Maꞈtehˬ 14:29 - Akha

²⁹ Kʼoeˇ naˇ, “Oe-awˬ tawˇ” lehˇ Yeˬsuˇ ehˇ ngeh, Beˬtuˆluˆ lawˬ laꞈ nyiˇ doˆ-iˇ-awˇ, iˇ cuꞈ kʼoeˇ taˆ cah cah-ehˇ Yeˬsuˇ jawˇ gaˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoerngae, Yeqsur aer-eu, “Oe-awq.” Khoermirnae, Beqtuvluv, lawq-anr nae dov-ir-awr, ircuf-euq khoertav cancan-aer Yeqsur jawr-eu gar ir-euq mae.

Maꞈtehˬ 14:29 ပူးပေါင်းရင်းမြစ်များ

Maꞈtehˬ 14:28

Beˬtuˆluˆ ehˇ-eu, “Sahˬ paˬ-oˇ, nawˇ jeˬ maˇ-iˬ ngaˇ iˇ cuꞈ kʼoeˇ taˆ cah-awˇ nawˇ jawˇ gaˇ oe nya ni dawˬ biꞈ-awˬ.”

Maꞈtehˬ 14:30

Ehˇ kʼawꞈ, jaˬ lehˇ yaw kʼaˆ-ehˇ baw gaˇ aˬ yawꞈ mawˇ ngeh, guˆ-eu nui ma ahˇ laˇ-awˇ, iˇ cuꞈ-ahˇ ga nuiꞈ-iˇ-euˬ meh. Kʼoeˇ ngeh, “Sahˬ paˬ-oˇ, ngaˬ-ahˇ ka kʼoꞈ nehˬ laꞈ-awˬ” lehˇ aˬ yawꞈ guˇ-euˬ meh.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Maˬkuˆ 9:23

Yeˬsuˇ ehˇ-eu, “Gʼeh nya naˇ lehˇ aˬ jeˬ miˇ neh ehˇ te. Jah-eu tsawˇ haˬ gʼaˇ duˬ yawˬ jeˬ na luꞈ pyeuꞈ laˇ nya meh.”

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Gʼaˬkʼehˇ 3:16

Kuiˇ cawˆ heu gʼaˬ aˬ yawꞈ tsawˇ myahˇ-euˬ baoˬ baˬ da neh gʼaˬ paˇ ahˇ laˇ-euˬ meh. Naw maꞈ ya siˬ ya mawˇ-euˬ gaˇ kawˆ heu-aˬ, aˬ yawꞈ-euˬ tsawˇ myahˇ-ahˇ jah-eu jeˬ baˬ da neh pyeuꞈ laˇ-euˬ meh. Naw maꞈ mawˇ luꞈ-eu loꞈ-ehˇ, tsawˇ haˬ heu gʼaˬ muiˬ laˇ-euˬ-aˬ, Yeˬsuˇ-ahˇ jah-eu jeˬ baˬ da neh meh.

Lormav 4:19

Aˬ yawꞈ-ahˇ kʼoeˇ loꞈ-ehˇ ehˇ nehˬ ngeh, aˬ yawꞈ-euˬ aˇ kʼoꞈ tiˬ yaˇ dawˬ peh tah tehˬ leˇ taˬ-euˬ meh. Aˬ yawꞈ-euˬ aˬ lmˬ gʼawˇ mawˇ gaˇ kawˆ shaˇ noeˬ ngeh, shiˇ gʼaˬ-euˬ loꞈ-ehˇ duˇ-awˇ, aˬ yawꞈ-euˬ nymˇ dahˬ Saˬlaˇ zaˬ ciˬ zaˬ cu maˬ paˇ mˇ nya-euˬ kʼawꞈ, aˬ yawꞈ jah-eu kʼoeˇ hmˬ gʼaˬ tiˬ pawꞈ-iˬ maˬ baˬ-iˇ-a.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.