Maꞈtehˬ 14:15 - Akha

¹⁵ Kʼoeˇ ngeh nah uˬ ciꞈ uˬ taw paw, aˬ yawꞈ-euˬ zaˬ lahˇ deuˬ aˬ yawꞈ jawˇ gaˇ laˇ-awˇ ehˇ-eu, “Iˬ nah uˬ ciꞈ ciꞈ le shaw-iˬ miˇ-a. Jawˇ duˬ heu tsahˇ pu-ahˇ gaˇ mahˇ kaˬ-eu miˇ neh, tsawˇ haˬ aˇ maꞈ heu deuˬ-ahˇ pyehˬ nehˬ-awˇ, pu doe ni dzaˬ dzaˬ dawˇ dawˇ bi poˆ dzaˬ-iˇ-eu maˬ tsaˬ-a loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Uqcif uqtaw tawle ngae, zaqlanr deuq, aqyawf jawr-eu gar lar-awr aer-eu, “Heugar-aq, bawrtsanq pyeuf-awr, uqcif khawf cifle shaw-iq-eu mirnae, tsawrhaq armaf mafma heudeuq-anr pyaeq-awr, pu doeni dzaqdzaq dawrdawr bi zeurdzaq-ir-awq.”

Maꞈtehˬ 14:15 ပူးပေါင်းရင်းမြစ်များ

Maꞈtehˬ 14:13

Yoˇhaˬ-euˬ gaˇ kawˆ Yeˬsuˇ ya gaˬ ngeh, jawˇ duˬ kʼoeˇ tsahˇ-ahˇ neh doˆ-iˇ-awˇ, ciˬ cuˇ ni gʼeh-eu jawˇ duˬ-ahˇ tiˬ gʼaˬ tehꞈ-ehˇ iˇ-euˬ meh. Aˬ yawꞈ iˇ-euˬ gaˇ kawˆ tsawˇ haˬ aˇ maꞈ ya siˬ ngeh, aˬ yawꞈ maꞈ jawˇ-eu meuˬ deuˬ-ahˇ neh doˆ laˇ-awˇ, aˬ yawꞈ-euˬ mehˬ nah kuiˇ zoˬ caw teh-iˇ-euˬ meh.

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 14:16

Yeˬsuˇ ehˇ-eu, “Aˬ yawꞈ maꞈ-ahˇ bi iˇ-eu maˬ loˬ-aˇ. Naw maꞈ dzaˬ dzaˬ dawˇ dawˇ biꞈ nehˬ-awˇ bi dzaˬ-awˬ.”

Maꞈtehˬ 15:23

Ehˇ kʼawꞈ, Yeˬsuˇ dawˬ tiˬ dawˬ-iˬ maˬ ngehˬ cawˬ nehˬ-a. Kʼoeˇ ngeh, aˬ yawꞈ-euˬ zaˬ lahˇ deuˬ aˬ yawꞈ jawˬ gaˇ laˇ-awˇ ehˇ-eu, “Tsawˇ haˬ teu gʼaˬ-ahˇ tiˬ poˆ teh dzeh sheˇ. Aˬ yawꞈ aˬ dui maꞈ-euˬ mehˬ nah caw teh caw teh-ehˇ, maˬ naˬ leˇ ni toˆ-ehˇ guˇ guˇ-ehˇ cah luꞈ-eu meh.”

Maˬkuˆ 8:3

Aˬ yawꞈ maꞈ-ahˇ tiˬ jeˬ-iˬ maˬ bi dzaˬ ni bi gʼoꞈ-iˇ naˇ, gaˇ pehˇ gʼoꞈ-iˇ luꞈ ngeh, gʼaˬ juˬ dui dui-iˇ tehꞈ-a. Aˬ jeˬ miˇ neh ehˇ naˇ, tiˬ paˆ na deuˬ gaˇ mahˇ kaˬ gaˇ neh laˇ-euˬ meh.”

Luˇkaꞈ 9:12

Nahˇ ma ga ahˇ mawꞈ laˇ ngeh, zaˬ lahˇ tseˇ nyiꞈ gʼaˬ aˬ yawꞈ jawˇ gaˇ laˇ-awˇ ehˇ-eu, “Dawˬ peh jaˆ-eu pu deuˬ hawˇ-eu deh ma doe ni iˇ-awˇ, dzaˬ dzaˬ dawˇ dawˇ hawˇ-eu naˬ duˬ jawˇ duˬ bi shaˇ poˆ-iˇ-eu gʼaˇ duˬ, tsawˇ haˬ heu deuˬ-ahˇ pyehˬ nehˬ yamˬ tsaˬ laˇ-euˬ maˬ ngeuˇ-a loˇ. Aˬ jeˬ miˇ neh ehˇ naˇ, jawˇ duˬ heu tsahˇ-aˬ, pu-ahˇ gaˇ mahˇ kaˬ-eu meh.”