Maꞈtehˬ 15:26 - Akha

²⁶ Yeˬsuˇ ehˇ-eu, “Zaˬ dzaˬ luꞈ-eu kaˬ muˇ yuˇ doˆ-awˇ, aˬ kuiˬ-ahˇ biꞈ-eu maˬ tsaˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Yeqsur aerkhof naeq-eu, “Zaq dzaqluf-eu jeq yurdov-awr, aqkuiq-anr dzaenaeq-eu maqtsaq-a.”

Maꞈtehˬ 15:26 ပူးပေါင်းရင်းမြစ်များ

Maꞈtehˬ 15:25

Kʼoeˇ ngeh jawˇ, zaˬ miˬ zaˬ kʼoeˇ gʼaˬ aˬ yawꞈ-euˬ aˬ kuiˇ dawˬ peh pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, ngaˬ-ahˇ ngehˬ gʼeh nehˬ laꞈ-awˬ” lehˇ ehˇ-eu meh.

Maꞈtehˬ 15:27

Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˇ ehˇ-eu tsaˬ meh. Ehˇ kʼawꞈ, aˬ kuiˬ-aˬ, yaw sahˇ gʼaˬ-euˬ hawˬ jeh-ahˇ neh ga le-euˬ dzaˬ ngehˬ dawˇ dzeh deuˬ-ahˇ ya gʼoˆ dzaˬ-eu tehꞈ-ehˇ kʼawꞈ, nui kʼahˇ shiˇ meh.”

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Gaˬlaˬtiˆ 2:15

Aˬ dui maꞈ-aˬ, dehꞈ le ngeh neh maˇ maˇ ni Yuˇdaˆ tsawˇ haˬ ma. Aˬ yawꞈ maꞈ ehˇ-eu loꞈ-ehˇ, “aˬ cawˬ tsawˇ jeuˬ iˬ baˇ zaˬ deuˬ” maˬ ngeuˇ.

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Piˇliˇpiˆ 3:2

Yaw haiˬ jeˬ mˇ-eu tsawˇ haˬ kʼoeˇ deuˬ-ahˇ yahˇ-awˬ. Aˬ kuiˬ kʼoeˇ deuˬ-ahˇ yahˇ-awˬ. Yawˬ ha-euˬ gʼawˇ mawˇ-ahˇ yehˬ-eu pyehˆ-eu tsawˇ haˬ kʼoeˇ deuˬ-ahˇ yahˇ-awˬ.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.