Maꞈtehˬ 15:9 - Akha

⁹ Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawfmaf, tsawrhaq-euq zanrtaq khoftaq deuq, maeqdawq tsovdawq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ ” (Isy 29:13)

Maꞈtehˬ 15:9 ပူးပေါင်းရင်းမြစ်များ

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 73:13

Toˆ-ehˇ ngeuˇ naˇ, ngaˇ iˬ baˇ maˬ pi yaw muiˬ yaw shawˇ shawˇ-ehˇ dehꞈ-eu, aˬ jeˬ gaˇ dahˇ tsoeˬ ta.

Doˆ-iˇ 20:7

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ, nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 15:10

Kʼoeˇ naˇ, Yeˬsuˇ tsawˇ haˬ aˇ maꞈ-ahˇ kuˇ uiˬ-awˇ ehˇ nehˬ-eu, “Naˇ haˬ-awˇ gʼoˆ shaw geuꞈ-awˬ.

Maˬkuˆ 7:7

Yawꞈ maꞈ ngaˬ-ahˇ uˬ duˬ tahˬ-eu, gaˇ dahˇ tsoeˬ leˇ duˬ maˬ jaˆ-a. Tsawˇ haˬ neh jahˇ-euˬ zahˇ sahˇ kʼoꞈ, ngaˬ-euˬ dawˬ geuꞈ-awˇ mehˬ-euˬ meh.’

1 Gawˇliˬtu 15:2

Ngaˬ neh naw maꞈ-ahˇ mehˬ-euˬ kʼoeˇ-aˬ, Laˬ kʼaˬ cehˇ-eu Guiˬ lahˬ dawˬ meh. Naw maˬ yawꞈ ngehꞈ yawꞈ kuˬ-ehˇ jah-eu maˬ ngeuˇ lawˬ naˇ, Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ baˬ da neh ka kʼoꞈ-eu jeˬ za tehꞈ-a.

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

1 Tiˆmoˇseˬ 1:4

Aˬ poeˬ dawˬ oeˇ kʼoeˇ deuˬ hawˇ-eu aˇ saˬ saˬ-eu maˬ baw-eu tsuiꞈ daˆ gui-eu kʼoeˇ deuˬ-ahˇ byehˇ dzeh-awˬ lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ-aˬ, dawˬ ja myaˬ-awˇ tsawˇ pyehˇ pyehˇ-eu jeˬ oꞈ-eu tehꞈ meh. Aˬ dui jah-eu baˬ da neh siˬ nya laˇ-eu jeˬ pyeuꞈ-eu Miˬyehˇ-euˬ nui noeˬ maˬ doˆ laˇ-a.

Tiˇtuˆ 1:14

Yuˇdaˆ tsawˇ haˬ-euˬ aˬ poeˬ dawˬ oeˇ deuˬ hawˇ-eu, yaw tsaˬ yaw dawˇ jeˬ-ahˇ byehˇ dzeh-euˬ tsawˇ haˬ deuˬ-euˬ zahˇ dawˬ kʼoꞈ dawˬ deuˬ-ahˇ aˬ yawꞈ maꞈ byehˇ dzeh nya ni, kʼoeˇ loꞈ-ehˇ mehˬ nehˬ-awˬ.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.

Panmaeq 22:18

Sahˬ boꞈ heu taꞈ laꞈ kʼoeˇ ahˇ-eu mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ kʼaˇ ya gaˬ-euˬ tsawˇ haˬ yawˬ gʼaˬ na luꞈ, yaw kʼaˆ kʼaˆ-ehˇ yahˇ-eu gʼaˇ duˬ, ngaˇ Yoˇhaˬ heu loꞈ-ehˇ ehˇ-eu ma. Tsawˇ haˬ tiˬ gʼaˬ dawˬ tiˬ dawˬ na dawˆ lahˬ naˇ, aˬ yawꞈ ya daˬ-eu kʼehˬ-eu kʼaˆ-eu jeˬ uˬ taꞈ, sahˬ boꞈ heu taꞈ laꞈ kʼoeˇ ehˇ taˬ-euˬ kʼehˬ-eu kʼaˆ-eu jeˬ Miˬyehˇ aˬ yawꞈ-ahˇ paˇ ciˬ pi tehꞈ-a.

1 Saˬmeuˬlaˆ 25:21

Kʼoeˇ ngeh, Daˬbiˇ heu loꞈ-ehˇ shaˇ sawˇ shaˇ sawˇ-ehˇ oe luꞈ-eu meh. “Bawˇ tsahˬ bawˇ dahˇ laꞈ kʼoeˇ tsawˇ haˬ kʼoeˇ gʼaˬ-euˬ myawˬ gahˬ deuˬ-ahˇ aˬ jeˬ miˇ neh ngaˇ haw piˇ nehˬ-euˬ nga. Aˬ yawꞈ-euˬ myawˬ tiˬ jeˬ-iˬ maˬ bi byoˆ ni teu naˆ naˆ-ehˇ caw ba nehˬ taˬ-euˬ kʼawꞈ, aˬ yawꞈ ngaˬ-ahˇ aˬ joˆ-ehˇ teu loꞈ-ehˇ paˇ jahˇ kʼoꞈ nehˬ laꞈ kʼmˬ-eu nga.