Maꞈtehˬ 13:52 - Akha

⁵² Aˬ yawꞈ ehˇ-eu, “Dawˬ tsuiꞈ-aˬ, heu loꞈ-ehˇ meh. Mˬtaˆ Miˇkʼahˬ-euˬ zaˬ lahˇ pyeuꞈ laˇ-euˬ Zahˇ dawˬ kʼoꞈ dawˬ mehˬ-eu saˬ laˬ aˬ geu gʼaˬ maˬ kaˬ, kuˆ lawˆ laꞈ kʼoeˇ jeˬ hmˬ taˬ-euˬ myawˬ yaw shuiꞈ hawˇ-eu yaw oeˇ yuˇ doˆ laꞈ-eu nymˇ sahˇ aˬ da tiˬ gʼaˬ-ahˇ duˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵² Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Maꞈtehˬ 13:52 ပူးပေါင်းရင်းမြစ်များ

Eˇzaˬlaˬ 7:10

Eˇzaˬlaˬ-aˬ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ dzaw geuꞈ-awˇ caw teh-eu gʼaˇ duˬ maˬ ehˇ, zahˇ dawˬ kʼoꞈ dawˬ kʼoeˇ deuˬ hawˇ-eu zahˇ sahˇ kʼoꞈ deuˬ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu gʼaˇ duˬ maˬ ehˇ, noeˬ tsehˆ taˬ-euˬ tsawˇ haˬ tiˬ gʼaˬ pyeuꞈ-eu meh.

Eˇzaˬlaˬ 7:21

“Mˬ taˆ Miˬyehˇ-euˬ zahˇ dawˬ kʼoꞈ dawˬ siˬ duˬ-eu zahˇ dzoeˬ miˬ ma pyeuꞈ-eu piˇ ma Eˇzaˬlaˬ kʼaˇ shaˇ-eu yawˬ jeˬ na luꞈ-ahˇ maˬ nyi naˬ ni biꞈ nehˬ-eu gʼaˇ duˬ, Uˇpaˬlaˇ lawˇ baˬ nahˇ ma doˆ kʼehˬ paw miˇ kʼahˬ-ahˇ jawˇ-eu pyuˇ shuiˇ myawˬ gahˬ bi jeˬ hmˬ-euˬ yaw huiˬ yaw mahˇ dawˬ tawˆ luꞈ-ahˇ ngaˇ dawˬ biꞈ-eu ma.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Dawqdaq 11:30

Yaw tsaˬ yaw dawˇ jeˬ-euˬ aˇ siˬ-aˬ, dehꞈ-eu saˬ laˇ aˇ bawˇ pyeuꞈ-awˇ, aˬ dzawˬ aˇ gah gah-eu jeˬ-euˬ aˇ siˬ-aˬ, shiˇ-eu jeˬ pyeuꞈ-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 18:4

Tsawˇ haˬ kʼaˬ meh-ahˇ doˆ le-euˬ dawˬ iˇ cuꞈ tmˬ loꞈ-ehˇ naꞈ-awˇ, zaˬ siˬ tsawˇ gahˇ lawˇ baˬ iˇ yoeˇ ga-eu meh.

Dawˬ caˇ 7:13

Zaˬ jawˇ lehˬ oꞈ aˇ siˬ yaw saw saw keuˆ le-awˇ, kʼaˇ kuiˇ-eu aˇ siˬ dawˬ tawˆ luꞈ aˇ nyaꞈ-euˬ gʼoˆ kʼehˬ dawˬ peh jaˆ meh. Ngaˇ gaˬ-eu gʼaˬ-oˇ, kʼaˇ kuiˇ-eu aˇ siˬ yaw shuiꞈ yaw oeˇ dawˬ tawˆ luꞈ, nawˬ-euˬ gʼaˇ duˬ ngaˇ pyaˆ uiˬ taˬ-euˬ ma.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Maꞈtehˬ 13:51

“Gaˇ kawˆ heu deuˬ naw maꞈ gʼoˆ shaw-euˬ ma loˇ” lehˇ Yeˬsuˇ naˇ haˬ ngeh, “Gʼoˆ shaw-euˬ ma” lehˇ aˬ yawꞈ maꞈ ehˇ-eu meh.

Maꞈtehˬ 13:53

Yeˬsuˇ yaw jeˬ ma jeˬ kʼoeˇ deuˬ ja mehˬ gʼaˬ ngeh, jawˇ duˬ kʼoeˇ tsahˇ-ahˇ neh doˆ-iˇ-awˇ,

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Luˇkaꞈ 11:49

Kʼoeˇ baˬ da neh, Miˬyehˇ-euˬ zaˬ siˬ tsawˇ gahˇ sahˬ boꞈ laꞈ kʼoeˇ, ‘Miˬyehˇ gʼaˇ duˬ ngehˬ dah-eu deuˬ hawˇ-eu Gʼaˬ kʼehˇ deuˬ-ahˇ aˬ yawꞈ maꞈ sehꞈ-awˇ, tiˬ paˆ na deuˬ-ahˇ kʼehˬ nehˬ kʼaˆ nehˬ tehꞈ-a’ lehˇ ehˇ taˬ-euˬ meh.

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

Eˇpeˇsu 3:4

Naw maꞈ gui haw ngeh, Ka li-euˬ gaˇ kawˆ zaꞈ taˬ-euˬ jeˬ-ahˇ ngaˇ aˬ joˆ-ehˇ gʼoˆ shaw taˬ-euˬ gaˇ kawˆ ya siˬ tehꞈ-a.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Gawˇlawˇsehˇ 1:7

Nga maꞈ-euˬ dah zaˇ Ka li-euˬ gaˇ-ahˇ saˇ jaˇ ziꞈ-awˇ mˇ luꞈ-eu gaˇ mˇ cawˬ Iˇbaˬpaˬlaˇ neh Miˬyehˇ gʼawˬ shaˬ gaˬ-eu guiˬ lahˬ yaw dzahˇ gaˇ kawˆ naw maꞈ-ahˇ mehˬ nehˬ-euˬ meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

Tiˇtuˆ 1:9

Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.