Maꞈtehˬ 15:27 - Akha

²⁷ Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˇ ehˇ-eu tsaˬ meh. Ehˇ kʼawꞈ, aˬ kuiˬ-aˬ, yaw sahˇ gʼaˬ-euˬ hawˬ jeh-ahˇ neh ga le-euˬ dzaˬ ngehˬ dawˇ dzeh deuˬ-ahˇ ya gʼoˆ dzaˬ-eu tehꞈ-ehˇ kʼawꞈ, nui kʼahˇ shiˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqma khoerghaq aer-eu, “Ngeur mae, Sanqpaq-or! Aerkhawf, aqkuiq-aq, yawsanr ghaq-euq hawqje-anr nae gaka le-euq dzaqngaeq dawrdzae-anr ghovdzaq-eu mae.”

Maꞈtehˬ 15:27 ပူးပေါင်းရင်းမြစ်များ

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Maꞈtehˬ 15:26

Yeˬsuˇ ehˇ-eu, “Zaˬ dzaˬ luꞈ-eu kaˬ muˇ yuˇ doˆ-awˇ, aˬ kuiˬ-ahˇ biꞈ-eu maˬ tsaˬ-a.”

Maꞈtehˬ 15:28

Kʼoeˇ ngeh jawˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ-aˬ, jah-eu gʼaˬ kʼaˆ dui dui-eu zaˬ miˬ zaˬ tiˬ gʼaˬ law hawˇ nga. Nawˇ kʼaˇ bi pyeuꞈ mawꞈ-eu loꞈ-ehˇ nawˬ-euˬ gʼaˇ duˬ pyeuꞈ laˇ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, aˬ yawꞈ-euˬ aˬ buˇ kʼoeˇ gʼaˬ tiˬ poˆ tehꞈ-ehˇ taˬ leˇ-euˬ meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Maꞈtehˬ 8:8

Ehˇ kʼawꞈ, yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ-eu, “Sahˬ paˬ-oˇ, nawˇ-aˬ, huiˬ dui mahˇ dui dui-eu miˇ neh, ngaˬ-euˬ nymˇ-ahˇ bi uˇ laˇ-eu maˬ geuˇ nya. Nawˬ neh dawˬ tiˬ dawˬ tehꞈ-ehˇ ngehˬ ahˇ leꞈ-euˬ kʼawꞈ, ngaˬ-euˬ zaˬ kʼaˆ taˬ leˇ tehꞈ-a.

Maˬkuˆ 7:28

Aˬ yawꞈ ehˇ-eu, “Sahˬpaˬ-oˇ, hawˬ jeh uˬ moˆ jawˇ-eu aˬ kuiˬ deuˬ kʼawꞈ, zaˬ neh dzaˬ dzeh dawˇ dzeh-euˬ deuˬ-ahˇ gʼoˆ dzaˬ-eu meh.”

Luˇkaꞈ 16:21

Smˇ muiˬ smˇ baw kʼoeˇ gʼaˬ-euˬ hawˬ jeh-ahˇ neh ga ka le-euˬ dzaˬ ngehˬ dawˇ dzeh ya dzaˬ gaˇ aˬ yawꞈ noeˬ tmˬ-eu meh. Aˬ kuiˬ laˇ laˇ-ehˇ aˬ yawꞈ-euˬ maˇ naˇ-ahˇ myeuꞈ-eu meh.

Luˇkaꞈ 18:13

Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Lormav 10:12

Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 3:29

Maˬ ngeuˇ naˇ, Miˬyehˇ-aˬ, Yuˇdaˆ tsawˇ haˬ deuˬ-euˬ Miˬyehˇ tehꞈ-a loˇ. Aˬ cawˬ tsawˇ jeuˬ-euˬ Miˬyehˇ maˬ ngeuˇ-a loˇ. Ngeuˇ meh. Yuˇdaˆ tsawˇ haˬ maˬ ngeuˇ-eu deuˬ-euˬ Miˬyehˇ kʼawꞈ ngeuˇ meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.