Maꞈtehˬ 14:27 - Akha

²⁷ Yeˬsuˇ ehˇ-eu, “Taˬ guˆ. Nui ma taˬ baˬ. Ngaˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoerngae, Yeqsur, aqyawf maf-anr yawkawr-aer aernaeq-eu, “Taqguv, ngar le! Nuima zifdanni ghae-awq.”

Maꞈtehˬ 14:27 ပူးပေါင်းရင်းမြစ်များ

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Maꞈtehˬ 14:28

Beˬtuˆluˆ ehˇ-eu, “Sahˬ paˬ-oˇ, nawˇ jeˬ maˇ-iˬ ngaˇ iˇ cuꞈ kʼoeˇ taˆ cah-awˇ nawˇ jawˇ gaˇ oe nya ni dawˬ biꞈ-awˬ.”

Maꞈtehˬ 17:7

Yeˬsuˇ aˬ yawꞈ maꞈ-ahˇ toeˬ ciˆ le-awˇ, “Tuˇ-awˬ. Taˬ guˆ” lehˇ ehˇ nehˬ-euˬ meh.

Maꞈtehˬ 28:10

Yeˬsuˇ aˬ yawꞈ nyaꞈ-ahˇ ehˇ nehˬ-eu, “Taˬ guˆ. Ngaˬ-euˬ mehˇ nmˇ loꞈ-ehˇ gʼeh-eu deuˬ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Gaˬliˬlehˇ miˇ kʼahˬ-ahˇ iˇ-awˬ. Kʼoeˇ gaˇ ngaˬ-ahˇ ya mawˇ tehꞈ-a’ lehˇ ehˇ nehˬ-iˇ-awˬ.”

Maꞈtehˬ 28:5

Mˬ taˆ gʼaˬ kʼehˇ kʼoeˇ gʼaˬ zaˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Naw nyaꞈ taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Yeˬsuˇ kʼoeˇ gʼaˬ-ahˇ naw nyaꞈ poˆ luꞈ-eu ngaˇ siˬ nya ma.

Maꞈtehˬ 9:2

Kʼoeˇ ngeh, maˬ luˆ nya-ehˇ yuꞈ zaˇ kʼoeˇ taˆ bi yuꞈ taˬ-euˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ, aˬ yawꞈ jawˇ gaˇ baꞈ ha le-euˬ meh. Baꞈ ha le-euˬ tsawˇ haˬ kʼoeˇ deuˬ-euˬ jah-eu nui ma-ahˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ, “Aˬ li-oˇ, tiˬjeˬ-iˬ taˬ noeˬ shaˬ. Nawˬ-euˬ iˬ baˇ-ahˇ Miˬyehˇ pyehˬ nehˬ gʼaˬ-euˬ meh lehˇ ngaˇ ehˇ-eu ma” lehˇ ehˇ nehˬ-euˬ meh.

Maˬkuˆ 6:50

Aˬ yawꞈ maꞈ yawˬ gʼaˬ na luꞈ aˬ yawꞈ-ahˇ mawˇ-awˇ, guˆ dui dui-iˇ-euˬ meh. “Taˬ guˆ. Nui ma taˬ baˬ. Ngaˇ ma” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:30

Mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ ehˇ-eu, “Maˬliˇ-oˇ, taˬ guˆ. Miˬyehˇ nawˬ-ahˇ gʼawˬ shaˬ gaˬ luꞈ meh.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 2:10

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, ‘Taˬ guˆ. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ laˬ kʼaˬ cehˇ dui dui paˬ-ehˇ gʼeh-eu laˬ kʼaˬ cehˇ-eu guiˬ lahˬ dawˬ naw maꞈ-ahˇ ngaˇ tsaꞈ gaˬ le-euˬ ma.

Luˇkaꞈ 5:10

Siˇmoˬ nehˬ-ehˇ ngaˬ shaˬ poˆ-eu cawˬ deuˬ pyeuꞈ-eu Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ kʼawꞈ, zahˬ dui dui leˇ-euˬ meh. Siˇmoˬ-ahˇ Yeˬsuˇ ehˇ nehˬ-eu, “Taˬ guˆ. Aˬ kaˇ naˇ, nawˬ-ahˇ ngaˬ shaˬ poˆ-eu tsawˇ haˬ maˬ paˇ bi geuꞈ-ehˇ, tsawˇ haˬ poˆ-eu tsawˇ haˬ bi geuꞈ ma.”

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 6:20

“Taˬ guˆ. Ngaˇ ma.” lehˇ aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”