬkuˆ 8:28

Zaˬ lahˇ deuˬ aˬ yawꞈ-ahˇ ehˇ nehˬ-eu, “Tsawˇ haˬ tiˬ paˆ na deuˬ nawˬ-ahˇ Iˇ cuꞈ shawˇ-eu Yoˇhaˬ nga lehˇ ehˇ-eu meh. Tiˬ paˆ na deuˬ-aˬ, Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Luˇkaꞈ 9:8

Tiˬ paˆ na deuˬ-aˬ, “Eˇliˇyaˆ doˆ le-euˬ ngaˇ” lehˇ ehˇ-awˇ, tiˬ paˆ na deuˬ-aˬ, “Aˇ hu ba-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na gʼoꞈ dehꞈ laˇ-euˬ ngaˇ” lehˇ ehˇ-eu meh.

Yoˇhaˬ 1:21

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Yoˇhaˬ 9:17

Kʼoeˇ naˇ, Paˬliˬsehˇ kʼoeˇ deuˬ tsawˇ haˬ kʼoeˇ gʼaˬ-ahˇ heu loꞈ-ehˇ paˇ naˇ haˬ-euˬ meh. “Nawˬ-euˬ myaˆ nuiˆ mawˇ laˇ ni aˬ yawꞈ neh jahˇ nehˬ laꞈ-euˬ meh lehˇ nawˇ ehˇ-eu-aˬ, aˬ yawꞈ-ahˇ nawˇ aˬ joˆ-ehˇ noeˬ-eu nya.” Tsawˇ haˬ kʼoeˇ gʼaˬ ehˇ-eu, “Aˬ yawꞈ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh.”