Maꞈtehˬ 14:36 - Akha

³⁶ Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Nar-eu tsawrhaq khoerdeuq, Yeqsur-anr aqyawf-euq paerkhanq paerdanq-anr taef-aer khawf, bi toeqciv naeqlaf-awq laer shar-awr khar toeqciv-euq tsawrhaq taqler jir-euq mae.

Maꞈtehˬ 14:36 ပူးပေါင်းရင်းမြစ်များ

Maꞈtehˬ 14:35

Kʼoeˇ gaˇ jawˇ-eu tsawˇ haˬ deuˬ Yeˬsuˇ-ahˇ haw siˬ-awˇ, miˇ kʼahˬ kʼoeˇ kʼahˬ doe ni tsawˇ haˬ pyehˬ gʼeh-awˇ, naˇ-eu tsawˇ haˬ dawˬ tawˆ luꞈ aˬ yawꞈ jawˇ gaˇ bi sheuˬ uiˬ laꞈ-euˬ meh.

Maꞈtehˬ 23:5

Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 6:56

Pu doe ni, meuˬ doe ni, yaˇ kʼahˬ yaˇ lahˬ doe ni, Yeˬsuˇ kʼaˇ iˇ kʼaˇ laˇ doˆ gaˇ, lehˆ lehˆ tsmˇ tsawˇ haˬ uiˬ leˇ duˬ-ahˇ, naˇ-eu tsawˇ haˬ baꞈ taˬ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ-eu gʼaˇ duˬ, aˬ yawꞈ maꞈ shaˇ-euˬ meh. Kʼaˇ toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maˬkuˆ 8:22

Kʼoeˇ naˇ, Behˬdzeˇdaˬ meuˬ-ahˇ aˬ yawꞈ maꞈ iˇ keuˆ-euˬ meh. Tsawˇ haˬ tiˬ deuˬ Yeˬsuˇ jawˇ gaˇ myaˆ behꞈ tiˬ gʼaˬ sheuˬ laꞈ-awˇ, tiˬ poˆ toeˬ ciˆ nehˬ-eu gʼaˇ duˬ, Yeˬsuˇ-ahˇ shaˇ-eu meh.

Luˇkaꞈ 6:19

Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 7:23

Jawˇ nah ngeh nah aˬ li tiˬ li-ahˇ baˆ kʼoˆ mehˬ dzaˬ yehˬ-euˬ kʼoeˇ Zahˇ dawˬ kʼoꞈ dawˬ-ahˇ maˬ bahˬ-a lehˇ ngeuˇ naˇ, Jawˇ nah ngeh nah tsawˇ haˬ tiˬ gʼaˬ-euˬ gʼawˇ mawˇ mawˇ lah-ehˇ muiˬ laˇ ni ngaˬ neh laˆ taˬ nehˬ-euˬ gaˇ, naw maꞈ aˬ jeˬ miˇ neh nui ma pehˇ te.

Gʼaˬkʼehˇ 3:16

Kuiˇ cawˆ heu gʼaˬ aˬ yawꞈ tsawˇ myahˇ-euˬ baoˬ baˬ da neh gʼaˬ paˇ ahˇ laˇ-euˬ meh. Naw maꞈ ya siˬ ya mawˇ-euˬ gaˇ kawˆ heu-aˬ, aˬ yawꞈ-euˬ tsawˇ myahˇ-ahˇ jah-eu jeˬ baˬ da neh pyeuꞈ laˇ-euˬ meh. Naw maꞈ mawˇ luꞈ-eu loꞈ-ehˇ, tsawˇ haˬ heu gʼaˬ muiˬ laˇ-euˬ-aˬ, Yeˬsuˇ-ahˇ jah-eu jeˬ baˬ da neh meh.