Maꞈtehˬ 14:31 - Akha

³¹ Tiˬ poˆ tehꞈ-ehˇ Yeˬsuˇ aˬ laꞈ cawˬ ja-awˇ, aˬ yawꞈ-ahˇ nyehꞈ tehˬ-awˇ, “Jah-eu gʼaˬ baˬ-eu tsawˇ haˬ-oˇ, aˬ jeˬ miˇ neh poˆ poˆ laˆ laˆ-ehˇ noeˬ te” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, Yeqsur, aqlaf yawkawr-aer cawqja-awr aqyawf-anr gheutaeq-awr nae aer-eu, “Jan-eu ghaq baq-eu tsawrhaq-or! Nawr aqjeq mirnae povpov lavlav-aer noeq-eu le?”

Maꞈtehˬ 14:31 ပူးပေါင်းရင်းမြစ်များ

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Maꞈtehˬ 14:30

Ehˇ kʼawꞈ, jaˬ lehˇ yaw kʼaˆ-ehˇ baw gaˇ aˬ yawꞈ mawˇ ngeh, guˆ-eu nui ma ahˇ laˇ-awˇ, iˇ cuꞈ-ahˇ ga nuiꞈ-iˇ-euˬ meh. Kʼoeˇ ngeh, “Sahˬ paˬ-oˇ, ngaˬ-ahˇ ka kʼoꞈ nehˬ laꞈ-awˬ” lehˇ aˬ yawꞈ guˇ-euˬ meh.

Maꞈtehˬ 14:32

Aˬ yawꞈ nyaꞈ nyiˬ gʼaˬ luꞈ lawˬ laꞈ kʼoeˇ uˇ-iˇ ngeh, jaˬ lehˇ baw-eu naˬ leˇ-euˬ meh.

Maꞈtehˬ 16:8

Aˬ yawꞈ maꞈ kʼoeˇ loꞈ-ehˇ ja luꞈ-eu Yeˬsuˇ siˬ nya-awˇ, heu loꞈ-ehˇ ehˇ-eu meh. “Jah-eu gʼaˬ baˬ dui dui-eu tsawˇ haˬ deuˬ-oˇ, aˬ jeˬ miˇ neh kaˬ muˇ maˬ ahˇ-eu gaˇ kawˆ ja ja-ehˇ jawˇ te.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 6:30

Iˬ nah dehꞈ luꞈ kʼawꞈ, ni shawˬ miˬ dzaˬ-ahˇ bi jehˆ puiˆ jiˇ-eu bawˇ tsahˬ jaˆ guˬ jaˆ gaˆ-ahˇ Miˬyehˇ kʼoeˇ naˆ ni bi dm bi gʼaˬ-eu ngeuˇ naˇ, naw maꞈ-ahˇ kʼoeˇ naˆ maˬ tseˇ maˬ bi dm maˬ bi gʼaˬ-aˇ loˇ. Aˬ jeˬ miˇ neh jah-eu gʼaˬ byehˆ byehˆ te.

Maꞈtehˬ 8:26

Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Maˬkuˆ 1:31

Yeˬsuˇ aˬ yawꞈ jawˇ gaˇ iˇ-awˇ, aˬ laꞈ-ahˇ nyehꞈ tehˬ-awˇ gʼeu tuˇ nehˬ-euˬ meh. Kʼoeˇ ngeh, aˬ yawꞈ pyaˬ-eu taˬ leˇ-awˇ, aˬ yawꞈ maꞈ-ahˇ dzaˬ dzaˬ dawˇ dawˇ lehˬ hmˬ laˆ saˆ nehˬ-euˬ meh.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Maˬkuˆ 11:23

Tsawˇ haˬ aˬ geu gʼaˬ maˬ kaˬ, nui ma poˆ poˆ laˆ laˆ-ehˇ maˬ gʼeh ni, yawˬ ha neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ maˇ maˇ ni jah-eu laꞈ kʼoeˇ, gawˬ jawˬ heu jawˬ-ahˇ ‘Tsawˬ diˇ leˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ ehˇ nehˬ naˇ, aˬ yawꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Maˬkuˆ 16:7

Aˬ yawꞈ-euˬ zaˬ lahˇ deuˬ hawˇ-eu Beˬtuˆluˆ jawˇ gaˇ iˇ-awˇ, ‘Aˬ yawꞈ naw maꞈ-euˬ mehˬ hu Gaˬliˬlehˇ miˇ kʼahˬ-ahˇ iˇ dzeuˇ-euˬ meh. Aˬ yawꞈ naw maꞈ-ahˇ ehˇ taˬ-euˬ loꞈ-ehˇ, aˬ yawꞈ-ahˇ kʼoeˇ gaˇ ya mawˇ tehꞈ-a’ lehˇ ehˇ nehˬ-iˇ-awˬ.”

Maˬkuˆ 4:40

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Aˬ jeˬ miˇ neh naw maꞈ teu naˆ naˆ-ehˇ guˆ-eu nya. Jah-eu nui ma maˬ ahˇ te siˬ loˇ.”

Maˬkuˆ 5:41

Aˬ buˇ kʼoeˇ gʼaˬ-euˬ aˬ laꞈ-ahˇ Yeˬsuˇ nyehꞈ tehˬ-awˇ, “Daˬ liˇ daˬ guˇ miˇ” lehˇ ehˇ nehˬ-euˬ meh. Dawˬ tsuiꞈ-aˬ, “Aˬ buˇ zaˬ-oˇ, tuˇ-awˬ lehˇ ngaˇ nawˬ-ahˇ ehˇ-eu ma” lehˇ ehˇ mawꞈ-eu meh.

Luˇkaꞈ 24:34

“Sahˬpaˬ Yeˬsuˇ gʼoꞈ dehꞈ laˇ-euˬ yaw duˬ baw meh. Aˬ yawꞈ-euˬ gʼawˇ mawˇ Siˇmoˬ-ahˇ bi mawˇ le-euˬ meh” lehˇ, aˬ yawꞈ maꞈ ehˇ luꞈ-eu meh.

Gʼaˬkʼehˇ 4:30

Nawˬ-euˬ aˬ laꞈ cawˬ ja-eu laꞈ kʼoeˇ, naˇ-eu gawˇ-eu tsawˇ haˬ deuˬ-ahˇ bi taˬ leˇ-awˇ, nawˬ-euˬ muiˬ-eu shawˇ-eu Zaˬkʼaˆ pyeuꞈ-eu Yeˬsuˇ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ laꞈ.”

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.