Maꞈtehˬ 15:33 - Akha

³³ Zaˬ lahˇ deuˬ aˬ yawꞈ-ahˇ ehˇ-eu, “Heu loꞈ-ehˇ gʼeh-eu bawˇ tsahˬ bawˇ dahˇ kʼaˇ shuiꞈ deh yaˇ laꞈ kʼoeˇ, tsawˇ haˬ heu myaˆ ni-ahˇ bi dzaˬ bi dawˇ loꞈ-eu gʼaˇ duˬ, dzaˬ dzaˬ dawˇ dawˇ aˬ gaˇ laˬ-iˇ nmˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqyawf-euq zaqlanr deuq aer-eu, “Tsawrhaq armaf mafma-anr bi dzaqdaev-eu gharduq, heulof-aer ghae-eu bawrtsanq bawrdanr-anr kaqmur aqgar povlaq-ir nmr-mq?”

Maꞈtehˬ 15:33 ပူးပေါင်းရင်းမြစ်များ

Maꞈtehˬ 14:15

Kʼoeˇ ngeh nah uˬ ciꞈ uˬ taw paw, aˬ yawꞈ-euˬ zaˬ lahˇ deuˬ aˬ yawꞈ jawˇ gaˇ laˇ-awˇ ehˇ-eu, “Iˬ nah uˬ ciꞈ ciꞈ le shaw-iˬ miˇ-a. Jawˇ duˬ heu tsahˇ pu-ahˇ gaˇ mahˇ kaˬ-eu miˇ neh, tsawˇ haˬ aˇ maꞈ heu deuˬ-ahˇ pyehˬ nehˬ-awˇ, pu doe ni dzaˬ dzaˬ dawˇ dawˇ bi poˆ dzaˬ-iˇ-eu maˬ tsaˬ-a loˇ.”

Maꞈtehˬ 15:32

Yeˬsuˇ aˬ yawꞈ-euˬ zaˬ lahˇ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu deuˬ-ahˇ ngaˇ gʼawˬ shaˬ gaˬ miˇ-a. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, aˬ yawꞈ maꞈ dzaˬ-eu tiˬ jeˬ-iˬ maˬ paˇ jaˆ meh. Aˬ yawꞈ maꞈ-ahˇ tiˬ jeˬ-iˬ maˬ dzaˬ-ehˇ maˬ bi gʼoꞈ-iˇ mawꞈ nya. Gaˇ pehˇ-ahˇ gʼaˬ juˬ dui dui-iˇ gaˇ kʼahˬ laˇ nya.”

Maꞈtehˬ 15:34

Yeˬsuˇ ehˇ-eu, “Naw maꞈ kaˬ muˇ aˇ myaˆ ni ahˇ te.” Aˬ yawꞈ maꞈ ehˇ-eu, “Kaˬ muˇ shiꞈ yaˆ hawˇ-eu ngaˬ shaˬ ui cuiˆ ahˇ-eu tehꞈ ma.”

Maˬkuˆ 6:37

Yeˬsuˇ ehˇ-eu, “Naw maꞈ aˬ yawꞈ maꞈ-ahˇ tiˬ jeˬ paˬ bi dzaˬ-awˬ.” Aˬ yawꞈ maꞈ ehˇ-eu, “Tsawˇ haˬ heu deuˬ-ahˇ bi dzaˬ-eu gʼaˇ duˬ, pyuˇ mehˇ byaˆ nyiˬ yaˇ byaˆ poeˬ kaˬ muˇ zeuˇ laˬ-iˇ-awˬ loˇ.”

Luˇkaꞈ 9:13

Ehˇ kʼawꞈ, Yeˬsuˇ aˬ yawꞈ maꞈ-ahˇ ehˇ-eu, “Naw maꞈ aˬ yawꞈ maꞈ-ahˇ tiˬ jeˬ paˬ biꞈ-awˇ bi dzaˬ-awˬ.” Aˬ yawꞈ maꞈ ehˇ-eu, “Nga maꞈ kaˬ muˇ ngaˬ siˬ hawˇ-eu ngaˬ shaˬ nyiˬ mawˇ ahˇ-eu tehꞈ ma. Tsawˇ haˬ heu deuˬ dawˬ tawˆ luꞈ gʼaˇ duˬ dzaˬ dzaˬ dawˇ dawˇ zeuˇ laˬ-iˇ-awˬ loˇ.”