Maꞈtehˬ 14:9 - Akha

⁹ Sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ saˇ jaˇ dzaˬ dzeuˇ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ jahˇ nehˬ-eu gʼaˇ duˬ, aˬ yawꞈ dawˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerngae, sanqpaq Heqlor noeqshaq-eu mae. Aerkhawf, aqyawf naeq-aer jawq-awr dzaqtaf luf-eu deuq-euq maeqshi kamq-euq baqda’nae, Aqbur khoerghaq shar-eu lof-aer janrnaeq-awq laer dawq bif-euq mae.

Maꞈtehˬ 14:9 ပူးပေါင်းရင်းမြစ်များ

Dawˬ tsoˆ 5:2

Dawˬ maˬ ngehˬ mi naˆ-ehˇ yaw muiˬ paˬ-ehˇ shaˇ noeˬ-awˬ. Miˬyehˇ-ahˇ yaw awˇ laꞈ-ehˇ saˇ jaˇ taˬ dzaˬ. Aˬ yawꞈ mˬ kʼoeˇ taˆ jawˇ-awˇ, nawˇ miˇ tsaˬ kʼoeˇ taˆ jawˇ-eu miˇ neh, ngehˬ paˬ tmˇ paˬ-ehˇ gʼeh-eu taꞈ-ehˇ uˬ dzehˬ taˬ ngehˬ.

Yeˬlaˬmiˇ 44:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Naw maꞈ hawˇ-eu naw maꞈ-euˬ miˬ zaˬ deuˬ, mˬ taˆ miˬyehˇ ma-ahˇ lawˇ-eu shehˇ-eu jeˬ mˇ-awˇ, aˬ gaꞈ dzaˇ uiˇ shehˆ-awˇ lawˇ-eu jeˬ lawˇ nehˬ ma lehˇ saˇ jaˇ dzaˬ-euˬ loꞈ-ehˇ, aˬ laꞈ kʼawꞈ mˇ keuˆ-euˬ meh. Muiˬ ngaˇ. Naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ mˇ byah mˇ byah-ehˇ dehꞈ-awˬ.

Maꞈtehˬ 14:1

Aˇ yamˬ kʼoeˇ yamˬ-ahˇ, Yeˬsuˇ tsawˇ myahˇ doˆ-eu gaˇ kawˆ, Gaˬliˬlehˇ miˇ kʼahˬ-ahˇ uˆ lahˇ-eu sahˬ paˬ Heˬloˆ ya gaˬ-awˇ,

Maꞈtehˬ 14:10

Aˬ yawꞈ tsawˇ haˬ kʼehˇ gʼeh-awˇ, tawˬ laꞈ kʼoeˇ uˇ luꞈ-eu Yoˇhaˬ-euˬ uˬ duˬ bi deuˆ tsehˆ laˬ-iˇ-euˬ meh.

Maꞈtehˬ 14:5

Yoˇhaˬ-ahˇ Heˬloˆ sehꞈ mawꞈ-eu meh. Ehˇ kʼawꞈ, Yuˇdaˆ tsawˇ haˬ deuˬ-ahˇ aˬ yawꞈ yahˇ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ kʼoeˇ deuˬ Yoˇhaˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ lehˇ sawˇ taˬ-euˬ meh.

Maꞈtehˬ 14:8

Aˬ ma gʼaˬ neh mehˬ gahˇ nehˬ-euˬ loꞈ-ehˇ, “Iˇ cuꞈ shawˇ-eu Yoˇhaˬ-euˬ uˬ duˬ, kʼmˬ maˬ sehˇ byehˇ-ahˇ dawˆ ahˇ-awˇ, nymˬ-mˇ heu gaˇ bi ciˬ ha laˇ-awˬ” lehˇ, aˬ buˇ kʼoeˇ buˇ shaˇ-eu meh.

Maˬkuˆ 6:14

Gaˇ kawˆ kʼoeˇ deuˬ dawˬ tawˆ luꞈ sahˬ paˬ Heˬloˆ ya gaˬ-euˬ meh. Aˬ jeˬ miˇ neh ehˇ naˇ, Yeˬsuˇ-euˬ gaˇ kawˆ yawˬ gaˇ na luꞈ gaˬ doe-iˇ luꞈ-eu meh. “Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ. Kʼoeˇ miˇ neh, zahˬ leˇ paˬ-ehˇ gʼeh-eu gaˇ heu deuˬ mˇ nya-eu baoˬ aˬ yawꞈ jaˆ-eu ngaˇ” lehˇ, tsawˇ haˬ tiˬ paˆ na deuˬ ehˇ-eu meh.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Maˬkuˆ 6:26

Dawˬ kʼoeˇ dawˬ baˬ da neh sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ kamˬ tsehˆ gʼaˬ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ maˬ jahˇ nehˬ-ehˇ maˬ gʼeh nya-a.

Luˇkaꞈ 13:32

Yeˬsuˇ aˬ yawꞈ maꞈ-ahˇ ehˇ nehˬ-eu, “‘Iˬ nah hawˇ-eu ni shawˬ laꞈ kʼoeˇ, nehꞈ teh doˆ-eu gaˇ hawˇ-eu naˇ gawˇ laˆ taˬ nehˬ-eu gaˇ, ngaˇ mˇ luꞈ-eu ma. Ehˇ kʼawꞈ, saˇ pehˬ ngeh nah mˇ luiˆ jiˇ ma’ lehˇ, kʼaˬ yehˇ kʼoeˇ mawˇ-ahˇ ehˇ nehˬ-iˇ-awˬ.

Yaˇ kʼaˬ daˇ 11:39

Ba la nyiˬ siˬ byah laˇ ngeh, aˬ yawꞈ aˬ da jawˇ gaˇ aˬ yawꞈ gʼoꞈ le-euˬ meh. Kʼoeˇ ngeh, aˬ yawꞈ-euˬ aˬ da neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ loꞈ-ehˇ mˇ-awˇ, aˬ yawꞈ ya shiˇ-euˬ meh. Aˬ yawꞈ-aˬ, kʼaˬ dzeˇ zaˬ nehˬ-ehˇ maˬ jawˇ taꞈ haw-euˬ miˬ daꞈ daꞈ shuiꞈ tiˬ gʼaˬ pyeuꞈ-eu meh. Kʼoeˇ ngeh neh naˇ, Iˇsaˬleˬlaˆ tsawˇ haˬ laꞈ kʼoeˇ zahˇ sahˇ kʼoꞈ heu loꞈ-ehˇ jaˆ ka leꞈ-euˬ meh.

Yaˇ kʼaˬ daˇ 21:1

Iˇsaˬleˬlaˆ tsawˇ haˬ deuˬ Miˇzaˬpaˬ meuˬ-ahˇ uiˬ leˇ-awˇ, “Nga maꞈ tiˬ gʼaˬ-iˬ Beˬyaˬmiˬ tsawˇ haˬ deuˬ-ahˇ nga maꞈ-euˬ aˬ buˇ maˬ paˇ bi dahˬ dzaˬ-iˇ ma” lehˇ, Sahˬpaˬ Miˬyehˇ-ahˇ saˇ jaˇ dzaˬ-euˬ meh.

1 Saˬmeuˬlaˆ 14:24

Kʼoeˇ ngeh nah, Iˇsaˬleˬlaˆ tsawˇ haˬ deuˬ hawˬ mehꞈ laˇ-awˇ, gʼaˬ baˬ dui dui-eu meh. Aˬ jeˬ miˇ neh ehˇ naˇ, “Iˬ nah uˬ ciꞈ uˬ taw paw keuˆ ni ngaˬ-ahˇ muiˇ-eu deuˬ-ahˇ ngaˇ laꞈ poˆ maˬ poˆ gʼaˬ mi naˆ-ehˇ, tiˬ jeˬ paˬ kʼaˇ dzaˬ-eu tsawˇ haˬ aˬ geu gʼaˬ maˬ kaˬ, yaˬ kʼehˇ yaˬ-eu jeˬ-ahˇ ya daˬ luꞈ-uˇ” lehˇ, Sawˇluˆ saˇ jaˇ dawˬ ngehˬ taˬ-euˬ miˇ neh meh. Kʼoeˇ miˇ neh, yawˬ gʼaˬ na luꞈ tiˬ jeˬ-iˬ maˬ dzaˬ ni nah ga-ehˇ dzahˬ-euˬ meh.

1 Saˬmeuˬlaˆ 14:28

“Nga maꞈ dawˬ tawˆ luꞈ hawˬ mehꞈ-awˇ gʼaˬ baˬ dui dui nya. Ehˇ kʼawꞈ, ‘Iˬ nah tiˬ jeˬ paˬ kʼaˇ dzaˬ-euˬ tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a’ lehˇ, nawˬ da neh nga maꞈ-ahˇ ehˇ taˬ-euˬ dawˬ jaˆ-eu miˇ neh maˬ dzaˬ peuˬ nya” lehˇ, tsawˇ haˬ tiˬ gʼaˬ Yawˇnaˆshaˬ-ahˇ ehˇ-eu meh.

1 Saˬmeuˬlaˆ 25:22

Uˬ bya maˬ bya laˇ mi naˆ-ehˇ tsawˇ haˬ kʼoeˇ deuˬ-ahˇ ngaˇ maˬ sehꞈ jiˇ naˇ, Miˬyehˇ ngaˬ-ahˇ tsoꞈ bi deh le luꞈ-uˇ.”

1 Saˬmeuˬlaˆ 28:10

Sawˇluˆ ciˬ cuˇ ni saˇ jaˇ dzaˬ kʼoeˬ-eu laꞈ kʼoeˇ,“Nawˇ teu loꞈ-ehˇ mˇ-eu baˬ da neh, nawˬ-euˬ kʼoeˇ taˆ kʼehˬ-eu kʼaˆ-eu jeˬ maˬ bi keuˆ le lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ kamˬ tsehˆ-eu ma” lehˇ ehˇ nehˬ-euˬ meh.